من شفتها وقلبي وياهاا.........قصه اماراتيه كــامله .

[بليا روح]

يسير مبارك ويشل منصور ويوديه المسيد عشان يصلون الظهر .. ويحاول مبارك يهدي في منصور .. بعد الصلاة كان منصور يريد يرد المستشفى بس مبارك ماطاع ...
منصور : مبارك ادخيييييلك ردني المستشفى
مبارك : منصور انت حالتك تعبانه وين تبا ترد هناك
منصور : اريد اسير اشوف سعيد يمكن يحتاجني
مبارك : انزين بشلك المستشفى بس طلبتك هدي نفسك مب زين اللي تسويه بعمرك
منصور رد راسه على ورا وتنهد : أأأأأأأأخ خلاص بس ودني المستشفى لاتخليني انزل وسير بروحي
مبارك يشوف منصور وحالته مب احسن عنه : خلااااااص الحين بوديك


في المستشفى .......
فطوم واقفة على راس الريم تتراياها تقوم .. ودقايق وانتبهت الريم ..
ام منصور تمسك بإيد الريم : الريييييم
الريم اطالع من حواليها : ووووين سعيد
ام منصور : سعيد بخير ماعليه شر بس ردي ارتاحي
الريم وهيه ازاعج : لا اريد اشوف سعيد قبل مايموت
ام منصور : بسم الله عليه شو يموت انت الثانية انشالله يقوم بالسلامه
الريم : امايه وغلاتي عندج وديني اريد اشوف سعيد امايه دخيلج بمووووت اذا ماشفته
ام منصور : باسم الله عليج يعل يومي قبل يومج
فطوم : خالوه شوو هالرمسه انا بسير ارمس ابويه بخليه يكلم الدكتور عشان الريم تشوف سعيد

سارت فطوم ترمس ابوها ... بعد اصرار اقتنع الدكتور ادش الريم على سعيد بس محد يدش غيرها لأنه حالته ماتتحمل ..

تدخل الريم على سعيد .. اللي بشوف سعيد بهلحالة بقول مستحيل يعيش كانت حالته تقطع القلب ... تمشي الريم صوب سعيد وجسمها يرتجف من فوق اللين تحت وخطواتها ثجيله عليها ودموعها في عيونها بس ماسكه نفسها ... تتقرب الريم من سعيد وتخلي ايدها على راسه وتمسح على شعره .. حست بحرارة في ايدها .. يلست تكلم سعيد عساه يرد عليها ...
الريم : سعيييييييد دخيلك لاتخليني وتروح دخيلك سعيد انا احبك ماتعرف شووو كثر محتاجتلك .. سعيد عشاني رد سعيد وغلاتي عندك رد علي .. سعييييييد واطيح على صدره ويلست اتصيح .. وحست دقات قلب سعيد قويه على راسها .. مسكت ايده ورصت عليها .. وحبته على يبهته ويوم كانت تريد تسير جان يمسكها سعيد من ايدها .. من حست سعيد يرص على ايدها حست جسمها يرتجف من الخوف وردت صوبه ..
الريم : سعيييييييد .. سعييييييييييييد
سعيد ويحس الألم يقطع جسمه بس حاااول انه يرد عليها وبصوت متقطع : الرــــالرـــ الرييييييم
الريم وهيه تصيح : سعيد سعيد دخيلك لاتروح وتودرني سعيد انا احبك أحبببببببببك
سعيد يحاول يفتح عيونه بس مش قادر : الرررررريم انا احبج الرريم .....
الريم : سعيد لاتتكلم دخيلك
سعيد يمسك ايدها ويقربها من قلبه ويرد يغمض عيونه ..
الريم وهيه ازاعج : سعييييييييييييد لاااااااا لا تخليني
يدخل منصور وهو يربع صوب سعيد ويشوف الريم طايحه تيبس في مكانه مايعرف شوووو يسوي .. يدخل الدكتور معاه سسترات .. الدكتور عند سعيد والسسترات يشلن الريم وينقلونها حجرتها ويعطونها مهدي ...
منصور واقف ودمعته تسابق الأحداث ..
منصور : دكتوووور بشر
الدكتور : لا الحمد لله سعيد ماعليه شر بس هذا تأثير المنوم
منصور يتنهد : الحمد لله
الدكتور يخلي ايده على جتف منصور : أطمأن سعيد تعدا مرحله الخطر بس المشكله النزيف اللي عنده
منصور من سمع رمسه الدكتور ارتاح شوي : يعني فيه أمل يعيش
الدكتور : مااعرف العمر بإيد الله بس انشالله باجر بكون كل شي واضح
منصور : مشكور دكتور وماتقصر
يطلع منصور يبشرهم بالخبر اللي سمعاه من الدكتور . طبعا الكل فرح وسار يريد يبشر الريم .. بس للأسف الريم ماتدري باللي حواليها ..

الساعه 5.30 العصر ...

ترجع فطوم البيت بعد التعب .. ومن الساعه 11 الصبح وهم في المستشفى .. تسير بيت قوم الريم عشان تشل اخوانها وترد البيت . وهيه داخل البيت تشوف البنات يالسات يلعبن ولايدرن بالسالفه وباللي صاير وتشوف عبدالله ( أخو سعيد ) يالس على الكرسي وهو يصيح .. تتقرب منه فطوم تحاول تهديه.
فطوم : عبدالله
عبدالله يطيح في ثبانها : اريد اشوووووف سعيد
فطوم : عبود سعيد مافيه شي الدكتور بشرنا بأنه تعدى مرحلة الخطر
عبدالله يشل راسه ويمسح دموعه : حلفي
فطوم : والله يالله اشوف امسح دموووعك وسير ازقر سيف بنسير البيت
عبدالله : سالم هنيه
فطوم : شووو خالي سالم هنيه
عبدالله : هيه توه ياي وسار يبدل ملابسه عشان بسير المستشفى
فطوم : خلاص انا بسير عنده

تسير فطوم حجرة خالها سالم ودق الباب
سالم : ادخل
تفتح فطوم الباب وتمسك خصرها : هااااا سلوووووم
سالم يلفت يطالعها : سلوووووم في عينج اسمي سالم وعلى مااعتقد اني خالج ويا هالويهه
فطوم تسير تسلم على خالها : جان ماايت يلست في سوريا مب احسن
سالم وهو يالس يعدل سفرته : تصدقين ماكنت في سوريا
فطوم : وين عيل كنت
سالم : اممممممم البحرين
فطوم : شوو شو اسوي في البحرين
سالم : ماشي انحوط
فطوم : خالي انت حياتك كلها كشتات حوامه ولاتيلس في البيت وانت الحين اشكبرك ولاعرست قولي ماتريد تستقر وتعرس
سالم لفت صوبها وضحك : هههههههههه
فطوم : شي يضحك الحين
سالم سار يلس على الكرسي : سمعي بقولج كل شي بس يتم سر بيني وبينج اتفقنا
فطوم وهيه متحمسه : اوكيه قول
سالم : انا عايبتني وحده واريد اخذها
فطوم : مااااالت عليك اكيد من بنات المولات
سالم: لا شوو المولات اقولج بخذها يعني بتكون حرمتي
فطوم : ههههه ادري انها بتكون حرمتك بس منو هاي اللي تباها
سالم : أأأأأأأأأأخ اشحلاتها تخبل
فطوم : سلوووووم قول منو هيه
سالم : اخت ربيعي
فطوم : عاااااش والله وكيف شفتها
سالم : سمعي قصتي .. من شهرين كنت ساير بيت ربيعي وكنت بدش الميلس وانا حليلي ماادري انه حد كان قاعد .. شفتها يالسه اتلاعب اخوها الصغير
فطوم : انزين وبعدين كمل
سالم : شووو اكمل بس خلصت السالفه
فطوم : شو اسمها
سالم : اعتقد اسمها علياء
فطوم : اشدراك ماعندها خوات
سالم : مرة كانت داقه على محمد اخوها اللي هو ربيعي وسمعته يقولها علياء .. وهم ولدين وبنت يعني اكييييد محد غيرها
فطوم : أأأأأأأأف منك مب هين طلعت
سالم : انزين انت الحين من وين يايه
فطوم : من المستشفى
سالم : اشحاله سعيد انشالله بخير
فطوم : الحمد لله حالته تعدت الخطر
سالم : الحمد لله انزين انا الحين بسير اشوفهم..
فطوم : لاتعب عمرك مابخلونك ادش اتشوفه
سالم : لييييييييش
فطوم : ماادري ماطاعوا يخلون حد يدش عليه
سالم : انزين الريم اشحالها هيه الحين
فطوم : ماادري بس زينه ماعليها شر ..
سالم : انا رمست بو سعيد وتحمدله على سلامة سعيد والصراحه انا الحين تعبان وبرقد وبسير عقب صلاة المغرب بسلم وبرد
فطوم وهيه سايره صوب الباب : كيييفك برايك انا سايرة بيتنا
سالم : بتردون العين
فطوم : لا بيتنا اللي هنيه في بوظبي
سالم : انزين سكري الباب وراج
فطوم : اوووووووكيه



عقب صلاة المغرب الساعه 7.30 .. في المستشفى ...
كان بو سعيد يالس على الكرسي وعداله بو سيف .. ايي سالم ..
سالم : السلام عليكم
بو سيف وبو سعيد :وعليكم السلام
بو سيف : هااسالم بسك من الحوامه
سالم : ههههه شو بسني حد يشبع من الحوامه
بو سيف : يالله بالستر اسميك ..... ويسكت ويرد ايلس على الكرسي
سالم تقرب من بو سعيد : ها يا بو سعيد اشحالك انشالله بخير
بو سعيد : الحمد لله بخير
سالم : اشحاله سعيد انشالله بخير
بو سعيد : الحمد لله حالته احسن عن أول
في نفس اللحظه ايي الدكتور ...
سالم : هادكتور بشرنا انشالله الولد بخير
الدكتور : الحمد لله ونحن الحين بننقله غرفة خاصه يعني ترومون تشوفونه
بو سيف : والنزيف اللي عنده
الدكتور : الحمد لله النزيف بدأ يخف يعني يباله كمن يوم وبوقف النزيف اللي عنده
بوسعيد : يعني خلاص حالته نفس قبل ويقدر يتكلم
الدكتور : الحمد لله ترومون تكلمونه ويكلمكم .. وتستحقون سلامته
سالم : ماتقصر يادكتور والشر مااييك
الدكتور : تسلم اخوي الحين تفضلوا الغرفة رقم 11 دقايق وبكون عندكم
بو سعيد : مشكوور دكتور

سار سالم يسلم على الريم ...
سالم : السلام عليكم
الريم وام منصور : وعليكم السلام
سار سالم يسلم على الريم : هااااا ريموه اشحالج
الريم : الحمد لله عمي اشحالك انت
سالم : دامج بخير انا بخير
الريم تنزل راسها : انا مب زينه
سالم سار يلس عدالها : ليييش افا يا بنت اخوي
الريم : عمي شفت سعيد
سالم يريد يغلس عليها : الريم انت إنسانه مؤمنه واللي كاتبه ربج لازم نرضاه ولازم مانعترض عليه .... وتقاطعه الريم : عمي لا تقووووول دخيييييلك سعيد حي لاتيلس تقص علي
سالم : هههههههههه ،، لا سعيد ماعليه شر وابشرج بعد نقلوه غرفة خاصة ويسولف وشفته وسلمت عليه ،،
الريم والدمعه في عينها : قول والله
سالم : شوو اقص عليج والله ماعليه شر بس انت شدي حيلج وخلينا نطلعج من هالمستشفى اللووووعه
الريم والابتسامه على ويها : انا بخييييير امايه سيري ترخصيلي اريد اطلع
سالم وام منصور : ههههههههههههههه
الريم : عمي فديتك ودني عنده اريد اشوفه
سالم : لاماشي ربعه عنده الحين
ام منصور : ومنصور وينه
سالم : منصور يالس على راس سعيد والفرحه طاره ويها
الريم : اووووووووف هذيله ربعه مالقوا غير الحين ايون
سالم : انا بسير عنده يوم بيطلعون ربعه بيي اشلج
الريم : اوووووكيه

سالم سار عند سعيد ... والريم تشل التلفون وادق حق فطوم ..
فطوم : الووووووووو
الريم : هلاااااا
فطوم : مرحباااا والله اشحالج ريماني
الريم : بخير والحمد لله اشحالج انت
فطوم : الحمدلله
الريم : ويييينج انت
فطوم : في السيارة الحين يايين لييش شي في خاطرج
الريم : سلامتج بس البنات الباقيات وياج
فطوم : معايه ودوم وميروه ويزوي ماخلتها خالوه تريدها تمسك علاوي
الريم : اهااااا ابشرج سعيد نقلوه غرفة خاصه
فطوم : حلفي متى
الريم : والله عمي سالم كان هنيه وبشرني
فطوم : هيه ياج سلوووم العصر شفته ورمسته
الريم : شوووو سلوم بعد خليه يسمعج بسفرج
فطوم : ووووويه ياويلي خفت عاادي سلوم يعني سلوم
الريم : انزين كيفج بس يالله بسرعه عشان نسير عند سعوووودي
فطوم : ويا ويهج سعووودي بعد
الريم : يالله يالله جلبي ويهج بااااي
فطوم : باااااي

[بليا روح]

توصل فطوم وميروه وودوم المستشفى يسيرون غرفة الريم ....
فطوم : السلام عليكم
الريم والابتسامه على ويها : وعليييكم السلام هلاااا والله
ميروه : اشحالج الريم
الريم : بخير اشحالكم انت
ودوم : نحن بخير دامج انت وسعيد قمتو بالسلامه
الريم : هههههههه الحمد لله ان سعيد قام بالسلامه
فطوم : عندي لج خبر بمليوووون
الريم : شوو يالله قولي شو صار
فطوم : اممممممممم رخصوج تقدرين اطلعين
الريم : والله وسعيد
ميروه : سعيد بعده لازم ايلس في المستشفى لأن النزيف بعده ماوقف
الريم نزلت راسها : ...................

دقايق يدخل سالم ... : يالله الريم ربع سعيد ساروا
الريم تنقز من الشبريه بسرعه تسير تشل شيلتها وتعدل من شكلها ..
فطوم : هههههههههه حوووو يالله
سالم ماسك عمره من الضحك : يالله بسرعه الريم بعدين بمنعون الزيارات عنه
الريم تلبس نعالها : يالله

في غرفة سعيد .. يدش سالم معاه الريم وفطوم وميروه ويزوي ..
فطوم : السلام عليكم
الجميع : وعليكم السلام
فطوم : الحمد لله على السلامه سعيد
سعيد وعيونه عند الريم : الله يسلمج
ميروه : ماتشوف شر ياسعيد
سعيد : الشر مااييج
ودوم سارت يلست عدال اخوها : ماتشووف شر يا الغالي
سعيد : الشر مااييج
تضرب فطوم الريم على جتفها عشان تسلم ...
فطوم :حوووووو رمسي
الريم : اشحالك سعيد
سعيد : الحمدلله اشحالج انت
الريم : بخير دام بخير الحمد لله على السلامه
سعيد : الله يسلمج ياربي ،، الحمدلله على سلامتج انت بعد
الريم : الله يسلمك
سالم : احم احم سعيد ترا الريم لها الفضل في حياتك
سعيد يلف صوب سالم وعلامات الاستفهام على ويهه
سالم : الريم حليلها تبرعت لك بدمها
سعيد مسك طرف الشبريه لأن ألم النزيف بدأ يعوره ،، بس مسك عمره عشان خاطر الريم ويلف صوبها : الريييم مشكوووورة الغالية لو لاج جان انا ......
وتقاطعه فطوم : حتى ابويه له الفضل حتى هو حليله تبرعلك
سعيد : فديتك ياعمي والله مايقصر بس خليني اشوفه بشكره ولايهمج
فطوم : هههههههههه
سارت الريم تيلس عدال اخوها منصور ..
منصور : هالريم اشحالج الحين
الريم : الحمد لله
منصور : ريموه يوم بيطلع سعيد من المستشفى بنطالبه بدمج ولايهمج بنطلعه من عيونه
الريم : هههههههه لا افاا كله ولا سعيد فدوه له دمي
سعيد يلف صوب منصور والريم : اسمع حد يحش فيني
منصور سار يلس عدال سعيد : افاااا حد يروم يحش بالشيخ سعيد
سعيد النزيف عنده بدأ يزيد بس ماحب حد يعرف ويحاول يضحك : هههههههههههه
يدخل مبارك : السلام عليكم
الكل : وعليكم السلام
مبارك : هاا سعيد اشحالك
سعيد : الحمد لله
منصور : اشم ريحه أكل
مبارك : ميروه قومي خلي العشا في الحجرة الثانية لأن الحين بيون أهالينا
قامت ميروه وفطوم والريم وشلن العشا الحجرة الثانية وسار مبارك ينزل الأكل الباقي اللي في السيارة ..
يلس منصور حذال سعيد ومسك بإيده : سعييييييد شي يعورك
سعيد : لا ماشي يعورني
منصور : سعيد انا منصور مب أي واحد تقص عليه
سعيد : ماشي النزيف شوي يعورني
منصور : انزين انا بسير ازقر لك الدكتور
سعيد مسك ايد منصور : لا مب الحين .. بعد شوي بييي ابويه مااريده يستهم دخييييلك منصور
منصور : سعيييد دخيلك مااريد افقدك والله ماتعرف شو كانت حالتيه يوم سويت حادث والله بغيت اموت قبل لا أسمع انك مت
سعيد وبدت الدمعه تنزل من عيونه : والله حتى انا احبك يا منصور انت اكثر من ربيع انت حبيبي وعمري ومااقدر اعيش من دونك
منصور يمسح دمعه سعيد : ههههههه والريم وين سارت
سعيد : الريم ،، الريم الحين استوت دمي يعني شي مهم في حياتي مستحيل اقدر اعيش من دونها بعد لوو فقتها اكيييد بمووت
منصور : بعيد الشر عنك
تدخل الريم عندهم وتوقف عند الباب ..
يلف سعيد صوب الريم : الرييييييم تعالي اريد اقول لج شي
تتقرب الريم وتوقف عدال اخوها منصور : خييييير شو بغيت
سعيد يمسك ايدها : الريم سمحيلي عذبتج وياي والله اني مااستاهل كل اللي سويته فيني صبرتي علي واتحملتيني والحين دمج يجري في عروقي انا للحين مب مصدق ان دمج يجري في عروقي ،، سمحيلي الغالية خربت ليله الملجه عليج
الريم ويها احمر تحاول تسحب ايدها من ايد سعيد : لا افااااا يا سعيد انت غالي علي وليله الملجة عادي بنعوضها انشالله
منصور : احم احم بعدني انا واقف
الريم بسرعه سارت الحجرة الثانية من القفطه ...
دقايق ويدخل مبارك وينضم إلى سعيد ومنصور والبنات في الحجرة الثانية .. وشوي يدخل سالم ..
منصور : مرحباااا بعمي قرب قرب
سالم : هاا شباب اشحالكم
مبارك : بخير وسهاله
سالم : هاااا سعيد شوو الأخبار
سعيد : توك من ساعه طالع من عندي يعني اوضاعي نفس ماهي متغير شي علي
سالم سار يلس عدال منصور : اقووول شباب بعرس شو رايكم
منصور وهو منصدم : شوووووووو بتعرس
سالم : هيه بعرس ليش مستغربين
منصور : حووو سلوم سير قص على غيرنا
سالم : شووووو سلوم بعد هاي بلاك انت وحرمتك اتزقروني سلوم شوو اصغر عيالكم انا
منصور وهو مستغرب : منو حرمتي
سالم : فطووووووم بعد حد غيرها
منصور اعتفس ويهاا وحب يغير السالفه : انززززين عمي انت صدق تريد تعرس
سعيد : هيه والله صدق سالم ولا يالس تقص علينا
سالم : والله صدق بعرس أأأأأأأأخ فديتها
سعيد : اوهووووو شكله الريال يحب
سالم : بس انت تعرف الحب انا حالتي حاله انت بربك مجابلتنك الحبيبة بس انا مرة وحده شفتها واعتفست
منصور : عمي يالله قولنا منو هاي سعيده الحظ
سالم : خلوها مفاجئة
ويدخلون بو منصور وام منصور وام سعيد وبو سعيد وام مبارك وام سيف وبو سيف : السلام عليكم
الكل : وعلييييكم السلام
بو سعيد : هااا سالم بعدك ماسرت
سالم : سرت ساعه ورديت
ام منصور : زين والله انت دواك حد يخطبلك عشان ماتفكر تسافر
سالم يطالع الشباب وده يضحك : على ايدج يا حرمه اخووووي
ام منصور : صدق تريد تعرس بخطبلك ولا يصير خاطرك إلا طيب
بو منصور : سالم تريد تعرس
سالم : تبوووون الصراحه
ام سيف : سالم بلاك اكيد نريد نعرف اذا تريد تعرس ولا لاه
سالم : اول شي قوموا العشا برد بعد العشاا بقول لكم رايي
الكل سكت وساروا يتعشوون إلا سعيد كانوا مانعينه من الأكل .. لأنه عنده فحوصات ..

تدخل فطوم عند سعيد في الحجرة الثانية وشاله له كوب ماي ..
سعيد : هاا فطوم ليييش ماتعشيتي
فطوم : مااريد بيلس وياك
سعيد سند راسه على المخده : ................
فطوم : سعيد اشفيك شي يعورك
سعيد : لا ماشي
فطوم : عيل لييييييش سكت
سعيد : فطوم بسألج سؤال جاوبيني
فطوم : قوووول بجاوبك
سعيد : الرييييم تحبني ولا لاه
فطوم خاطرها تضحك : ...............
سعيد : .................
فطوم : اممممم مااعرف أسألها أنت
سعيد : سألتها أكثر من مرة ولاجاوبتني
فطوم : مااعرف شوو اقولك
سعيد : قوليها انها ماتحبني صح
فطوم : سعيد انت للحين ماتعرف اذا الريم تحبك ولا لاه ،، بعد كل اللي سوته فيك ..ويقاطعها سعيد : اريد أطمأن
فطوم : بقول لك السالفه كامله من يوم ماشافتك الريم
سعيد رفع راسه : قووووولي
فطوم : أول مرة شافتك فيها يوم كنا في المبزة وانت تعرف شو صار هناك وثاني مرة في بيتنا يوم العيد بس الريم ماكانت مهتمه ،، بس يوم كنا في العزبة كانت وايد مهمته انها تشوفك وتبي الصدق كانت تقولي انها ....... ويدخل سالم ومبارك عليهم وتسكت فطوم ..
سالم : ها فطوم لييييييش ماتعشيتي
فطوم : مااريد شبعانه
سعيد وده يقوم يصفع سالم ومبارك يريد يعرف وبعدين .. بس مايقدر وشوي يتولفون كلهم وايلسون يسولفون ..
بو منصور : هااااا سالم ماقلت لنا تريد تعرس ولا لاه
سالم : الصراحه انت سبقتوني انا كنت بقول لكم اريد اعرس واباكم تسيرون تخطبولي
ام منصور : هذي الساعه المبارك ومنو العروس
سالم : اخت ربيعي محمد واسمها علياء
الريم : علياء وسالم ماتركب
سالم : هههههههه ولا الريم وسعيد ووووع ماتركب ،،، يفر سعيد دبة الماي على سالم عشان يسكت
الريم : ههههههه
ام سيف : انزين خلاص من يقوم سعيد بالسلامه بنسير نخطبها لك
سعيد : لااا لاتخلونه يترياني للين مااقوم خطبوله الحين حرام يترياني للين مااقوم بالسلامه
بو سعيد : صدق سعيد خلاص يوم الاثنين بنسير نخطب لسالم وسعيد ماعليه شر
سالم طاااير من الفرح مايعرف شوو يسوي وده لو ايول بس من الفرحه سار يحب راس سعيد
الكل يضحك عليه .: هاهاهاهاهاهاهاهاهاهاهاهاهاهاهاهاه
ام منصور : لازم تحب راس اخوك مب راس سعيد
سالم سار يحب راس اخوه بو منصور : والله من الفرحه اسمحووولي


<<<<<<<<<<<<<<<<<<<<<<>>>>>>>>>>>>>>>>>>

الحلقة (( 22 ))

يوم الخميس .........
الساعه 7.30 المغرب
سالم يالس في الصاله ويزااااااعج يزقر بو منصور ..
ام منصور : بلااااك طار الدنيا من حسك
سالم : وينه حمد
ام منصور : سار يصلي
سالم : أي صلاة الناس خلصت الصلاة وطلعت وريلج بعده
ام منصور : وانت اشعايلنك
سالم : اتأخرنا على العرب فضيحه
ام منصور : ههههههه اسميك مستخف إلا خطبه وانت جيه محتشر ولو عرس ماادري شوو بتسوي
سالم : اوهوو لو العرس بتشوفيني طاير في السما
ام منصور : لووو رفضوك ومايوزوك بنتهم
سالم : فال الله ولا فالج هب هب اتفائلي بالخير
دقايق ويدخل بو منصور : السلام عليكم
ام منصور وسالم : وعليكم السلام
سالم : حشه يا حمد مب صلاة إللي يقول قيام الليل
بو منصور : ساير امشي المسيد قلت بسوي رياضة شوي
سالم : انزين يالله هبابنا تأخرنا على العرب
بو منصور : اتريا بو سعيد وبو سيف ومبارك ومنصور اللين ماايون عشان كلنا انسير
سالم : حشااا وين تبابهم هذيل كلهم نحن إلا رايحين نخطب مب رايحين كشته
سار بو منصور يلس على الكرسي .. : اتريا بو سعيد وبو سيف قالوا الحين يايين في الطريج وانت طالع مبارك ومنصور وينهم
سالم ومعصب على الأخر يدق على منصور ..
منصور : الووووو
سالم : وووووووينك
منصور : هلا والله بمعرسنا
سالم : خليتوا انتوا فيها معرس
منصور : أفاااا ليييش يا طويل العمر
سالم : انقفض يالله تعال بنسير عند العرب وابوك يالس يترياك اونه لازم تسير
منصور يالس يرمس سعيد ومبارك : هذا سالم محتشر يريد يسير يخطب
سالم : حووووو وينك
منصور : كنت ارمس الشباب اللي عندي
سالم : لايكون يالس عند ربعك
منصور : لا يالس عند سعيد
سالم : انزين تعال بسرعه
منصور : بعد نص ساعه بنكون عندك
سالم : شوو بعد نص ساعه يالله تعالوا الحين
منصور : أسف اسمحلي عمي سعيد عنده غسيل الحين مااقدر اودره
سالم : انزين قول حق مبارك بيي ولا لاه
منصور يرمس مبارك : بروووك يقول لك سلوووم بتسير وياه
مبارك يطالع سعيد : إذا رخصني بو عسكور بسير
سعيد : برايك سير منصور بيلس وياي
مبارك : خلاص بسير
طبعا سالم يسمع كل اللي انقال
منصور : مبارك بخاويك
سالم : حووو منصور منو هذا سلوووم
منصور : هههههههه اكيد انت حد غيرك
سالم : استح على ويهك انا عمك وجريب بستوي معرس يعني مااريد حرمتي تسمعكم تزقروني سلووووم
منصور : هههههههه اسمع هذا بعده ماوافقوا عليه ومحتشر اقوووول اشدراك انها تباك الحرمه اكيييييد بترفض
سالم : ليييييش ترفضني والله ماشي ينعاب فيني ريال ولي هيبه والكل يتمناني اناسبهم
منصور : والنعم الساع محد قال شي يالله بسكر الدكتور يا واسمحلي عمي انشالله في العرس بخاويك ولا عليك وبرزف بعد بس انت طول بالك وسع صدرك وخبرني بكل التفاصيل يوم بتطلع من عند العروس المنتظره
سالم : ههههه انشالله بس قول حق مبارك بسرعه كلهم وصلوا إلا هو ،،
منصور : انشالله فمان الله

في بيت بو محمد ...
سالم يالس عدال محمد ربيعه ..
محمد : هااااا يا بو غنيم شوو بلاك اشوفك تتحرقص
سالم يلف صوب محمد : محمد دخيييييلك طمن قلبي قول الصدق أختك تباني ولا لاه
محمد : وانت لييييش مستعيل وأختي بتحصل أحسن عنك ريال ولا عليك قصور
سالم : تسلم بو جسيم بس قلبي مب مطمأن ،، القاضي من ساعه عندها حشا مب سؤال بيسأل
محمد : هههههههه الله ياخذ العرس جانه جيه يسوي بالريايل
سالم : هههههه ماشفت شي بس خليه ايي دورك وتيلس في مكاني بعدين بتحس
محمد : هههههه فال الله ولا فالك حشااا علي تخبلت ادخل القفص اللعين لااا ياخوي مااريد انتهي بعدني في عز شبابي ،، انت ماادري ليييييش فكرت في العرس اسميك يبت نهايتك على ايدك
سالم يتنهد : أأأأأأأأخ لو تدري يا محمد باللي صار يوم شفت اختك الله ياخذ الحب اللي مايرحم الواحد خلها مستورة بس اخافه لو يدري بأني شفت اخته وحبيتها ودخلت قلبي اكيييييد بيرفضني

دقايق يدخل المطوع ومعاه بو محمد ...
بو محمد : مبرووووك يا بو غنيم
سالم سار يحب راس عمه وقلبه ينتفض : الله يبارك في حياتك عمي
المطوع : مبرووكين ومنك المال يا خوي ومنها العيال انشالله
الكل : انشالله
بو منصور : نترخص عيل نحن وانشالله بينا اتصالات
بو محمد : وين مايلستوا
بو سيف : وين مستعيلين سمحونا انشالله اليايات أكثر

مبارك واقف عدال سالم : هاااا المعرس شوو الأوضاع الحين
سالم : اسكت عني اخاف اطيح عليكم وامووت
مبارك : ههههههه والله انك سالفه
اترخصوا الجماعه من بو محمد وساروا البيت ...

في بيت قوم فطوم .... (( اللي في بوظبي ))
فطوم والريم يالسات يسولفن في الصالة .. شوي ويدخل سالم وهو يدندن : مالي عزا من دونه لتيمني هواه .. كل الحسن في عيونه لويهه ومحياه .. الناس مايسوونه لعالي مستواه .. قلبي فضى مضنونه وارجوك لاتنساه ..
فطوم : اشفيه الريال مستانس اكيييييد نجح في الامتحان
الريم : هههههه لا خسارة كنت اتوقع دور ثاني
فطوم : ههههههههههههه
سالم : حووووو فطيم وييين امج
فطوم : ووووووع اسمي فاطمة والكل يزقرني فطوم وفطيم مااحبه ووووووع يكبرني اللي يسمعك الحين بقول هذي عيوز
سالم : عيوز انزين كم عمرج الحين
فطوم : اممممممم 18
سالم : ههههههههه صغيرونه
الريم : هههههههه طالع عمرك الحين عمرك 26 وتوك تفكر تعرس
سالم : ههههههه مشكله اللي بدشكن الجامعه مايعرفن شي ،، سيرن نقعن هذا العمر المناسب للزواج
فطوم : ههههههه المهم بشرنا شوو صار في العروس المرتقبه وافقت عليك
سالم : اكييييييييد بتلقا واحد شراتي
الريم : والله خاطريه اشوووفها عشان اكسر خشمك عندها
سالم : ههههههههه ترومين اصلا محد بشوفها اخاف عليها من عيونكن
فطوم : انزين متى بتملج عليها
سالم : يوم بقووووم سعيد بالسلامة
دقايق وتنزل ام سيف عندهم : هااا سالم شوو صار وياك
سالم يغمز للريم وفطوم : مالي حظ فيها يا أختي أونه تقول كبير عليها
ام سيف : وابوي شو كبير هيه انزين كم عمرها
سالم اونه زعلان :24
ام سيف : إلا فرق سنتين والله شو تريد واحد عمره 20 اصغر عنها بس خلها تولي وانا علي بتنقالك هذيج الحرمه الزينه ..
الريم وفطوم : هههههههههههههههههههههه
سالم : هاهاهاهاهاهاهاها اقص عليج وافقت
ام سيف : مالت عليك والله انك ماتيوز من حركاتك
سالم : ههههه سمحيلي اختي قلت بشوف شو ردت فعلج
ام سيف : والله ماعندك سالفه ،، فطوم اتصلتي في سيف اطالعينه
فطوم : هيه اتصلت وقال ببات عند حمدان والريم بتبات عندنا
ام سيف : انزين انتن تعشيتن الحين
فطوم : هيه تعشينا
ام سيف : سالم انت تعشيت
سالم : اهيه تعشيت وخطفت على منصور وسعيد شليت لهم اكل بعد
ام سيف : واشحاله سعيد بعد الغسيل
سالم : واااايد تعب حليله بعد الغسيل لقيته راقد ومنصور حليله شكله مايرقد في المستشفى
ام سيف : الله يكون في عونهم محد اييه الرقاد في المستشفيات
سالم : خلاص عيل انا بترخص بسير اوطي راسي تعبان من امس مب راقد
الريم : لازم تحسب الدقايق والثواني عشان ... ويقاطعها سالم : ههههههه والله مايفوتج شي يابنت حمد
ام سيف : برايك سير وط راسك وسلم على حرمة اخوك
سالم : سلام يبلاغ يالله بنات مع السلامه
فطوم والريم : مع السلامه

سارت ام سيف حجرتها ،، وفطوم والريم يالسات في الصاله ..
الريم : حليلك يا سعيد والله مايستاهل
فطوم : صدق والله مايستاهل زين انه سلم من هالحادث
الريم : اليوم ماسرنا المستشفى انسلم عليه
فطوم : حوووووو عقلي بملج الريال
الريم : هههههه لا شو يمل مني أصلا وده أقعد وياه 24 ساعه
فطوم : ههههههه لاتستعيلين بتقعدين وياه العمر كله
الريم : انشالله الله يسمع منج
فطوم مسكت تلفونها والريم ألتهت بالتلفزيون ..
فطوم : اوهوووو اريد اطرش حق منصور مسج بس ماادري متردده .. اوووف بطرش واللي فيها فيها خليه يقول رزه عني : (( منصور لووو سمحت بطلب منك طلب وياليت ماتردني فيه ،، لووو سمحت سير وط راسك ورقد انت الحين من يومين مب راقد ))

قرأ منصور الرساله : أأأأخ يافطوم كم اشتقت لج احس اني من زمان مايلست وياج أأخ كم اشتقت لسوالفج ومغايظج ..
ويرد يطرش : غاليه والطلب رخيص ،، وتصبحين على خير
فطوم : وانت من اهله

يلست فطوم اتابع الفلم مع الريم ...
فطوم : حليله جتلوه
الريم : احسن دواه اكره شرير
فطوم : لييييييش حرام عليج والله حلوو شكله
الريم : ووووع من وين يته الحلاه شعره اشقر
فطوم : ههههههههه
ويقاطعهن صوووووت تلفون فطوم .. استغربت الريم وفطوم من التلفون الحين الساعه 11.30 فليل منو بدق هالوقت ..
تشل فطوم تلفونها وشافت رقم منصور وقف قلبها قالت اكييييييد شي صار بس ماردت على الريم بسرعه : الووووووو
منصور : هلا والله بهالصوت
فطوم : شوو صاير
منصور : ماشي ليييش زغتي
فطوم : اووووف قلبي طاح ..
فطوم اطالع الريم وتأشر لها بأنها بتسير وبترد سارت فطوم بسرعه حجرتها ..
فطوم : الوووووو
منصور : وين سرتي
فطوم : كنت في الصاله مع الريم انطالع التلفزيون ودرتها وسرت حجرتيه
منصور : اهااااااا الريم بتبات عندكم
فطوم : هيه ،، بس انت ليييييش مارقدت انا شوو قلت لك وليييييش داق فهالوقت تصدق طيحت قلبي
منصور : هههه هذيل كم سؤال الحين سألتيهن
فطوم : مايهم كم سؤال بس انت جاوب
منصور : اولا ماياني الرقاد لأني مااحب ريحه المستشفيات وثانيا كنت ملان قلت خليني ادق واعرفج انج ماترقدين هالوقت بس تصدقين من الساعه 10 وانا ماسك التلفون اريد ادق بس كنت متردد واااايد
فطوم : هههههه الله يهديك بس انزين اخبارك بعد
منصور : تمام تصدقين اشتقت لمغايظج
فطوم : هاهاهاهاها ولايهمك اطلع من المستشفى انت قبل بعدين بتشوووف مقالبي اللي مابتسلم منها
منصور : خخخخخخخ كلها مكشوفه طبعا
فطوم : بتشووووووف شووو بسوي
منصور : المهم اخباره معرسنا
فطوم : ههههه سلوووم حليله مرتبش الريال والله خاطريه اشوووفها اللي سرقت قلبه
منصور : والله ماينلام مب اول واحد يطيح في الحب الكل طااااح
فطوم حبت تغير السالفه : انزين اخباره سعيد بعد الغسيل
منصور : فديته سعيد وايد تعب من الغسيل ،، بس النزيف الحمدلله وقف خلاص وهذا اخر غسيل له
فطوم : والله يعني جريب بيطلع
منصور : ماادري يوم سألت الدكتور قال يباله يومين ثلاث ايام وبيطلع
فطوم : زين والله ،، يالله خلاص اجلب ويهك وسير ارقد
منصور : ههههههه مابييني الرقاد من سمعت حسج
فطوم : شووووووو
منصور : لا اقول مافيني الرقاد
فطوم وخاطرها تضحك : انزين يالله سير اتعوذ من بليس وسم بالرحمن ورقد
منصور : انشالله يالله تصبحين على خير
فطوم : وانت من اهله

سكرت فطوم من منصور : أأأأأأأأأأأخ يوم اريد انساه ارد أذكره أأأوف منك يامنصور ،، وانا ليييش معوره راسي فيه بسير اشوووف ريموه اكييد بتحتشر الحين بس شو بقولها الله يسلمني منها بس

في الصالة .........
الريم اتابع الفلم .. تدخل فطوم وهيه عقلها مب عندها ..
الريم : هاا منو اللي داق
فطوم : ................
الريم تلف صوب فطوم وشافتها سرحانه : حوووووو انت
فطوم : ............
الريم تفرها بالمجله .. فطوم انتبهت : أأأأأأخ فلعتيني
الريم : وووووين وصلتي اكييييد شفتي فارس الأحلام راكب حصان وياي يشلج
فطوم :ههههههه لا وحياتج شفته راكب حمار ابيض
الريم : هاهاهاهاهاهاهاهاهاهاهاها بطني ياويلي تعرف تنكت بعد المهم من اللي داق
فطوم : ها .. لا هااي .. هاي هيه هاي اسوم ربيعتي
الريم : اشفيج حشاا إلا سؤال وجيه سويتي انزين شو تباج
فطوم : هاا ماشي تسلم علي وتتخبرني عن الجامعه
الريم : اهااا ،،،، وطنشت الريم السالفه .. وسارت تمكل الفلم .. بس فطوم الجسم بس عند الريم اما العيون والعقل والقلب طبعا مكان ثاني (( يلعن الحب ويومه جان جيه أمبهدل الكل ))

[بليا روح]

يوم الجمعة الساعه 5.20 .. في المستشفى ..
سعيد يالس وياه منصور وعبدالله اخوه ..
دقايق يدخلون : الريم وفطوم وام سيف وام منصور
فطوم : السلام علييييييييييييكم
الكل : وعليكم السلام
ام منصور : اشحالك سعيد هاا شو هباتك اليوم
سعيد : بخير وسهاله عفت ريحه المستشفى ودي اطلع من هنيه
ام منصور : انشالله بتطلع بس يالله شد الهمه
سعيد : يلف صوب الريم : ها الريم اشحالج
الريم : بخير اشحالك انت
سعيد : بخير وسهاله
دقايق ويدخل الدكتور : السلام عليكم
الكل : وعليكم السلام
الدكتور : هااا سعيد اشحالك اليوم
سعيد : بخير والحمد لله
الدكتور يالس يطالع الملف ............؟؟؟؟؟؟
منصور : هادكتور متى بيطلع سعيد
الدكتور : اممممممم انشالله بعد يومين
عبدالله : أخيييييييرا يعني يوم الاحد
الدكتور محطي ايده على راس عبدالله : صح يوم الاحد انشالله
ام سيف : مشكووور دكتور وماقصرت
الدكتور : لا ياأختي هذا واجبنا
سعيد : صدق لو لاكم جان انا الحين تحت التراب
منصور يلف صوب سعيد وده يصفعه : هذا بفضل ربك وهذا الكلام اللي يالس تقوله مب زين
الدكتور : خلاص عيل انا بمر عليك انشالله يوم الأحد عشان أوقعلك على الملف عشان تطلع
سعيد : مشكووور دكتور وماقصرت

سعيد يلف صوب منصور : هاااا منصور بلاك احتشرت
منصور يالس يشرب جاي : ...............
سعيد طنش السالفه لأنه يعرف منصور مابرد عليه الحين قال يوم بيطلعون برمسه احسن ..
سعيد : اخباره سالم ماشفته اليوم
ام منصور : محتشر يريد يملج ماادري شو عايلنه هالريال
سعيد : هههههههه انزين خلوه يملج حد قابظه
ام منصور : الله يهديك وين يملج وانت مرقد في المستشفى فضيحه شو بقولون الناس عنا
سعيد : خلاص انا بطلع يوم الأحد وبقوله يملج يوم الخميس
ام منصور : لا لاترمسه بشل البيت على راسه مصدع راس حمد مسوي فلم هندي في البيت
الريم : هههههههه الله يهديك ياعمي وحليله تولع الريال
سعيد يلف صوبها ويخزها بعينه ويقول في خاطره : أأأأأأأخ يا الريم منج خليج ساكته تولع جروحي من اسمع حسها
منصور وقف يريد يطلع ..
ام منصور : وين منصور
منصور : بسير اتمشا مليت من اليلسه
سعيد : بترد ولا لاه
منصور وهو لاف صوب الباب : اكيييد برد

يطلع منصور .. فطوم تتحرقص تريد تطلع بس ماترعف كيف ..
فطوم تساسر الريم : اريد اسير ارمس منصور
الريم : سيري حد قبظج
فطوم : كيف اطلع شو بقول حق امايه
الريم : عادي قولي لها بتسيرين تمشين وبتردين
فطوم : ههههه انزين قومي وياي
الريم : اااااااسفه لييش اكون رزه بيلس اجابل سعيد ابرك لي من مجابلج انت ومنصور
فطوم : أأأأأأأأف بطلع واللي فيها فيها
وقفت فطوم تريد تطلع ..
ام سيف : فطوم وين تبين
فطوم : بسير ..أأأأأ .. بسير هناك
ام سيف : ويييين
فطوم اطالع الريم : بسير اتفقد المستشفى يمكن حد يحتاج شي
الريم : هههههه وقفي عند باب الطوارىء اذا حد ياي وعنده حاله بسرعه ساعديهم مااوصيج
سعيد : هههههههههههه
فطوم : هههه سخيفه امايه بسير اتمشا اريولي عورتني من اليلسه
ام سيف : لاتروحين بعيد
فطوم : انشالله

طلعت فطوم ادور على منصور .. بس مالقته .. سارت غرفة الإستراحه وتشوف منصور سادح راسه على اليدار ويالس على الكرسي ..
وسارت يلست على الكرسي اللي عداله بس هو ماحس فيها ..
فطوم : احم احم السلام عليكم
منصور مالف صوبها : وعليكم السلام
فطوم : ...............
منصور : ............
فطوم ترمس عمرها : اوووووف يستهبل ولا ماحس فيني اني يالسه هنيه
فطوم : اقول اخوي تعبان
منصور : لا بس مهموم
فطوم : أأأأأأفا وانا وين سرت
منصور لف صوبها : فطوووووووم
فطوم تنزل راسها : ......................
منصور : أأسف ماعرفتج
فطوم : اكيييييد مابتعرفني وين وصلت بأفكارك
منصور : وووين وصلت اللي جريب في بوظبي ماطلعت برع الحدود
فطوم : هههههه انزين بلاك لييييش مهموم
منصور : ماادري شو اقولج بس غامضني سعيد والريم
فطوم : لييش بلاهم
منصور : ماادري بس نفس ماشفتي ليله ملجتهم اختربت بسبة الحادث والريم تعبت من الصدمه ،، بس سعيد تصدقين أول ماوصلت وشفته كله لونه احمر من الدم النزيف كان حاااد وهو يهاذي بالريم والله ذيج الساعه كان ودي امووووت ولا اشوف سعيد بهلحاله وتوج سمعتيه شوو يقول (( وهو يقلد سعيد )) : صح والله لو لاكم جان أنا الحين تحت التراب..
فطوم : ماينلام سعيد اللي شافه في الحادث توقع انه بموت مابعيش وللين يومك محطي فكرة الموت براسه الله يهديه بس وانت بعدين حق شوو شال هموم الدنيا كلها على راسك طالع شكلك كيف استووويت ويهك مصفر واضعفيت
منصور : شو اسوي سعيد غالي عندي ،، ومحد غيرج يفهمني
فطوم : منصووووور
منصور : عونج
فطوم ويها طماطه : دخيييلك هون على نفسك شووووي اذا انت ماتهمك حياتك انا تهمني منصور دخييلك عشان خاطريه وين ذيج الضحكه اللي ماتفارق ويهك وووووين مقالبك الحلوووو
منصور : هههههههههههه تشوفين الوقت مايناسب
فطوم : بنخليه يناسب ولايهمك بس لاتسوي بعمرك اكثر من جذيه من الحادث انت في المستشفى مافارجت سعيد ،، صح ان سعيد يهمني ولد عمي قبل كل شي بس انت تهمني اكثر
منصور مستانس وده يطير : وأخييييييرا طيبتي قلبي بكلامج
فطوم : لييييييييش شو سويت انا
منصور : انت ابدا ماسويتي شي بس معذبتني وكاسره قلبي حليله دومج مجاهلتنه
فطوم وده تبلعها الأرض ولاتسمع هالرمسه خلاص ذابت وقفت تريد تسير ..
منصور : ووووين يلسي وياي
فطوم : برد عندهم وانت تعال هناك بدال مايالس بروحك ..........،،،،،،،، سارت فطوم وخلت منصور يالس بروحه ..
منصور : أأأأأأأخ كان ودي اقول كل اللي في خاطريه ودي تعرف بغلاتها عندي ودي تعرف شو كثر اعزها أأخ منها ماخلتني ارمس شردت أأأأأأأخ ياقلبي شو اسويبك محد قال لك تعشق وتحب تحمل ماياك واللي بيك منها ..


يوم الأحد يطلع سعيد من المستشفى ورد العين وقوم فطوم يلسوا في بيتهم اللي في بوظبي .. منصور دومه مطيح في العين عند سعيد بس يوم الثلاثاء والاربعاء ماسار كان محتشر ويا عمه عشان الملجه يوم الخميس وسالم جنه ملك بوظبي من فرحته ..
المهم تخطف الأيام بسرعه لأنها كلها كانت استعدادات للملجه ...

يوم الملجه .. الصبح الساعه 6 .. سالم يالس في الصاله يشرب حليب .. تنزل فطوم والريم ..

الريم : عمي ليييش قايم من الصبح
سالم : ههههه تعرفين بعد ليييش تستهبلين
فطوم : نسينا اليوم يومه الريال اكييييد مارقد
سالم : ههههه وانتن ليييش قايمات من الصبح
الريم : ماشي قمنا نصلي بعدين الأنسه فاطمة قالت ننزل نشرب حليب
سالم : اهاا انزين يلسن هذيه دله الحليب ،، يلسن وياي سلني عشان الوقت بسرعه يخطف
سارن الريم وفطوم يلسن عدال سالم ..
فطوم : اقووول خالي
سالم : واخيرا رحمتيني وزقرتيني خالي
فطوم : هههههههه لييييش
سالم : دومج كله سلوووم سلوووووم ازقريني جنج نسيتي اني خالج
فطوم : هههههه غصبا عني ازقرك خالي ودي ازقرك سلووم بس شو اسوي خلاص بنحترمك لأنها ملجتك اليوم
سالم : دخيلج لاتفضحيني عند علياء
الريم : أأأأأاخ ياعلياء وييينج اطالعين فارس الأحلام يفكر فيج ليل ونهار ابد مب راحمتنه شاله عقله
سالم : خخخخخخخخ اليوم بشوفها مااصدق
فطوم : انزين خالي اقوووول
سالم : قولي
فطوم : خالي شووو رايك انا والريم يوم بدش اطالع علياء بندش وياك
سالم شرق بالحليب : شوووووووووو
الريم : ههههههه صدقها فطوم عمي فديتك خلنا اندش وياك
سالم : يالله يالله هذا اللي ناقص بعد
فطوم : وااااي بنشوفها قبلك وبنترس راسها علييييييك
سالم : والله يا ويلكن بخليها تقول لي كل اللي بتقولنه
فطوم : انزين بنشوووف
سالم : انا حق شو يالس وياكن بسير اتمشا على البحر ابرك لي
الريم : واااااي بحر عمي عمي شلنا وياك
سالم يفر عليها المخده : سير نقعي هكيه الدرب
فطوم : خالي يالله شلنا البحر من زمان ماسرنا
سالم : واااابوي اسحب بنات ويا من الصبح شو قالوا لكم خبل
الريم : عيل حرمتك مابتسحبها وياك
سالم : شو هاي بعد تسحبها وراك شو عنز هيه
فطوم : ههههههههههههه
سالم : حرمتي غييييييير تصدقين مابفكر اسكن هنيه اخاااف عليه من شرج يا الريم وانت وفطوم
الريم : هههههه ماادري وين بتسكنها على القمر
سالم : امممممم تصدقين القمر شوي عليها
فطوم : والله متشوقه اني اشوفها
سالم سار عنهن ... ودرهن في غيظهن ..

تيلس فطوم والريم في الصالة يشرب حليب .. ويخططن كيف بكون في ليلة الملجه وشوو بسون .. دقايق ويزل بو منصور ..
بو منصور : السلام عليكم
فطوم + الريم : وعليكم السلام
بو منصور : لييييش قايمات من وقت
الريم : مايانا رقاد
بو منصور : سالم راقد ولاقام
الريم : وووين هذا اصلا مارقد طلع سار يتمشا على البحر
بو منصور : هههههه الله يهديه ميت على العرس مايعرف انه مسؤوليه
فطوم : خالي اصبلك حليب
بو منصور : هيه صبيلي فديتج بطلع برع بيلس عند الزرع
تصب فطوم حق خالها حليب ويطلعون كلهم برع ايلسون عند الزرع (( حديقة البيت خخخخخخخ )) .. المهم يالسين داقين سوالف ودقايق ويحدر منصور عندهم ..
منصور : صباح الخير
الكل : صباح النور
سار منصور يحب راس ابوه وقعد عداله : هاا شيبتنا اشحالك اليوم
بو منصور : شيبه في عينك شوفني ولاشعره بيضه في راسي
الريم : باسم الله على ابويه بعده في عز شبابه
منصور : هههههههه خيبه كلهم طاحوا علي حشا حشا محد يمزح
فطوم : هههههههه كله ولاخالي
منصور : ونعم الخال
بو منصور : انت وين ساير بهالكشخه
منصور : ماشي اليوم الخميس وين بسير يعني ماشي دوام قلت بطلع اتمشا
الريم : طلعنا وياك ملينا من البيت
منصور : هههههه هذا اللي ناقص بعد سيري لاه انا ساير العين
الريم : ليييييش شو اسوي العين
منصور : من يومين ماسرت عند سعيد بسير اسلم عليه
بو منصور : حق شوو بتسير اليوم هم بيون عشان الملجه لاتسير ولاعندك خبر يلس طالع عمك اذا يريد شي
منصور : هذا عمي من يومين مجابلنه عفته
الريم : صح والله وين بتسير بعد سعيد بيي اليوم وسلم عليه واشبع منه
منصور : خلاص ماساير

يخطف الوقت بسرعه محد حس فيه إلا سالم لأنه يالس يعد الدقايق والثواني (( ماينلام معرس ))
المهم في بيت العروس ..

البنات كلهن تولفن في بيت قوم فطوم يوم خلصن تعديل وخرابيط .. كلهم سارن بيت العروس وينزل وهن متغشيات لأن الحوش انترس رياييل ..
يدشن من باب الصاله وهن مايعرفن وين يسيرن يصادفن محمد عند الباب اخو العروس
فطوم : السلام عليكم
محمد : وعليكم السلام
فطوم : لو سمحت اخوي انت من اهل البيت
محمد : هيه تفضلي بغيتي شي
فطوم : لابس نحن مانعرف وين نسير نريد انسير عند العروس
محمد : دشي الصاله ولفي يمين ودشي الباب الثاني العروس يالسه داخل
فطوم : مشكوور اخوي
محمد : ماعرفنا من الخوات
فطوم : نحن نقرب لسالم سالم يستوي خالي
محمد : هيه مرحبابكن قربن قربن البيت بيتكم
فطوم : مشكوور وماقصرت اسمحلنا بس نحن اول مرة اندش بيتكم
سارن البنات داخل ( الريم وفطوم ودوم وميروه ويزوي وشيخه وشمه :: شيخه أخت ميروه وشمه بنت عمهم اللي في دبي :: )
محمد وقف في مكانه يطالع المزيونه اللي رمسته ؟؟؟؟
محمد : والله انه تخبل اطيح الواحد من حسها والله انهن كلهن غراشيب
سارت شيخه وشمه عند الحريم في الميلس
أما الباقيات يدخلن على علياء ويسلمن عليها ويعرفنهن بأعمارهم ..
الريم ترمس ميروه : أأأأأأوف اشحلاتها من حقه عمي متخبل عليها
ميروه : صدق والله انها كشخه ماينلام سالم انه محتشر على العرس
الريم : علياء
علياء : خير الريم
الريم : تصدقين سالم شال البيت محتشر عليج يريد يعرس اليوم قبل باجر
علياء ويها طماطه : ههههههه حليله
فطوم : دخيييييلج شال البيت على راسه طوول الوقت يدندن وتصدقين بعد من امس مب راقد
علياء خلاص ويها اشارات : هاهاهاهاها سالم الحين جيه
الريم : وووين ماشفتيه ماادري انت شو سويتي بعمي تخبل من شافج
علياء : الريم فطوم بس عاد مااتحمل استحي
فطوم : ههههههههه يحليلج ياحرمه خالي ..
الريم : تصدقين ماالومه الريال الصراحه سكتينا كلنا ماشالله عليج وااااايد حلووووه
علياء : عيونج الحلوه الغالية وانتن ماشالله عليكن عرايس
فطوم : أي عرايس دخيييلج محد فينا عروس غير الريم
علياء : هيه حرمه سعيد
الريم : ههههههه أي عروس دخيلج اختربت ليله ملجتيه
علياء : انشالله بتتعوض ولايهمج
فطوم : سمعة عمي يقول الاسبوع الياي بملجون على الريم
علياء : يالله عاد ريموه ضحكي
الريم : هههههههه
فطوم : دخيلج لاضحكين تعرض تقويمها
ميروه : هههههههه
يزوي : حووو حد على الباب افتح ولا لاه
محمد : علياء ..
علياء : خير بنات عندي داخل
محمد : سالم بدش عليج طلعي وسيري الميلس الحريم
عليا ء: والحريم وين
محمد : الحريم في الخيمه
علياء : انشالله
الريم : علايه خليني بنسير وياج
علياء : انزين يالله
فطوم : والله ليسفرنا خالي
علياء : ماعليكن منه ..
سارت علياء ميلس والبنات وياها ..
دقايق ويدخل محمد وسالم ..
البنات بسرعه اتغشن من شافن محمد داش
محمد : خلاص انا اترخص .. :: ويضرب سالم على جتفه ..
سالم هو وده يصفع البنات بس مسك عمره : السلام عليكم
الريم : وعليكم السلام هلااا والله بالعم
سالم : انتي شو رزج انا اسلم على علياء
علياء : وعليكم السلام
سالم يحر البنات بعين يباهن يطلعن بس هن أكبر طااااااف ...
سالم : اشحالج علياء
علياء وهيه منزله راسها من المستحى : بخير والحمد لله اشحالك انت
سالم : بخير وسهاله
فطوم تقرص الريم عشان يطلعن
فطوم : خلاص عيل نحن نترخص منكم
سالم : سويتن خييير فيني
الريم : حشااااا وده يصفعنا
علياء اطالعهن وتقولهن لااطلعن
سالم : يالله فارجن
الريم : انزييييين بس بنرد ..

بعد ماطلعن البنات من عند سالم وعليا .. حل السكوت بين الأثنين اللي هم سالم وعليا كل واحد مايعرف شو يقول ولا شو يبدأ .. بعد صمت طويل قرر سالم انه يرمس ..
سالم : احممممم .. أأأأأأ .. احمممممم
رفعت عليا عيونها اطالعه وخاطرها تضحك . بس من المستحى ردت ونزلت راسها ..
سالم : اشحالج عليا
علياء وهيه مبتسمه : الحمدلله
سالم : أأأأأأ .. مااعرف شو اقول
عليا : ...................
سالم : عليا الصراحه بقول كل اللي في خاطرية ،، من شفتج وانا حالتي حاله ماادري شو صار فيني يقول خبل استويت ،،
عليا : ماعندي أي تعليق لأني تبي الصراحه ماخطرت على بالي
سالم حس بخيبة أمل : يعني ماتحبيني
عليا وهيه منصدمه وكلمتها ظهرت لاعفويا : شوووووووووو
سالم : يعني انت مغصوبه علي
عيا : اسمع يا سالم مب شرط كل اللي يتزوجون يكونون يحبون بعض في بعضهم يتزوجون وتنولد المحبه والاحترام بعد الزواج ،، يعني عشان انك ماخطرت على بالي ولافكرت فيك مب شرط اكون اني مغصوبه عليك أو اني مااحبك ،، لااااا اسمحلي اقول انك ماتفكر بعقلك تفكر بقلبك وصدقني ياسالم انا فكرت فيك من يوم ماتقدمتلي يعني قلت مع الايام بتعود عليك وقلت محد غيرك بيسعدني ويخاف علي وبعد الكلام اللي سمعته من الريم وفطوم ..... يقاطعها : شو الريم وفطوم اكييييييد حشن فيني
عليا : ههههه لاوالله كله يمدحنك ماخلن كلمه ماقالنها
سالم وهو متشقق : شوو بذمتج مدحني
عليا : ليييش مستغرب
سالم : ماادري بس غريبة
عليا نزلت راسها : قالن لي عن حشرتك في البيت بسبة الزواج .
سالم : ههههه انزين شو رايج نسوي العرس اخر شهر 8
عليا يقول حد صب عليها ماي بارد : لاااااااا
سالم وعلامات استفهام على ويهه : ليييييش
عليا وهيه منصدمه شو قالت وليش صرخت حست بالقفطه ونزلت راسها : لابس كنت اقول جنك مستعيل
سالم : ههههه زيغتيني ،، لامستعيل ولاشيات عندج شهرين يكفن صح ولاه
عليا : اللي تشوفه ،، خلاص عيل انا بترخص عنك
سالم : لا وين تو الناس
عليا وقفت : شو تو الناس الحين الله يعيني على حشرة الريم وفطوم شو بسكتهن بيسلن سين وجيم
سالم : عليا لاتحتكين فيهن هذيله مخبل
عليا : لا حرام عليك والله انهن سوالف
سالم : هههههه أي سوالف دخيلج
عليا : ماعليه تعودت عليهن بس الحين اسمحلي لازم اسير
سالم : مااقدر اشوفج مرة ثانيه وارمسج بالتلفون
عليا وهيه سايره صوب الباب : نووو وي أخر مرة تشوفني فيها ،، طلعت وخلته بروحه : شوو نو وي كيفها هو ماعليه كل يوم بطيح في بيتكم ..

سارت عليا عند الحريم في الخيمة وسلمت ويلست وياهن ..

الريم وفطوم يمططنها يبن يودنها داخل عشان يسألن شو صار .
سحبن عليا داخل ويلسنها على الكرسي ويلسن تحت مجابلاتنها ..
الريم : يالله عليوه قولي شو صار
عليا : لا بعد شو هاي عليوه عيب حبوبه انا حرمة عمج
فطوم : أهوووو قولي شو قلتو
عليا : امممممم ماشي تمينا ساكتين
الريم : لا والله تقصين علينا
عليا : خبرت سالم عليكن
الريم : شوو شو قلتيله
عليا بخبث : قلت انكن حشيتن فيه
فطوم : حرام عليج نحن
عليا وقفت تريد تسير : لا اقص عليكن مارمست عنكن
الريم : انزين وين بتسيرين
عليا : عيب بسر عند الحريم بقولون بعدين هاي مافيها مذهب ..
فطوم :اوكيه خلاص يلا ظهري عند الحريم
طلعت عليا ويلست الريم وفطوم في الصاله ..
الريم : أأأأأأوف منها عنيده
فطوم : والله كان في خاطرية اسمع شو بقولها
الريم : غربلاته عمي ماخلانا نيلس ..

يحدر عليهم محمد وهو حليله مايدري بأن حد يالس في الصاله كان يتحسب عليا داخل عشان يعطيها المداخن توديهن عند الحريم .
فطوم من شافت محمد وقفت في مكانها امبهته عيونها ونست تتغشا ..
محمد يلس يطالع الغزال اللي واقف :::
محمد نزل راسه : سمحلي تحريت عليا هنيه
الريم : لا عادي اخوي عليا طلعت
محمد : سمحيلي كنت اريد اعطيها المدخن
فطوم : عطني انا بشلهن
محمد : لا خلاص بزقر على البشكارة
الريم : حق شو يا اخوي عادي نحن استوينا من اهل البيت
محمد : سمحيلي ماعرفتكن منو
الريم : انا الريم سالم يستوي عمي وهذي فطوم وسالم يستوي خالها
محمد : اهاااا انت اخت منصور
الريم : هيه
محمد : وانا محمد اخو عليا وانا البجر
فطوم سارت شلت المدخن بس عادي مااهتمت فيه ،، (( لان اللي في القلب واحد ومستحيل حد ياخذ مكانه عندها وغلاة منصور محد يسواها عندها مهما صار )) ..


طلع محمد من عند الريم وفطوم وسار صوب سعيد ومنصور يالسن عند السيايير وهو عقله عند فطوم .. (( هيهاااااااااات تاخذها ))
منصور : يالله الاسبوع الياي ملجه سعيد وبنفرح فيه
محمد وهو منصدم لاااا لايكون العروس هيه اللي في بالي
محمد وبخبث : والله مبرووووك منو سعيدة الحظ
سعيد : أخت منصور
محمد حس براحه : اهااااا الريم
سعيد وهو منصدم : اشدراك اسمها الريم
محمد : هههههه لاتوني محصلنهن في الصاله شلت المدخن توديه حق الحريم
سعيد : اهااااااا
وايي سالم : ها انتو هنيه
منصور : أأأاخ ياعمي حطمت القاعده
سالم محطي ايده على جتف منصور : يالله عقبالك
منصور نزل راسه وتنهد : انشالله
سعيد : الأسبوع اليا ملجتيه
سالم : والله خلاص سعيد بنسوي العرس ارباعه اخر شهر 8 شو رايك
سعيد : والله خلاص موافق
محمد : هههههههههههه مستعيل الريال


يخطف اليوم بخيره وبشره .. وكل واحد يسير بيته يوطي راسها بعد هالصدعه ..
منصور سار بيتهم وهو شال حب فطوم في قلبه وخوفه من المستقبل ،، وسالم شال فرحته وخله راسها بكل أمان ورقد ،، أما سعيد فرحته بتكتمل بعد اسبوع وطه راسه وهو مرتاح ،، اما محمد شال طيف فطوم في عقله ولايدري باللي راح يصير في المستقبل وحبه بزيد أو بنقص ..



تخطف الأيام والريم مرتبشه بالملجه .
قبل الملجه بيوم في بيت قوم فطوم .(( بعدنا نحن في بوظبي لاتروحون بعيد ،، خخخخخخخ ))
الريم : فطوم خايفه
فطوم بلامبالاه تصفح المجله : مب أول وحده بملجون عليها
الريم : أأأوف منج غبيه خايفة يستوي شي نفس ذيج المرة
فطوم سكرت المجله : الريم توكلي على ربج وانشالله مايصير شي إلا اللي كاتبنه ربج
الريم : ونعمه بالله ،، بس ...
فطوم : لابس ولاشي وانشالله مايصير الا الخير
الريم : ماادري بس اخاف يستوي بسعيد شي
فطوم : أوهوووو ياويل حالي
الريم شلت التلفون وطرشت مسج حق سعيد : (( تصبح على كلمة احبك وتنام على شوق يغليك وفي داخلي قلب يودك ودايم يفكر فيك ))
فطوم : حو شو اسوين
الريم : اطرش حق سعيد مسج
فطوم : وين تبين الساعه الحين 10.30
الريم : انشالله الساعه 1 مايهمني
فطوم : مالت عليج انت وياه
الريم تتريا سعيد يطرش : .................. ؟؟؟؟!!!!!!!
الريم : لييييش ماطرش
فطوم : يمكن راقد
الريم :.............
ترد اطرش : ((عودت عيني بالسهر يانظرها سهران واعاني وانت نايم ومرتاح ))
................................؟؟؟؟؟؟!!!!!!لاجواب والريم بدت تخاف ..وترد ترسل (( تم ارسال الرساله والمصيبة لاجواب لاسقاني من وصاله ولاذكر سر الغياب ))

سعيد قام من رقاده معصب : شوو هاااا مايخلون حد يرقد يشل التلفون وكان وده يكسره يفج الرساله ويقرأ مسجات الريم ..
سعيد : أأأأأأأخ ياعوقي
سعيد : (( هلا باللي تذكرني وكنت احسبه ناسي بعد عني برسمه وهو اقرب من انفاسي ))

الريم : وووووووواااااااي فديته ياربي
فطوم : هههههه الله يكملج بعقلج
الريم : فطوووم دخيلج عطيني مسج حلوووو
فطوم : هههههه ككككك هاهاهاها ضحكتني سيري لاه اشتغل عندج وعند ريلج
الريم : مالت عليج ؟؟
الريم : (( أسفه ازعجتك ؟؟ بس يمك خذتني لهفة الخاطر ما امهلتني انتضر باجر ))
سعيد : (( الريم سمحيلي الغاليه بس الصراحه وعيتيني من رقادي ،، تصبحين على خير انا تعبان ))
الريم تلومت وخلت في خاطرها : (( مسموووح ،، وانت من اهله ))

عدت الليلة والريم تفكر بباجر وشو اللي بصير ياترى بتم الملجه على خييير ولا بستوي شي يمنع الملجه .. الريم من حظ سعيد ولا لاه ..؟؟ ومحمد شي بسوي ولا لاه ؟؟؟
__________________

[بليا روح]

يوم الملجه الكل كان مرتبش بس الريم .. كانت خايفة يستوي شي في الملجه ..
من جهة سعيد كان فرحان من الخاطر وأخيييييييرا حلمه بتحقق والريم بتكون حرمته بعد طول الإنتظار بعد ساعات بتكون من نصيبة ولاشي يمنعه منها ..
منصور : ها سعيد بلاك اشوف ويهك مصفر
سعيد : هههههه من الخوف تصدق
منصور : هاهاهاهاها الله يهديك بعد ساعه تقريبا بتحقق حلمك شو تريد بعد مب انا حالتي حاله والله يعيني على ماابتلاني
سعيد : شو رايك الاسبوع الياي تملج على فطوم
منصور : ههههه الله يهديك اصلا هيه ماتباني ولاتفكر فيني خلها على هواها يمكن تحن علي
سعيد : اسمع شوري واملج الاسبوع الياي
منصور : هههههه مصخناها كل اسبوع ملجة واحد يعني بعد ملجتي بتكون ملجه مبارك واللي بعده ملجه ابوي وابوك
سعيد : ههههههه حتى شوابنا تريدهم يعرسون
منصور : هههههههه الله يهديك سوالف
سعيد : انزين شو قلت
منصور : بشوووو
سعيد : بشو بعد بملجتك
منصور : الله يهديك ياسعيد اصلا فطوم ماتفكر فيني وانا مش مستعد اتزوج
سعيد : برايك على هواك

سالم يدق حق فطوم تلفون ..
سالم : الوووووووو
فطوم : هلا والله خالي
سالم : شو هالحشره
فطوم : صوت الفرقة
سالم : انزين وين عليا اريد ارمسها
فطوم : عليا بعيد عني وين مااشوفها
سالم : أأأأوف وين سارت
فطوم : اشدراني
سالم : انزين يوم تحصلينها خليها ادق
فطوم : اووووكيه باي

فطوم سارت صوب الريم اللي كانت يالسه ..

الريم : وين سرتي
فطوم : ماشي إلا هنيه
الريم : أأأاوف مليت حشااا لو بعده عرس
فطوم : لييييش
الريم : هاي المصورة الله ياخذها لعوزتني
فطوم : تصدقين يقول عرس مب ملجه عمي ماسوا جيه
الريم : هههههه لاتقارنين سعيد بسالم شو ياب الشباب عند الشواب
فطوم : هههههههههه سكتي سكتي عليا يت
عليا : هااااا الريم خلصت المصورة
الريم : أأأوف طرتها قلت لها بعدين مليييت
فطوم : اقول عليا سالم دق يسأل عنج
عليا : ليش شو يريد
فطوم : اشدراني بس قال لي خليها ادق
عليا : انزين دقي له على تلفونج لأني مااعرف الرقم
فطوم : اووووكيه

سالم : الووووو
فطوم : خالي هذيه عليا
سالم : عطيني اياها

عليا : الووووو
سالم : مرحبااااا الساع بالغاليه
عليا سارت بعيد عن الريم وفطوم وحشره الفرقه : هلا فيك والله اشحالك
سالم : والله اني كنت تعبان بس من سمعة حسج ارتحت
عليا : هههههه وينك انت
سالم : موجود اقول عليا بغيت منج خدمه
عليا : حاضرين شو بغيت
سالم : اريد اشوووفج
عليا : شووو
سالم : الحين بدش الخيمه عشان اشوفج
عليا : وين تبا كله بنات هنيه
سالم : انفادهن شو يخصني فيهن انا ياي اشووفج
عليا : لا لا فضيحه وين بدش
سالم : أوني ياي اسلم على بنت اخوي
عليا : اللي تشوفه
سالم : باي انا الحين ياي

سارت عليا عن الريم وفطوم كانن يالسات
فطوم : هااااا شو يباج خالي
عليا : بدش الخيمة بيي يسلم على الريم
الريم : اونه يسلم علي ولا على بعض الناس
عليا ويها طماطه : هههههه لا علي وانت الصادقه

دقايق ايي سالم : السلام عليكم
الكل : وعليكم السلام
سالم : ها الريم مبرووووك
الريم : الله يبارك فيك
سالم يلف صوب فطوم : عقبال فطوم
فطوم تنزل راسها : انشالله
سالم يمسك ايد عليا وايلسها على الكرسي ..
الريم : عمي وين تبا اطلع برع فضيحه
سالم : هههههه انا اصلا ياي حق حرمته شو اباكن انتن
فطوم : ههههههههه حركات
سالم : حوو المصورة تعالي صوريني مع حبيبتي
عليا ويها اشارات .. الريم : ياويلي انا شو خليتوا حقنا عيل
سالم : سيري لاه تحلمين انت سعيد يحبج قد ماانا احب عليا
عليا : حووو بس عاد فضحتونا
سالم : فديت اللي نطق انا
فطوم : خالي عيب نحن يالسين وجيه الله يعين لو قمنا
سالم : هههههه عادي حرمتيه
الريم : بعد العرس قول حرمتيه
سالم : عادي تراني مالج

دقايق وأتيهم أم منصور : سالم يالله بالستر وين يالس هنيه
سالم : ياي اسلم على الريم
الريم : ياي تسلم علي ولاه ......
ام منصور : يالله يالله برع فضيحه وين منخش عند البنات
سالم : أأأأأاوف انزين طالع حشااا كلتوني
عليا : ....................
فطوم : يالله خالي الله يحفظك
سالم : يالله عليا باي مابشوفج بعدين
عليا وهيه مبتسمه : الله وياك

ام منصور : ها الريم سعيد بحدر الحين
الريم : لالالالالالالا
ام منصور : لييييش
الريم : امايه دخيلج استحي
ام منصور : عادي شو مستحاه بعد ريلج خلاص استوا
فطوم : بعد حق شو المستحى اوني اللي يقول اول مرة بتشوفينه
عليا : يالله الريم عاد احليله الريال من متى يتريا هاليوم
الريم : .........................
ام منصور : ماعليكن من كلامها ،، الحين بدش وياه منصور
الريم : خلاااااص كلتوني حشااااا حشااااا الله يعيني


دقايق ويدش سعيد ومنصور .. وبدت حشرة الفرقه ..
سعيد خطواته صعبه صوب الريم أما منصور عااااادي كااااشخ يقول المعرس ومرتبش .. وصلوا صوب الريم وقفت الريم ونزلت راسها .. سار سعيد وحبها فوق راسها وقف عدالها ..
منصور وقف عدال فطوم ..
فطوم : ....................
منصور : اشحالج فطوم
فطوم : بخييير
منصور : يالله شوو هالحلاه غطيتي على العروس
فطوم : نزلت راسها وسارت عدال عليا ..
وتبدأ الفرقه اطرب ،، منصور ماقدر يمسك عمره .. قام ويرزف جدام الريم وسعيد وسعيد يصفق ويشجعه دقايق وحمدان وسيف ينظمون لمنصور ويبدأ اليواله ،، بس منصور يسكت الواحد بيوالته محد يروم عليه ولد حمد .. فطوم بس كانت عيونها عند منصور ،، أأأأأخ محلاته يخبل محلاته يوالته يسكت الكل والله انه هيبه بكل شيء .. منصور سار صوب فطوم وايبس جدامها وفطوم ويها طماطه ..
فطوم : عااااش منصور
منصور نزل تحت وهو يبس وعق على فطوم كلمه خلتها تتيبس في مكانها : فديتج ياربي
سارعنها صوب سعيد ..
ثواني ويحدر بو منصور وسار يسلم على سعيد والريم ..
منصور سار صوب ابوه ايبس جدامه ..
بومنصور : عاش منصور مافيك حيله
منصور مسك ايد ابوه : قوم وياي انيول
بومنصور : لا لا لاه مافيني
منصور سار الصوب الثاني وهو ايبس جدام سعيد .. حتى غرا سعيد وقام سعيد وياه يرزفون وانشلت الخيمة بالحشرة ..
ميروه : والله روووووعه
ودوم : قومي ميروه ننعش جدامهم
يزوي : وين تبين فضيحه
ودوم : هههههههههههه
فطوم من قال منصور الكلمة وهيه في عالم ثاني ماقدرت تتحمل الموقف وطلعت برع الخيمة وسارت صوب البيت وهيه داشه البيت حصلت مبارك ومحمد يالسين ..
مبارك : هااا خلص العرس
محمد : هههههههههه أي عرس
مبارك : عرس سعيد
فطوم : .........................
محمد لاحظ ان فطوم فيها شي : هاااا فطوم شووو فيج
فطوم : لا ماشي بس حشرة في الخيمة
مبارك : ليييش منصور يالس داخل شو عيبته اليلسه هو قال بوصل سعيد وبرد
فطوم : هههههههه ولابيرد جلبوا الخيمة سعيد ومنصور ايواله مرتبشين داخل
محمد : وانت ليييش طلعتي
فطوم : هاااا لابس .... ويقاطعها صوت تلفون مبارك
مبارك : الووووووو
......................
مبارك : مرحبا الساع اشحالك وين دارك ... ويطلع برع ويخليهم بروحهم في الصاله
فطوم : اسمحلي محمد بسير
محمد : لحظه بغيتج بسالفه
فطوم : خيييير
محمد : فطوووم مااعرف شو اقول او كيف أبدا بس الصراحه عيبتين
فطوم لفت الصوب الثاني : محمد لاتكمل
محمد : لييييييش
فطوم لفت صوبه : محمد لاتفكر فيني ولاتخليني اخطر على بالك لأن مستحيييييل يستوي اللي في بالك
محمد وهو منصدم : ليييييييييش
فطوم : انا احب واحد وهو يحبني .... ويقاطعها محمد : شووو شو هالرمسه الضايعه
فطوم : لايروح فكرك بعيد بس انا احب منصور
محمد : هو تقدملج
فطوم نزلت راسها : لاااااا
محمد وبستهزاء : هههههه وكيف عرفتي انه يباج
فطوم رفعت ويها وهيه كلها شجاعه وقوة تواجه : منصور شاريني وانا واثقة فيه كل الثقة
محمد : ................................
فطوم : اسمحلي بس اللي دار بيني وبينك لايطلع برع انزين
محمد : خلاص انزين زين انج اعترفتيلي قبل لاانصدم ويستوي فيني شي
فطوم : اسمحلي بس هذي الحقيقة ولازم تعرفها مااريد اعيشك في اوهام
محمد وحس بخيبة أمل وقفطه : لالالا ماحصل إلا الخير وسمحيلي
فطوم لفت عنه : مسموووح يالله برايك

سارت فطوم عن محمد وخلته يالس يفكر باللي صار : ياربي ليييييش جيه حظي ومنصور شووو احسن عني بس والله ياحظه فيها ..

أما فطوم سارت الحجرة وعقت شيلتها ويلست على طرف الشبريه : أأأأوف من وين طلع هذا انا ماافتكيت من شكوك منصور بمبارك ويطلع لي هذا ياربي لهدرجه انا حلوة .. هههههههههه أأأأأخ منك يامنصور والله توني اعرف انك جريء لهدرجه أأوف محلاة الكلمة اللي طلعت منه والله ماادري كيف بجابله بعد اليوم ماادري شووووو بكون موقفي منه ياليتني مااحتكيت فيه ياليتني تجاهلته ............ انزين انا شو سويت بمحمد حرام عليه والله قفطه حسيت انه استحى مني وشو بكون موقفي اذا درى منصور بالسالفة يارب محمد مايقول حق منصور والله بتستوي مشاكل وبطيح كلها على راسي ...... ويلست تفكر اللين ماطاحت ورقدت وهيه بفستانها ومكياجها ..


أما من جهة الريم عيونها يمين ويسار ادور فطوم وين سارت ..: وينها هاااي تودرني في اليوم اللي احتاجلها فيه ...


يمر الوقت حتى كل واحد سار بيته .. سارت الريم حجرتها وراسها بينفجر من الحشره ويالله يالله شاله عمرها وتدخل الحجرة وتشوف فطوم طايحه وراقده على الشبرية : شوووو هذا هاي راقده وانا يالسه ادورها والله انها هبله راقده بفستانها ..


سارت الريم توعي فطوم : قوومي عقي فستانج
فطوم ويالله يالله تفج عيونها : أأأأأأوف مااقدر برايه
الريم تمطها من ايدها : يالله قومي وين بترقدين ويا هالفستان
قامت فطوم وهيه مدوخه وسارت تتغسل وتبدل ولبست بجامتها وسارت ترقد ولارمست بكلمه ..
الريم سارت تغير ملابسها وتتغسل ويلست تفكر بسعيد .. وباللي صار اليوم .. اللين ماتعبت من التفكير وطاحت عدال فطوم ورقدت ..



ياترى منصور بيدري باللي صار بين فطوم ومحمد لو عرف شوو بسوي ؟؟؟؟؟ وشو من الاحداث اللي بتستوي ياترى تفرح ولا تحزن ؟؟؟؟
__________________


الساعه 6 الصبح تقوم فطوم من رقادها ويلست تتمدد على الشبريه .. وتشوف الريم راقده عدالها وبسابع نومه : ياحظج يا الريم اللي تحبينه استوى من نصيبج مب انا مالت علي ..
تشل تلفونها اطالع كم الساعه وتشوفها الساعه 6 : خييييبة بسير اصلي ..
شلت عمرها ودخلت الحمام تغسلت .. وطلعت وصلت لها ركعتين وهيه يالسه اتصلي وصلها مسج .. خلصت صلاتها وسارت صوب تلفونها وتفج التلفون (( صباح الخير صباح الحلوين ومن بدري قايمين يحرسهم ربي من الحاسدين والعين )) وهيه بعدها ماخلصت قراية المسج يوصل : (( يا فتاح يا عليم يا رزاق يا كريم ارزقني مسجات من قارىء هالعبارات ))
فطوم : أأأخ منك يامنصور ،، ربي بلاني فيك ،، وفي هالحظات تذكرت محمد : الحين محمد مستحيل يسكت عن السالفه او يخليها تعدي مرور الكرام انا جرحته بكلامي والله ماادري كيف طلع الكلام وقلت له اني احب منصور محد يدري اني احب منصور غير الريم ودوم أأأأوف والله ابتليت ماادري شو اسوي والله احسن ارد العين وافتك من منصور ومحمد والحشره ..
نغمة مسج : (( ......................... في الانتظاااار؟؟؟ منصور ))
فطوم : (( صباح معطر بذكر الله مبعوث لأحلى خلق الله ينور دربك ويبارك يومك انشالله ))

منصور : (( أأأأسف وعيناج من رقادج ))
فطوم : (( لا اصلا انا كنت واعيه قبل مايوصلني المسج ))

فطوم : (( منصور قرأ هذي الكلمات زين واريدك تفهم معناها : وينك بغيت احط واحد بديلك واحد بغا بالحب ياخذ مكانك واحد لعبي لعبة والله وكيلك لو مانهيت القلب روح زمانك ))

منصور يلس يقرأ المسج ويفسر معناه مية تفسير خطر في باله بس ياترى فطوم شو تقصد بهالكلام ..

فطوم غلقت تلفونها بس قبل ماتغلقة طرش لمنصور : أأأسفة بس لازم اغلق تلفوني ,,,,,,

فطوم غلقت التلفون ويلست تفكر شوو بتسوي لمشكلتها تقول حق منصور ولاه اطنش السالفه .. سارت فطوم توعي الريم
فطوم : الريم قومي
الريم : مافيني تعبانه
فطم : الريم دخييييييلج في موضوع لازم تعرفينه يالله عاد قومي
الريم قامت : يالله قولي
فطوم : قومي غسلي وصلي وبعدين بقول
الريم : أوهووووو يعني ما يتأجل الكلام بعدين
فطوم : لا مايتأجل السالفه خطييييييرة ولازم تعرفين فيها يالله عاد اريد حل للمشكله
الريم : انزين
سارت الريم تغسل وصلت .. ويوم خلصت سارت يلست عدال فطوم ..
الريم : يالله قولي شو عندج
فطوم : امس يوم طلعت عنج من الخيمة ودخلت البيت حصلت مبارك ومحمد .............الخ وخبرتها كل السالفه
الريم : جذابه حلفي
فطوم : والله
الريم : خيبة شو هالبلشه
فطوم : انزين شو اسوي
الريم : خبري منصور بكل شي
فطوم : ههههه خبله عشان يجلبها علي
الريم : لاتخافين منصور يمكن يحل الموضوع
فطوم : لا مااقدر اخاف تستوي مشاكل وكلها اطيح فوق راسي
الريم : انزين وشو بتسوين
فطوم وهيه تقلدها : انزين وشو بتسوين ،، انا موعتنج ادورين لي حل يا غبية
الريم : امممممممممممممم خليني افكر
فطوم : يالله فكري ..
حل السكوت بينهم كل وحده ادور حل يرضي .................................................. .................................................. .................................................. ........................(( بعدهم ماخلصوا تفكير اتريوا ليش مستعيلين ؟؟)) .................................................. .................................................. ..............................................وووو وويت الريم بترمس (خخخخخخخخخخخخ)
الريم : وجدتها
فطوم : هيا قولي
الريم : لا استطيع ان اقول قبل ملىء معدتي انني جائعه من امس لم اذق طعم الأكل
فطوم : أأأأاوف منك ليش وقت كرشتك دعيها تولي ( سمعوا التنقيع في الرمسه خخخخخخخخخ)
الريم : هههههههههههههههههه أأأأخ بطني سيري تعلمي لغة عربية
فطوم : هاهاهاهاها ،، انزين شوو اللي وجدتيعا
الريم : أولا دعينا ننزل الى المطبخ نبحث عن شي يسكت اصوات الوحوش التي في المعده .
فطوم وخاطرها تصفع الريم : حسنا حسنا هيا دعينا ننزل حتى لاتلتهمك الوحوش


نزلن المطبخ وكل وحده تفكر في المشكله .. بعد ماخلصن انطعاز ..يلسن في المطبخ يكملن السالفه
الريم : سمعي عندي فكره جهنميه تقضي على القلق ( اونه جهنميه انجلبت نفنوفه ام الأفكار الجهنمية خخخخخخخ)..
فطوم : قولي يالله
الريم : انت سوي طاف حق هزيه سالفه انت ليش يأور راس مال انته هزا موهمد مافيه يسوي كركر مشان منصور هو يعرف ازا يسوي كلام مشان منصور ، منصور بسوي موشكله كبيره مشان هوه
فطوم وخاطرها تضحك بس يالله جلبته هندي وياها : انته شنو يقول انا فيه كوف <<<< اونه خوف
الريم ماسكه عمرها عشان ماتضحك : انته اسمع كلام مال انا ومافيه كوف
فطوم : اوكيه كلاص انا يسوي طاف حق هزا موهمد (( شو ياب الطاف حق الهنود خخخخخخخخ))


من جهة منصور بعد ما داخ من حل كلمات فطوم .. يلس يقول في خاطره : أأأأأوف شو قصدها لايكون تحب حد ولاه ........ ويقاطعه صوت تلفونه
منصور : الووووووو
هزاع : مرحبا الساع
منصور : هلا والله اشحالك الغالي
هزاع : بخير وسهاله اشحالك انت وين دارك
منصور : الحمدلله وداري في دارك
هزاع : وين انت في العين
منصور : لا في بوظبي
هزاع : اهاااا واخبار المعرس
منصور : ههههههه كاشخ على الأخر
هزاع : وينه هو
منصور : ماادري يوم خلصت الملجه سار صوب العين
هزاع : يعني ماباتوا في بوظبي
منصور: لا ماطاع ابوه
هزاع : اهاااااا ،، انزين اقول اليوم الربع بسيرون الشاليه شو رايك اتي ويانا
منصور : امممممممممم اوكيه موافق شو ورانا بعد
هزاع : اوكيه اترخص منك بسير ادق حق سعيد
منصور : وين ماقلت لي متى بتون الشاليه
هزاع : العصر انشالله
منصور : اوكييييه سلم على الربع
هزاع : سلامن يوصل فداعه الله
منصور : فداعه الرحمن


ينزل منصور تحت عساه يلقى فطوم ويفسر معنى المسج اللي دوخ بالراسه شو المقصود فيه .. بس للأسف مايحصل غير الريم يالسه تقرأ الجريده
منصور : صباخ الخير
الريم مارفعت راسها من الجريده : صباح النور
منصور : شوو تقرين
الريم : امم الأخبار بعد شو ماشي جديد
منصور : اممممم وينها فطوم مااشوفها
الريم : سارت تسبح
منصور يالس يتحرطم : أأأأأوف وقت السبوح الحين شو يصبرني ..
الريم : شو تقول
منصور : ماشي كملي اخبارج احسن لج


يطلع منصور برع يتمشا عند الزرع يلقى ابوه وامه يالسن..
منصور : السلام عليكم
ام منصور وابو منصور : وعليكم السلام
ام منصور : قرب قرب وليدي اشرب لك حليب تراه زين على الصبح
يلس منصور عدال امه : صبيلي الغالية مانقدر انردج
بو منصور :ها يا منصور محد باقي غيرك
منصور مافهم قصد ابوه : شو قصدك الوالد محد باقي غيرك
ام منصور : يعني قررنا انا وابوك انيوزك
منصور يقول حد صب عليه ماي بارد : لالالالالالالالالالالالالالالالالا
بو منصور : لييييش يالله بالستر انت ريال وماشي ناقصنك
منصور : لاااا بعدني بعدني صغير
ام منصور : شووو صغيره هكوه سعيد كبرك وبعرس
منصور : سعيد غير وانا غير
بو منصور : لا لا ماشي غير نحن قررنا وامك حاطه عينها على بنيه سنعه بنت ناس
منصور راح فكره عند حبيبة القلب ::أأأأأخ وينج يا الغالية يبون ايوزوني وينج فديتج تعالي سمعي الكلام اللي يالس اسمعه لا مستحيل اتزوج غيرها لوو اموت والله مستحيل مااقدر اعذب قلبي اكثر من هو متعذب بس انا مش متأكد انها تحبني لاااا فطوم تحبني ومستحيل تتخلى عني مستحيل اخذ غيرها والله لو جبروني والله لسافر وماارد البلاد ابد وحبها ااخ ياحبها بشله معاي اتعذب بحبها ولاني اتعذب مع وحده غيرها
ام منصور : منصوووووووووووور
منصور : هاااا شو شوووو
ام منصور : شو رايك انخطبها لك
منصور : ....................
ام منصور : انا حاطه عيني على بنت عبيد سلطان ال......
منصور : لا ادخيلج امايه دخييييييلج مااريد لاتجبريني دخيييييلج والله حرام مااريد مااريد
بو منصور : شووو ماتريد نحن مب ضامنين اعمارنا نريد انيوزك ونفرح فيك
منصور : فرحوا بالريم انا لا ماافكر في العرس الحين
ام منصور : ...............................
منصور: امايه دخيييلج لاتخليني اسوي شي مايرضيكم لاتخليني والله لأخذ الدورة وبهج من البلاد
بو منصور : .................
منصور وقف يرد يسير : انا اليوم ساير الشاليه ويا الربع والسمووووحه منكم ،،،،،،، سار يحب راس ابوه وامه وطلع من البيت وشخط بسيارته من الغصة اللي فيه ..


العصر الساعه 4.30
يتصل سعيد منصور
منصور: الوووووو
سعيد : مرحبا مرحبااااا الساع بالغالي اشحالك
منصور : الحمد لله بخير وسهاله اشحالك انت
سعيد : الحمدلله مانشكي باس
منصور : الحمدلله واخبار الربع
سعيد : كلهم تمام كلنا يايين صوب بوظبي
منصور : منو اللي ياي وياك
سعيد : هزاع بسيارته ويا خليفه وبطي وانا بسيارتي وياي أحمد وعبدالله
منصور : ماشالله كل الربع ولا محمد وينه
سعيد : محمد ساير صلالة ويا الأهل
منصور : زين زين والله خلاص عيل انا ساير البيت اجهز اغراضي
سعيد : هاا بتسير البيت
منصور : هههههههه هيه البيت توصي على شي
سعيد : أأأأأأأأأ .. هيه سلم
منصور : انشالله من عيوني
سعيد : نخطف عليك ولا بتسير بسيارتك
منصور : لا لاتخطفون بسير بسيارتي
سعيد : اوكيه يالله فمان الله


سار منصور البيت وهو داش يدعي ربه انه مايشوف حد عشان يطلع بدورن مايكدر نفسه فيهم .....
دش منصور الصاله والحمدلله محد في الصاله وسار فوق حجرته وهو يمشي شوي شوي عشان محد يحس فيه ودش حجرته وطلع شنطته وخلاه له ملابسه ..
وطلع وهو يفكر في فطوم يريد يرمسها يريد يفسر المسج اللي طرشته ...
ينزل تحت وسار صوب باب الصاله وهو ياي يطلع يسمع حد يزقره وبصوووت كله حنان ورقه : منصووور
منصور وقف في مكانه وقف قلبه لأن هذا الحس انحفر في قلبه وطه شنطتها على الأرض ولف وعيونه كانت فيها لمحة حزن ..
فطوم وابتسامه عجيبة على شفايفها والغمازة محلوه ويها : منصووور وين بتسير
منصور يشوف ويها ويلس يتأمل هالجمال
فطوم : منصور وين بتسير
منصور : امممممممم بسافر
فطوم : شووووو
منصور : بسافر
فطوم : لا لييييييييييييييييش؟؟؟
منصور : امممممم شو اقولج بس جذيه لازم اسافر ضروري
فطوم : لييييييش شو السالفه التي تخليك بسرعه اتسافر
منصور : امممممم تبين الصدق
فطوم : اكيييييييييييييييد
منصور : بسير الشاليه
فطوم ومعقده حياتها : شوووووووو شو شاليه بعد
منصور : هههههه شاليه بعد له اسم ثاني
فطوم : ليييييش شو تسوي الشاليه
منصور : اتكشت
فطوم : اهاااا بتسير بروحك
منصور : لاااااااااا طبعا
فطوم : اكييييد يا ربعك
منصور : لاااااااا ايخسون شو اباهم اصلا انا ساير الشاليه ويا ربيعتي
فطوم مب مصدقه اللي يالسه تسمعه : ........... ربيعتك
منصور : هههههههههه هيه ربيعتي
فطوم ودمعه من عيونها نزلت ومنصور لاحظها تقرب منها ومسكها من ايدها : فطوووووم
فطوم تسحب ايده من منصور وتربع فوق عنه
منصور : فدييييييييت دموعها ياربي ليييييش جيه قلت حرام عليه الحين اكييييييد زعلت

منصور تنهد وسار وشل شنطته ولف صوب الدري عساه يلمح طيفها قبل مايسير بس للأسف لاااااا جوااااب ..شل عمره وسار الشاليه عند الربع ..

اما فطوم حدث ولاحرج حالتها حاله ترست الحجرة دموووووع يالسه تصيييييح وتندب حظها ويا منصور : لالالالااااااااا ليييييييش ياربي كل من يحب يتعذب منصور مستحييييييييييل مستحييييل يسويها منصور مايحب الخرابيط والبنات لا حرام عليه والله حرام معذبني وياه هذا مايحس لووووح ايييييييهه ،،، لاااااا مااتحمل خلاص صبرت وااايد عليه والله انه مايستاهل نذل حقيييير كلب حمار اكرهك اكررررررررررررررهك وووووووع مالت عليك ماادري شو لاقيه منك أأأأأأأاوف منه والله الرياييل مب منهم امان ..
قامت وتشوف شكلها في المرايه : لااااا حرام هالعيون يتعذبن عشان واحد نذل واحد عدييييم إحساس
سارت ودشت الحمام وغسلت ويها .. وسارت جحلت عيونها : خلاص ياعيوني من اليوم مابتنزل منج دمعه عشااااانه وانت ياقلبي ماعندك سالفه انا بتجاهلك ومنصور ماله مكان عندي..



في الشاليه .................... الساعه 7 المغرب
الجوووو روعه ماعليه كلام فناااااااااااااااان كشخخخخخخخخه والشباب سوالف (( ياحظهم ياليتني ولد خخخخخخخخخ))
المهم اللي يالس يسولف عن السايير واللي يلعب ورقة واللي يالس على اللابتوب واللي منسدح واللي يالس يسمع الراديو ،، اما منصور كان منسدح على البحر ويطالع النجوم . ويفكر : الحين ياربي شوو بسوي ويا اهلي عشان العرس اخاف يغصبوني وانا مااريد اخذ غير فطوم بس هذيل والدي ومستحيل اعصيهم أأأاخ ياقلبي والله ابتلشت بحبك وهذي فطوم امره تصدق قلت لها ربيعتي صدقت بس ليييش ياربي صاحت ياترى تحبني ويوم قلت لها ربيعتي عصبت مني بس ياربي انا مش متأكد من حبها .. وطلع تلفونه من مخباته ويلس يقرأ المسج ويفسره كلمة كلمه : ((وينك بغيت احط واحد بديلك واحد بغا بالحب ياخذ مكانك واحد لعبي لعبة والله وكيلك لو مانهيت القلب روح زمانك ))
ياربي شووووو قصدها من هالمسج وسار بدون مايحس يتصل فيها بس الأنسه فطوووم معصبة ومتحلفتله وماردت عليه .. منصوور أأخ اكيد زعلانه مني وانا غبي بعد شوو ربيعتي ،، ويرد يدق فطووووم دخيييلج ردي فطووم والله احبج مالت عليج ردي صدق ماتحس فيني ،، منصور عصب منها وسار عق تلفونه ويلس يفكر : خلاص انا من برد من الشاليه بسير ارمس امايه واقولها تخطبلي فطوووم واللي فيها فيها ،،

سار منصور ويلس ويا الشباب عشان ينسى فطوم وخرابيطها .. الصراحه الشباب فيهم الخير نسوه الضيجة ويلسوا كله سوالف ضحك ولعب ورقة ومغايظ وسوالف تروح وسوالف ترد حتى الساعه 10.30 فليل قاموا الشباب عشان يسيرون ويوطون روسهم ويرقدون ..
منصور يالس يتلفت حواليه ويدور تلفونه : وووووينه تلفوني
سعيد : وين حطيته
منصور : ماادري ,,,, هيه صح تذكرت عقيته على البحر
سار منصور اييب تلفونه ولقى مسج : (( حبي انتهى وتهدم الصرح !!! مسموح يا حلم العمر روووح ))
منصور : لااااااااااا لاإله إلا الله ..
منصور : (( ابعتذر لوصدر مني غلط ابعتذر يمكن ليالينا تطول ويبعدنا القدر ))
فطوم : ................ لا رد ؟؟؟؟؟؟؟؟
منصور : (( أأأأسف والله كنت امزح معاج فطوووم انت امره خذيتيها جد كنت اسولف سمحيلي والله انج غاليه علي وما اقوى زعلج ))

فطوم : أأأأأأأأأأه والله انك سخيف بشووف ومن الصبح انا يالسه اصيح وعثرها طلعت مزحه والله لردها لك وبتشوف
فطوم ترد اطرش : (( اعتذارك ودمعك والندم مع رجاك احرجوني ولكن انتهينا خلاص ))
منصور منصدم من المسج : (( ماراح تغلبني لو الحب غلاب !! من حضرتك ؟ عشان قلبي تذله ؟؟؟ ))
فطوم خلاص وصلت حدها : (( لابقوتك تجبرني أحبك ولابعنادك اطيعك أنت تضيع علي وقتك ولو تجيني أبيعك ))
منصور والعبرة خانقتنه : (( تغيرتي وكل شي تغير اظنك عن لضى شوقي كبرتي انا ماني على كيفك مسير أنا الربحان وانتي اللي خسرتي ))
فطوم خلاااااااااص الشرار طالع من عيونها ومب مصدقه ان منصور يالس يطرش هالمسجات ؟؟؟
منصور يرد يطرش : (( ماني من اللي ينحني بالسهوله لي هامة يخضع لها العز ويلين ))
فطوم : (( يا صاحبي ماهي قضية كرامة حنا خسرنا بسبتك ناس غاليين ))
فطوم طرشت هالمسج وغلقت التلفون غياظ فيه .. اما منصور من وصل هالمسج راح فكره عند المسج القبلي وربط الأثنين ويا بعض : ((وينك بغيت احط واحد بديلك واحد بغا بالحب ياخذ مكانك واحد لعبي لعبة والله وكيلك لو مانهيت القلب روح زمانك ،،،،،،، يا صاحبي ماهي قضية كرامة حنا خسرنا بسبتك ناس غاليين ))
منصور : والله اني شاك ان فيه في حد في السالفه بس منووو ياربي لايكوووون مبارك بس ....... ويقاطعه سعيد : ها منصور هب تلفون اللي بتيبه
منصور : هااا لابس كنت اطالع البحر اتأمل هالبحر الكبير اللي شال كل شي فيه
سعيد سار وقف عدال منصور وخله ايدينه في مخباته : والله الصراحه البحر كبييييير بس فيه غموض
منصور : ودي اشيل همي واعقه في البحر وارتاح من الضيجه اللي فيني
سعيد لف صوب منصور ولاحظ انه معصب ومضايج : منصوور بلاك شو صاير
منصور يلس ومد اريوله : مضاااايج ودي حد ايي يشيل همي وارتاح
سعيد يلس عداله : قوول يمكن اخفف عليك اشوي
منصور : أأأأخ شو اقول لك يا سعيد اقول اني اكثر واحد متعذب اقول لك ان اهلي يبون ايوزوني غصب وان انا وفطوم خلاااااص انتهينا وانه لازم اسير الدورة على اخر شهر ثمانيه شو تريد تسمع بعد.................
سعيد : خيبة كل هذا فيييييك
منصور : هذا شي من لاشيء
سعيد : اسمع عشان الدورة ماتقدر تعترض وعشان زواجك كل شي بينحل ياخي الزواج مب غصب واهلك اكيييد بفهون انها ماتناسب لك وعشان فطوم قول لي السالفه .....
منصور : أأأأأأأه اسمع سالفتي اليوم يوم سرت البيت اييب شنطتيه ...............................................الخ وهذي كل السالفه،،،، ويطلع تلفونه ويراويه المسجين اللي شاك فيهن
سعيد : أأأأأأأ انا بحل المشكله وانشالله بنجمعكم عشان تتتفاهمون
منصور : سعيد لااتعب عمرك فطووم عنييييده وراسها يابس مستحيل تسمعك
سعيد : انا برمس الريم وبخليها تفهمها واذا انت تريد البنت وشاريها رمس اهلك وقولهم اذا تبوني ازوج بخذ فطوم
منصور : وإذا اعترضوا
سعيد : يستوي خير في ذيج الساعه بس انت قوم وط راسك وفك عمرك من التفكير اللي ماوراته غير الهموم
منصور وقف : يالله قوم انسير نرقد بس انا شاك انه الرقاد مايعرف طريج عيني
سعيد : هههههههه حاول
منصور : صح متى بنرد من هنيه
سعيد : باجر انشالله المغرب
منصور : .........................




في العين ................
بو سعيد : اقول يا ام سعيد لازم انسوي عزيمة على سلامة سعيد
ام سعيد : هيه اكيييييد
بو سعيد : انا قلت بنسوي عزيمة في العزبة
ام سعيد : لا مانريد العزبة حر وين تبا في هالصيف شوو رايك بنسوي العزيمة في مزرعة بومبارك مزرعتهم ماشالله عليها غاويه ومسوين فيها مسبحين وبيت صغيروني احسن لنا عند الزرع وين نبا عند الغبار
بو سعيد : امممممم بس انا قلت بنبات في العزبة تعرفين بعد العزبة ماشالله واسعه ومسوين بيت عود يكفينا
ام سعيد : انزين بنسوي العزيمة في المزرعة وبنبات في العزبة شو قلت
بو سعيد : انشالله بس انت رمسي حمده وقولي لها بنسوي العزيمة في مزرعتهم
ام سعيد : انشالله باجر الصبح بدقلها

[بليا روح]

الساعه 9 الصبح ....
فطوم : الريم برد العين
الريم : شووووو لااااااا
فطوم : الريم دخييييلج لازم ارد قبل مايوصل منصور
الريم : لييييش شو صاير بينج وبين منصور
فطوم لفت عنها : ماشي بس لازم اليوم أرد بأي طريقة
الريم : فطوووم لا حرام عليج
فطوم سارت عنها ترمس اهلها عشان ترد ..

في الشالية .....
منصور وهزاع يالسين يلعبون كرة طايرة .
منصور : هزاع فر الكورة زين
هزاع : انت تفرها فوق
يدخل سعيد من بينهم : يالله بسكم
منصور يفر عليه الكورة : سعوود قوم خلنا نلعب
سعيد : ههههههههه يهال
هزاع : ههههههههه شوف عمرك
سعيد : انزين يالله بسكم خلونا نسير نتريق
منصور : هههه قول من الصبح انك يوعان
سعيد يخلي ايده على بطنه : ههههههههه كشفني


سالم يدش الصالة ويحصل الريم : السلام عليييكم
الريم وهيه معصبة : وعلييييكم السلام
سالم : باسم الله اشفييييج
الريم : أأأاوف عمي قول حق فطوم لاترد العين
سالم : ههههههه انزين شو رايج تسيرين وياها
الريم : لااااااا مااريد
سالم : اصلا مب كيفج غصبا عنج اليوم بعد الغدا كلنا بنسير العين
الريم وهيه مستغربة : ليييييييش ؟؟؟
سالم : مسوين عزيمة على سلامة سعيد
الريم : وين في بيت قوم سعيد
سالم : لا طبعا في مزرعة بو مبارك
الريم : الله وناااااسه بسير ابشر فطوم

الريم تدخل على فطوم وهيه يالسه أتلم كشارها .. بس الريم مارمست سارت ظهرت شنطتها الصغيرة ويلست اطلع ملابسها وتخليها في الشنطة ، فطوم مستغربة منها يلست على الشبرية اطالعها
فطوم : هههههههه وين بتسيرين
الريم : بسير وياج العين
فطوم وهيه فاجه عيونها : حلفي
الريم يلست عدالها : سمعي يا حبوبة ،، مسوين عزيمة على سلامة سعيد في مزرعة قوم ميروه ،،،، تقاطعها فطوم : الله وناااااااااااسه روووعه مزرعتهم
الريم : تصدقين عمري ماشفتها
فطوم : سمعي بوصفلج ايها ،، مزرعة كبيييرة نوعا ماه وفيها مسبحين واحد كبير واحد صغير ... تقاطعها الريم : عدال بعض المسابح
فطوم : لا الصغير منعزل نوعا ماه في مكان بعيد يعني موقعة عدال البيت الصغير اللي داخل المزرعة يعني هذا حق البنات .. امممممم شوو بعد هيه فيه الجهة اللي ورا البيت مسوين فيها ملعب كورة طايرة ههههه هذا سالم مسونها انزييييين ووووو.. هيه بعد الزرع واااايد حلو ومرتب وفيه زارعين ورد يعني روووعه مزرعتهم
الريم يالسهه تتخيل : الله رووووووووووعه شو تتوقعين بنبات في المرزعة
فطوم : مستحييييييل
الريم : لييييييييييييييييييش؟؟؟
فطوم : لأن البيت صغيروني يعني مايكفينا كلنا فهمتي الحين
الريم : لااااااااا خاطرية نيلس فيها كمن يوم
فطوم سارت صوب الكبت تلم كشارها الباقيه : ههههههههههه لاتحلمين واااايد


بعد الغدااااا .....
انطلقوا الريم وفطوم مع سالم .. والباجين مع بو منصور .. وطبعا سعيد ومنصور بعدهم في الشالية وعطوهم خبر عشان يلحقونهم العين


في العين .......
في بيت بو سيف ...
فطوم تمط الريم وبسرعه توديها حجرتها .....
الريم : أأأأأخ ايدي بلاج تسحبيني جذيه
فطوم : اطالع حجرتيه اشتقتلها
الريم تمط ايدها من ايدين فطوم : ماااالت عليج قلت عندج شي الحين
فطوم : ..................
الريم : متى بنسير المزرعة
فطوم : باجر الصبح بنكون في المزرعة
الريم : رووووعه تعالي بندق حق ميروه
فطوم : لا باجر كلنا بنلتقي في المزرعة




في الشالية ........
الشباب يالسين يلمون اكشارهن .. إلا سعيد كان يالس يطالع بس
منصور : إإإإإإيه تعال شل ويانا
سعيد : مااريد اسير
منصور : ههههههه يالله يالله وراي خط العين
سعيد : والله حلوو هنيه القعدة ويا الشباب
منصور : تصدق انا ودي بسرعه اسير
سعيد : هههههه عشان تراضي بعض الناس
منصور سكت عنه وسار صوب السيارة ......

طبعا على الساعه 8 انطلقوا الشباب كلهم صوب العين ...


في العين .......

الساعه 9.30 فليل.....
الكل يالس في الصالة عائلة بو منصور بو سيف .. دقايق ويسمعون صوت سيارة..
ام منصور : اكييد هذا منصور
فطوم وقفت تريد تسير .......
الريم : وين تبين
فطوم : بسير حجرتية
الريم عرفت انه في شي صاير بينها وبين منصور بس طنشت

دقايق ويدخل منصور : السلام علييييييكم
الكل : وعليكم السلام
منصور : هاا شحالكم عساكم بخير
الكل يرد عليه : الحمدلله

ايلسون شوي يسولفون ... منصور عيونه تسير يمين ويسار يدور فطوم : وووويها احس عمري من زمان ماشفتها مايقول إلا يومين.. أأخ ماادري كيف براضيها ... لا تحلم اراضيها والله المسجات مب هينات اللي طرشتهن ..

دقايق والكل يسير يرقد لأنهم باجر الصبح بسيرون المزرعة حسب تخطيطهم والمغرب بطلعون من المزرعة وبسيرون العزبة بيلسون فيها يومين ..


الصبح : الساعه 6
الريم وفطوم يالسات يتلبسن ..
الريم : فطووووم لييش امس قمتي يو سمعتي ان منصور وصل
فطوم : لا اصلا مب عشان منصور
الريم : يعني انت ومنصور مب متزاعلين
فطوم : لااا منو قال
الريم : تحسبت بعد
فطوم : اوكيه خلينا نحول تحت اكييد الحين بسيرون
الريم : يالله نزلي وبلحقج
تنزل فطوم وهيه تسمع حد يشل شله بس وقفت في مكانها تسمع هالصوت واللي يالس يقول : ((لو بيدي ابعد عنك وانسى هواك وفنك وأبداً مايا على بالي إن الغدر هو فنك .. بحبكم لاموني وعن عشرتك انصحوني وبحيرتي خلوني محتار فكري منك ... بس الشكاوي لله وأبدي حزني لله ربي وربك الله يأخذ قضايه منك تدري أني عشيرك وبكل شي أستشيرك في شرك وفي خيرك وصدقت لمظننك ... تاهت معاك أفكاري تعذبت من مقداري والله انك داري وسط الحشا مخفنك .. خلي أحيا حياتي بهمي واحسراتي وابداً لاتحاتي لكان يوم هاونك .. سالت عليك دموعي وجرحا نزف في ضلوعي وعيشتني مخدوعي في وهمك وفي ضنك .. ))
فطوم متيبسه في مكانها : هذا صووت منصور بس ليييييش جيه جنه حزييين او مستهم ومنو هذي لايكووووون انا لا شو انا بس خليه يولي براويه اليوم شغلته في المزروعة ..
تخطف فطوم جدام منصور وهيه سايره المطبخ تساعد امها بس طبعا مالفت صوبه بس سلمت ومنصور رد السلام وقف كان يريد يرمسها بس طبعا مالحق عليها لأنها بسرعه كانت تمشي وماعطته فرصة يرمسها يالله يالله رد السلام عليها قبل ماتختفي من جدام عينه .....

طبعا على الساعه 7 انطلقواااا إلى المزرعة ..
في المزرعه ..
فطوم يالسه تتسابق مع يزوي اللين المسبح .. وهن يركظن فطوم لمحت طييف منصور واقف يرمس مبارك .. وقفت في مكانها فاجه عيووونها واطالع منصور كان كشخخخخخخه لابس كندورة سوده وسفره حمرا وكشمه..
فطوم : واااااااااو والله يخبل محلاته شوووفوا كيف يرمس والله يقول واحد خقاق ..
في هالحظه يلف منصور يشوفها يالسه اطالع جان يبتسم ابتسامه عجييييييبة ،، بس فطوم قفطت منه ولفت عنه بدون ماتبتسم له وكملت مشوارها اللين المسبح ..

البنات يالسات ومخليات اريولهن في المسبح ويسولفن بس فطوم يالسه تضحك على كراعينهن : ههههههههه والله انكن عيايز ليييييش ماعفتن داخل
يزوي : هههههههه عفدي انت وانا وراج
الريم : ههههه وين تبن فضحه تخيلي حد يشوفنا فجأة
ميروه : يالله فطوم روينا شطارتج
فطوم : يزوي تعالي عدالي عشان نعفد ويا بعض
الريم : هههههه بتعفدن بكناديركن
يزوي سارت وقفت عدال فطوم وعقن الشيل وفجن شعورهن
يزوي : يالله فطوم بنراويهم نحن قد الكلمة
ميروه ودوم والريم يالسات يطالعن اللي يسونه ..
ودوم : يالله 1..... 2 ..... 3
تنط فطوم في المسبح بس طبعا الأنسة يزوي ماعفدت يلست تضحك : ههههههههههههه
فطوم : لااا يزوي الخاينة
الريم : ههههههههه أووووه نقعوا فيها خيانه
فطوم اطالع يزوي وهيه واصله حدها وتصرخ عليها : يزوووووووووووي
يزوي من سمعة الزعجه تقفز في المسبح ..
ودوم وميروه والريم وفطوم ناقعات ضحك ..
الريم : هههههههههه ياويلي مااقدر ايود بطني .
فطوم تريد اطيح الباجيات وياهن .. سارت عدال يزوي وتساسرها : يزوي تعالي بنعقهن ويانا
يزوي : اوكييييه يالله
تقربت يزوي وفطوم منهن ،، حليلهن الريم وميروه ودوم مايدرن شووو بسون يالسات يلعبن بالماي بريولهن ..
تتقرب فطوم ويزوي ويقفن جدامهم .. فطوم تخز يزوي عشان يطيحنهن .. ثواني وتمسك يزوي وفطوم ميروه ودوم والريم من طرف كناديرهن ويسحبنهن في الماي ويطيحن بخمستهن في الماي
الريم وهيه تكح الماي دخل في حلجها : كحكحكحكحكح والله انكن سبالات
يزوي وفطوم يشردن والباقيات وراهن ويلسن يظاربن في الماي ونسن اعمارهن وزعيجهن تنسمع اخر المزرعة .. شوي وإلا البنات الصغار يعفدن حتى ماشالله عليهن ترسن المسبح ( على فكرة المسبح صغير )

من الجهة الثانية ......
سعيد ومبارك عافدين في المسبح الكبير وياهم الأولاد الصغارية .. وسعيد حليله مبتلش ماسك منصور الصغير أخو فطوم اللي عمره 4 سنوات ..
اما منصور ماسك تلفونه ويالس يصورهم وهو ناقع ضحك على اشكالهم .. وعلى حركة سعيد شل البلونه مال منصور الصغير وخاش عمره داخلها .. كلهم ناقعين عليه ضحككككككك كان شكله يفطس ولا المشكله ماقدر يطلع منها .. منصور مايقدر ايود عمره يالس يصور وهو ناااااقع ضحك خاطره ينشر صورته جدام الشباب ..
مبارك : سعوووود شوو هذا خاش عمرك بلونة اليهال
سعيد وهو يتعصر يريد يطلع منها بس مب قادر : تعال طلعني ماقدر اطلع منها
منصور : هههههههههه ووووينج يالريم اطالعين سعيد
سعيد : مبارك تعال دخيييييلك مااقدر اطلع جسمي منها بسرعه اذا شافني البنات شوو بفكني منهن
منصور وهو بعده يصور .. يلف سعيد صوبة : منصوووور يوز لاتفضحنا
مبارك يحاول يطلع سعيد بس مب قادر ..
مبارك : سعيد شووو بطلعك منها
سعيد يالس يحاول : ............
منصور : هههههه اش كبرك وخاش عمرك فمال اليهال
سعيد طلع من الماي وحاول يفجر البلونه اللي خاش عمره فيها .. بس من فجرها طلع عمره منها .. وتقرب من منصور
منصور : هههههههه شكلك يضحك تعال طالع صورتك
سعيد شل التلفون اونه بطالع ويعق منصور في الماي ..
سعيد : احسن الحين دوري اصورك عافد في كندورتك
منصور يشل السفرة من راسه : الله يخسك نذل
سعيد يلس يصوره .. بس منصور عيبه الماي يلس يلعب مع منصور الصغير ..


وقت الغدا يعني الساعه 1.30

البنات يالسات في البيت يرتبن العصير والماي والروب ..... الخ في الصياني ..
شوي يدشون الشباب يريدون يغيرون ملابسهم ..
بس الريم ناقعه ضحك على شكل منصور عافد في كندورته في الماي : ككككككككككككككككككك
فطوم ميوده عمرها ....
منصور : فقت ويهج هذا سعيد السبال عقني في الماي
سعيد : هههههههههههه
منصور : الريم براويج شي عن سعيد بس بعد الغدا
سعيد : لااااااااا منصور دخييييييلك
منصور لف عنه وطالع فطوم من طرف عينه وسار عنهم يصلي ويبدل ملابسه .. بس قبل مايسير خله تلفونه فوق التلفزيون ..
بعد ماخلصوا الشباب تبديل ملابسهم وصلوا ساروا يتغدون برع ويا أهلهم ..
أما فطوم يلست في البيت وشلت التلفون ويلست اطالع شو فيه من خرابيط ومسجات وشافت الفيديو اللي سجله منصور يوم هم في المسبح يلست ناقعه على شكل سعيييييد .. تدخل الريم ويلست اطالع وياها وهن ناقعات ضحك عليهم ..
الريم : ههههههههه حليلك ياسعيد
فطوم : هههههه شكله يفطس شو رايج انطرشه حق التلفزيون بمواقف مضحكه
الريم : هههههه يالله يالله ها اللي ناقص مافيني كلهم يتخبلون عليه
فطوم : ههههههه على شوو ياحسره
فطوم في هالوقت تذكرت منصور وموقفه يوم يقولها ربيعته قوووويه كانت حبت ترد له حركته بس شوووفوا شو سوت ..
طلعت بطاقة التلفون وسارت ويا الريم عند الدريول وشلن تلفونه وبدلت فطوم بالبطايق مع الدريول وشلت تلفون منصور وبسرعه سارن البيت وردت التلفون على التلفزيون وهيه طالعة يدخل منصور بس بسرعه سحبت الريم وطلعن سارن عند البنات برع ..
منصور سار وشل تلفونه بس مااهتم يجيك على التلفون وخلاه في مخباته وطلع برع ..

من الجهة الثانية ......
الكل كانوا متولفين يالسين يتغدون إلا سعيد وميروه يالسين يشوون ..
منصور يلس عدال اهله وشل شاني ويلس يشرب ويسولف ويا اهله وفطوم من الجهة الثانية اطالعه والريم ميوده عمرها عشان ماتضحك ..

شوي ويصيح تلفون منصور .. فطوم والريم ارتبكن بس خلن اعمارهن عاااادي ..
يطلع منصور تلفونه ويشوف رقم غريب ويرد : الووووووو
؟؟؟؟: عبد القدير وين انته (( طبعا المتصل يرمس باكستاني ))
منصور : حووو انت غلطان بااي
ويبند الخط في ويهه .. بس رد يتصل ومنصور يقوله غلطان بس مايتفاهم .. طفر منه منصور وطنشه .. بعد ربع ساعه يرد يتصل واحد ثاني بس هذا خط يعني برع البلاد
؟؟؟ : عبد القدير
منصور : لحووووووول من وين ها يا بعد
ويبند الخط في ويهه ..
بس الكل اللي يالس يضحك على منصور ..
منصور طنش وسار يتمشى عند النخل .. ويفكر بحاله ومشاكله ...
وشوي ويصيح تلفونه بس هذي المرة امه الي داقه
ام منصور : عبد القدير جيب سيارة داخل بسرعه عشان يودي سامان العزبة
منصور مستغرب شوو اللي يالس يصير ..
ام منصور : عبد القدير...
منصور يغير صوته : انشالله ماما
بند منصور التلفون ويلس يجيك على التلفون وعرف هذا مب بطاقته ..ويلس يفكر منوو اللي مسوي الحركة راح فكره عند سعيد بس سعيد كان برع يشوي بس منوو ياربي اللي سوه الحركة تذكر فطوم يوم هيه طالعه من البيت قال اكييييد هيه بس ماعليه مردوده يا بنت خلفان .. شل البطاقه وسار عند الدريول وشل تلفونه وبدل البطايق وقال حق عبد القدير يدخل السيارة داخل عندهم عشان يشلون السامان العزبة ..

منصور هو راد من عن الدريول يلس يفكر كيييف بينتقم من فطوم ..
طبعا الأنسه فطوم ويزوي يالسات يراقبن وهن مندسات ورا الزرع
يزوي ناقعه ضحك .......هههههههههه
فطوم تلومت باللي سوته بس قالت يستاهل وتشل تلفونها واطرش مسج : (( تعيش وتاكل غيرها ))
منصور وهو يضحك بس في خاطره وده يصفعها ..
منصور : (( أخرها يجي عندي .. ويقول أسف على اللي صار أعرفه تربية يدي إذا أزعل يعيش بنار .. أمانه لاتراضونه بيرجع لاتغصبونة يجي عندي وتشوفونه ويتأسف على اللي صار ))
فطوم أونها تضحك بس طبعا تحترق من الداخل واثق الريال : ( انت يلي مزعل ناسك تبينا نراعي احساسك تبي تزعل ازعل إهي ريشه على راسك تحسب الناس يشرونك تبيع وهم يراعونك تظن إني انا منهم أجي وأبوس لك راسك .. إهي ريشه على راسك ))
منصور طنش ولارد عليها وسار صوب مبارك وسعيد اللي يالسين اونهم يسقون الزرع يلس يخبص وياهم ....

اما من جهة البنات ........
يالسات يسولفن ويخططن طبعا يزوي تريد تسوي حرب يعني يكملون المعركة مالتهم يوم كانوا في صلالة .. طبعا الكل وافق اولهم فطوم ...
الريم : اقووووول عندي فكره جهنمية (( نفنوفه لاتزعلين على فكره بيعجبج البارت بس كملي للين النهاية ))
فطوم متحمسه : يالله قولي
الريم اطالعهن بنظرات : امممممم شو رايكم نسوي فلم هندي
يزوي : الله رووووعه انا البطله
الريم تظرب يزوي على راسها : ياخبله شوو بطله بعد اصلا حد بطل عشان انت البطله
ودوم : ههههههه عيل كيف مافهمناااا؟؟
الريم يالسه تلعب بصبوعها : سمعن بنلبس لبس هندي وبنرقص رقصة هندية
ميروه : الله فكرة عندي اغراض هندية داخل الحجرة
الريم نقزت : حلفي شوو عندج
ميروه اطالع يزوي : يزوي تحيدين اشرطتنا الهندية ولبسنا الهندي
يزوي : صح تذكرت داخل خلينا في الكبت
قامن كلهن وسارن داخل .. وطلعت يزوي كرتون كبير ويلست اطلع الملابس والاشرطة وحصلت الريم لبس هندي بس مال ريال
الريم : مال منو هذا
يزوي : هههههههه تذكرين ميروه هذا لبس بيدارنا مال المزرعه
ميروه : هههه حليلنا والله انه سالفه
فطوم مستغربه شو وصله حقهن : شوو سالفته
ميروه عدلت يلستها : سمعي الله يسلمج كلنا قبل واايد اني المزرعه على ايامنا يوم كلنا صغار وهذا هندينا ريحته خااااااايسة لوع بجبودنا طبعا الانسة يزوي فكرت تشتري له لبس المهم اشترينا له بدلتين ماليلهم ويو يينا المزرعه حصناه مسافر وخلينا الملابس داخل قلنا يمكن يرجع يشتغل مرة ثانية عدنا ..
وقفت الريم وشلت البس الهندي مال الرياييل وقايسته على طولها
الريم : اوووووه طوووويل
يزوي : لايكون بتلبسينه
الريم : اكيييييد بنسوي فلم رووووعه
ودوم وقفت وشلت البدله الثانية : انا بشارك في الفلم
فطوم شلت لبس هندي مال ميروه ويزوي شلت لبسها ..
ميروه : انا بصوركم شو رايكم
فطوم : اوكييييه انا عامله حسابي يايبه الكاميرا داخل السيارة بسير ايبها وبرد ..

يبدأ الفلم الهندي ....
فطوم الحبيبة فاجة الشعر ولابسه لبس هندي ولابسه اكسسوارات هندية وياها يزوي .. اما الريم ودوم لبس هندي رجالي ومسويات بالجحال شوية لحيه ( خخخخخخ اتخيل شكلهن روووعه )
المهم ميروه ماسكه الكاميرا .. وتصور اخبالهن وشغلن غنية هنديه ( الله ياخذه من فلم اكييييد خرابيط )
المهم تبدأ التنقيع في الرمسه عندهن شوي هندي على انكليزي على عربي ...خخخخخخخ


من الجهة الثانية منصور كان معصب على حركة فطوم وميه فكرة يت في راسه .. وشل تلفونه وطرش : (( مردوده يا ......))
فطوم لاهيه بالتصوير بس حست انه من منصور بسرعه توقف التصوير تربع اطالع المسج يلست تضحك من الخاطر على المسج : ههههههههههه ...... وردت تكمل تصويراها وطنشت السالفه ..


من جهة منصور يالس يتريا ردها وهو ميت قهر منها .. ويالس يخطط شو بسوي حقها في العزبة وكييييييف بينتقم وبرد حركتها السخيفة ...


العصر الساعه 5 ....
البنات يالسات يطالعن فلم هندي مالهن وهن ناقعات ضحك وكل مايدش حد يبندن التلفزيون عشاااان محد يضحك عليهن ... يدش سعيد ومبارك بسرعه يبندن ..
سعيد : شوو يالسات اطالعن
البنات كلهن مرتبكات
فطوم : ماشي مايخصك سوالف بنات
مبارك : ههههه يالله اعترفن بسرعه شوو اطالعن
يزوي : مايخصكم ظهروا برع فكونا
سعيد الفضول بياكله اجدم بفج التلفزيون بس نقزت الريم وتوقف جدام التلفزيون : سعييييييد دخييييلك لاتشوووف
سعيد مستغرب : قولي شو يالسات اطالعن بسرعه
الريم : فلم
سعيد : فلم فلم شوووووو
الريم خايفه اطالع البنات : مايخصك عيييب سوالف بنات
سعيد : إلا اطالعه
الريم : سعييييييد دخيلك لاااااااا
سعيد : انزين فلم شووو؟؟؟
الريم : بخبرك فلم نحن مصورينه يعني اونه مسوين مسرحيه ونحن نمثل خلاااص ارتحت
سعيد : اممممم انزين مايصير انطالعه وياكم
مبارك سار تفيزر تحت عدال التلفزيون : يالله خاطريه اضحك على خرابيطكن
ميروه وقفت سارت تبطل الكاميرا من التلفزيون : لاااااا مانريد خصوصياتنا
شلن الكاميرا وسارن داخل .. قبل مايدخلن الحجرة
سعيد : الريم تعالي اباج بسالفه
الريم : شووووو
سعيد شل الريم وسارو برع وخبرها سالفه فطوم ومنصور وشو اللي صار في بوظبي
الريم : خييييبه كل هذا صار بس فطوم ماقلت لي شي....؟؟؟؟؟
سعيد : انزين المهم نحن نريد نراضيهم
الريم تفكر : ....شو رايك انت ييب منصور وانا بيب فطوم بنخليهم ويا بعض وبنسير
سعيد : اوكييه يالله بنلتقي عند الشيرة اللي عدالها الياسمين
الريم : اوكيييييه

سارت الريم تيب فطوم وسعيد سار اونه يتمشى مع منصور وتلاقوا كلهم في نفس المكان ...
الكل تم ساكت ويطالع ..
فطوم لفت تريد تسير بس الريم ماخلتها
سعيد : فطووووووم هذا منصور وتفاهمي معاه يالله الريم نسير
سارت الريم وسعيد وخلوا فطوم ومنصور بروحهم ..

حل السكووووووووووووووت بين الاثنين .. كل واحد يتريا الثاني يرمس ..
حبة فطوم تكسر الحاجز وبدت ترمس
فطوم : منصووووووور
منصور : نعم
فطوم في خاطرها نعامة ترفسك : ...........
منصور : فطوم سمعيني للين الأخر
فطوم : ................
منصور : فطوم انا كنت امزح وياج يوم قلت لج ربيعتي والله ماادري كيف طلعت وياي .. هذيج الساعه كنت مضايج واصل حدي انت ماتعرفين شو صار اهليه يبون ايوزوني بالغصب والدورة لازم اخذها ماشي فايده ماطاعوا يلغونها بس اجلوها حقي للين اخر شهر 8
فطوم مندهشه من كلام منصور اللي يسمعه يقول الحين بصيييييييح .........
منصور لف وعطاها ظهره : أأأأأأسف سمحيلي اذا في يوم حبيتج
فطوم مب مصدقه اللي يالسه تسمعه ..
منصور وهو عاطنها ظهره : فطوووم بعترف لج اني الصراحه حبيتج وعزيتج وصرتي اهم شي في حياتي طوول هالفترة وانتي شاغلة تفكيري .. فطوم أأأأسف لعوزتج وياي بس حبيت الفت نظرج لي بس للأسف اكتشفت اني مالي مكان عندج ..
فطوم وعيونها ادمع ... وحل السكوت من بينهم .......... وقبل مايلف منصور صوبها . سارت عنه وخلته بروحه واقف ..
منصور يلف ومايحصل حد واقف : ووووينها بسم الله انا يالس ارمس عمري من الصبح

من جهة فطوم يالسه اتصيييييح وتفكر باللي سوته في منصور : صدق حراااام عليه انا متأكده من حبه لي من زمان بس هووو مايعرف اني احبه كثر مايحبني بس مااقدر مااقدر ادوس على كرامتي وكبريائي واقول . كيفه اصلا يبين اني احبه بس هوو غبي مايحس ولايفكر .. اطلع تلفونها واطرش له : (( أأأأأسفه .. خلاص طاح الحطب ))
منصور فرح من المسج : (( إنت وييينج اختفيتي كنت اريدج بسالفه ضروريه يالله تعالي اترياج ))

فطوم شلت عمرها وكسرت على كبريائها وسارت عنده ..
فطوم : خييييييير شو السالفه
منصور : شووو هالحركة
فطوم اونها تستعبط : أي حركة ؟؟؟؟
منصور : التلفون؟؟؟!!!!
فطوم : هههههه تستاهل
منصور : ماعليه مردوده
فطوم : ............
منصور طلع تلفونه ويلس يقرأ لها المسجين اللي فرن راسه من كثر مايفكر فيهن ..
منصور : فطووووم شو قصدج بهلمسج
فطوم وهيه مرتبكه لا ماشي بس جذيه
منصور : بس جذيه ولا ..... تقاطعه فطوم : اسمع بقول لك كل السالفه ....... ويلست تقول له سالفه محمد .....الخ

منصور وقف معصب : شووو منو يتحسب عمره هذا بعد فطووم سمعي انت محد بياخذج غييييري واذا حد قرب يمج بكون اخر يوم في حياته واذا رفضتيني تأكدي محد بياخذج ؟؟؟
منصور عق الكلام وسار عنها
فطوم تيبست في مكانها وماعرفت شوو ترد او شو تقول : لااااا مستحيل هذا منصور ياليتني ماقلت له السالفه اخاف يكبرها
بسرعه فطوم تلحقه وتوقفه عشان تتفاهم وياه ..
فطوم : منصور اسمعني
منصور وهو معصب شكله احمررررررر: وانت لييش ماقلتي لي السالفه من قبل
فطوم وهيه شوي وبتصيح ماتحب حد يصارخ في ويها : منصوووووور دخيلك طب السالفه والله اني ماافكر فيه هذا محمد ومايخصني فيه ومستحييييل اخذه اكبر عني بوايد مستحيييييل افكر بحد منصور وغلاتي عندك طب السالفه وفكنا من المشاكل
منصور وهو يطالعها ويفكر : عشان خاطرج بس بسكت
فطوم فرحت وارتاحت .. وسارت عنه وهيه مرتاحه من الهم اللي كانت شالتنه ..


الساعه 7 المغرب بعد ماصلوا في المزرعه انطلقوا العزبة ....
أول ماوصلوا العزبة يترابعن البنات الصغار والأولاد الصغار على الدرجات ؟؟

سار الشواب يطالعون حلالهم والحريم سارن يولعن الضو ويسون جاي .. البنات سارن البيت يغيرن ملابسهن .. ويرتاحن شوي لأنهن قايمات من وقت ...


الساعه 12 فليل
كانن البنات يزوي وميروه ودوم والريم وفطوم .. والشباب مبارك ومنصور وسعيد يلعبون ورقة عدال الضو .. ويسولفون وعلى الساعه 1 ساروا يرقدوم ...

الساعه 3 تطلع فطوم وتسير الصاله تشرب ماي وتفكر باللي قاله منصور ويلست في الصاله على الكرسي والليتات امبندات .. وهيه سرحانه تفكر تنقز على صوت شي ينفجر اطالع يمين يسار اطالع الجهة اللي صوب المطبخ ضووووو كبيره ( انفجرت الكهرباء ) ويلست ازااعج بأعلى صوتها وعت كل اللي راقدين يطلعون كلهم يحاولون يطلعون برع البيت لأن الضو انتشرت في كل مكان بس للأسف الضووو كانت قوية وسيطرت على كل الجهات ..وقظت على كل شيء وصريخ اليهال والحريم والبنات طاره البقعه بس الرياييل يحاولون يطلعونهم بس بدون فايده الضوو قضت عليهم واحد واحد ..


الناس اللي برع العزبة يحاولون ينقذون حد ويقضون على الكارثه اللي تسوتي جدام عيونهم دقايق وتوصل سيارات الشرطه والأسعاف والمطافيء ويخمدون الحريجه بس للأسف يطلعون جثث من البيت متفحمة ومشوه كلياااااا .. الناس تتقطع قلوبهم ويصيحون وهم يطلعون اكثر من جثة ( كانوا 4 عوائل )

ينقلون الجثث بسرعه على سيارات الاسعاف بس اخر جثه يطلعونها كانت شبه مشوه وفيها حياه ...




ياترى جثة منو اللي بعدها فيها نبض من الحياة ؟؟ وبعيش ولا بلحقهم ؟؟ وإذا عاش شوو بتكون حياته ؟؟؟


طبعا ينقلون الجثث إلى المستشفى ؟؟؟؟ وينقلون الشخص اللي بعده حي بسرعة غرفة العمليات ؟؟؟ بعد كمن ساعة يطلعون من غرفة العمليات ويخلون له غرفة خاصة .. بعد ساعات من خروجه من غرفة العمليات . (( طبعاً تعتقدون انه سعيد أو منصور بس اقول لكم لاااااا طلع مبارك )) ..
تدخل شمة بنت عم مبارك ( تسكن في دبي ومعرسه وعندها ولد واسمه احمد وعمره سنه .. اخواها ماخذ شيخة اخت مبارك ) .. بعد ماتدخل شمه على مبارك تذكرت كل لحظة مرة فيها وكانت معاه أحلى قصة حب عاشوها في حياتهم بس الظروف هيه اللي حطتهم يفترقون ( امها اصرت انها تاخذ ولد خالتها ومحد قدر يعترض ) كان مبارك يحبها ويمووووت فيها بس يوم درى انها بتعرس وبتاخذ ولد خالتها .. ماصدق وقرر انها يهاجر يسفر بريطانيا يدرس .. بس للأسف ابوه ماطاع وامه بعد اعترضت .. المهم وقفت شمه عدال مبارك اللي يشوف شكله كانن علامات الحروق في وجهه ومأثره فيه ويلست تفكر كيف بعيش بدون اهله كييييييف لاااااااا مستحيل مستحييييييل اللي يصير .. وجلست اتصييييييح عدال راسه وتمسح على شعره ودموعها يطيحن في وجهه بس طبعا هو مايحس بأي شيء .. بعد ماهدت شمه شوي قررت انه تسير اطالع شيخه اللي من سمعة الخبر غما عليها والحين محطينها في غرفة الانعاش ...

اما مبارك كانت حالته صعبه يعني فيه حرق في جسمه بس اقل عن اللي تفحمو في الحريجه ..
بعد ساعة ترجع شمه غرفة مبارك جست على الكرسي وخلت راسها على ريولها ويلست تصيييييح بس بصوت مب مسموع .. بس ساعه يقوم مبارك يريد ماي .. بسرعه قامت شمة وناولته كوب الماي بس هو ماركز عليها شرب الماي يلس يتأمل المكان اللي هو فيه وشوي وتطيح عينه على شمه تم يطالعها وترجع به ذاكرته لأيام طفولته وياها تذكر قلبه وحبها .. جلس يتأمل عيونها للحين مب مصدق اللي يشوفه ..
حط مبارك ايده على قلبه وعيونه تتأملها .
تقربت شمة منه بس كانت خطواتها صعبة وقلبها يرتجف من سنتين ماشافته من سنتين انتها كل اللي كان بينهم ..
شمه بصوت متقطع : مـ....م...مـ.. مبااا... مبارك
مبارك من سمع حساها حس بضيج في صدره : ش...شــ... شمه
شمه تقربت اكثر منه وحطت ايدها في ايده : الحمدلله على السلامه
مبارك لف يطالع عداله يطالع اذا حد موجود : ...........
شمه : ............
مبارك ترجع ذاكرته للموقف الصعب موقف الحريجة غم عينه وجلس يشوف الكل في البيت وهو يحترق يشوف سعيد ومنصور يشوف البنات وابو سعيد وبو منصور وهم يحاولون ينقذون حد بس للأسف وقف عند هذي النقطة ياربي شو صار وينهم حيين أو ميتين : لاااااا لااااااالالالالالالاالا
شمه حست عمرها في موقف صعب رصت على ايده بقوووو : مبارك مبارك بلاااااك
مبارك يطالعها ودموعه في عينه : اريد ابوووويه ابويه وينه
شمه : عمي عمي اليوم بيوصل من السفر
مبارك رفع راسه مع انع مب قادر : شمه شمه وغلاة أحمد ولدج عندج أهليه وينهم
شمه حست انه خلاص بتموووت ماكانت تتوقع انه هيه اللي بتقوله باللي صار : .............
مبارك حس انهم مب بخير يمسك ايدها وبصوت كله تعب : شمه قوولي دخييلج قولي وينهم
شمه تشل ايدها من بين ايدينه وتلف عنه : ..............
مبارك : شمه وغلاة ولدج عندج قولي لأنه أغلى ماعندج أحمد
شمه تلف صوبه ودموعها على خدها : مبااااارك انت انسان مؤمن بقضاء الله وقدره .. مبارك انت شخص تعـ .... ويقاطعها بصوت كله حزن ودموع : قولي قولي انهم ماتوا قولي وريحي قلبي
شمه نزلت راسها وبعبرة مخنوقة : مبارك استغفر ربك وترحم عليهم
مبارك : لا اكييييد اجذبين علي مستحيييييييل كلهم كلهم يموتون لا مااصدق شمة قولي انج اجذبين علي ... ويلس يصيييييح بصوت عااااالي
تتقرب شمه منه وتمسك ايده : مبارك لا تسوي بعمرك جذيه مبارك دخيييييلك مب زين
مبارك ينزل راسه : لا منو تم عندي منو تم .. لا كل اللي يحبوني ماتوا
شمه قلبها يتقطع وخاصة من سمعة كل اللي يحبوني ماتوا : مبارك انا .. انا انا احبك مبارك بعدك غالي وعزيز على قلبي ،،، تشل ايدها وتأشر على قلبها : انت هنيه هنيه يامبارك ومحد يساويك
مبارك : شمه خلااااااص كل شي انتها خلاص انت صرتي في ذمة واحد وعندج ولد منه لا تقولين هذي الرمسه حراااام حرااام لاتعذبيني
شمه : مبارك حاولت انساك حاولت اجذب على قلبي بس مب بيدي خلاص حبك انغرس في روحي
مبارك :..................
شمه : مبارك خلاص خلاص لا تسوي بعمرك جذيه انسى انسى خلاص انت بدال مايالس اتصييييح وتسوي بعمرك جذيه اترحم عليهم احسن من اللي يالس اتسويه
مبارك حس ان كلامها كله صدق يعني خلاص كلهم ماتوا خلاص سعيد ومنصور ربعه ماتوا لا مستحيل ياليتني مت وياهم ياليتني ...


منصور وسعيد يالسين يطالعون فلم هندي ( ماليل البنات ) ويضحكووون من الخاطر ويعلقون عليهن ...
يقوم مبارك من رقاده ويزاعج بأعلى صوته : لالالالالالالاااااااالالالالالالالالا
سعيد ومنصور بسرعه يلفون صوب مبارك اللي كان راقد ..
منصور : ...............
سعيد يلف يطالع منصور : ............
مبارك بعد ماخلص زعيجه يلس يطالع حواليه ويشوف سعيد ومنصور يالسين يطالعون التلفزيون ..
مبارك مب مصدق انهم جدام عيونه يرد يغمض عيونه يتأكد انه كان في حلم .. يفج عيونه وينقز عدال منصور وسعيد ويلس يتلمسهم من راسهم اللين جتفهم ..
مبارك يطالع سعيد : سعيييييد سعيييييد انت حي
سعيد منصدم هذا بلاه جذيه قام من رقاده يزاعج : مبارك انت بلاك اشفييييك
مبارك احس بصوت سعيد يدخل بقلبه ويصحيه من رقاده ويلف صوب منصور ويصفع منصور : منصووووور منصووور احبك لاتودرني دخيييلك
منصور لا إراديا يلس يضحك من الخاطر : هههههههههههه
سعيد : ههههههههههه
مبارك وهو يصييييح : لا حرام حرام
منصور يمسك مبارك من جتفه : مبارك اشفيك اكيييد كنت تحلم
مبارك حس انه صدق كان يحلم وكل اللي صار حلم ارتاح بأنه حلم مب صدق : منصوووور والله حلمت حلم فضييييع حلم يخوف
منصور : هههههه استغفر ربك وقوم صل الصبح
مبارك يلف صوب التلفزيون ويلس يضحك على خرابيط البنات : كيييف وصل الشريط عندكم
سعيد : ههههه الغبيات مخلياتنه في السيارة وانا شفته وقلت لازم انشوفه ونضحك عليهن
مبارك : ههههه مب هين عثرك يا بوعسكور
منصور يضرب جتف سعيد : بس الله يعينا اكيد لو درن مابيسكتن
سعيد : هههه خله يخلص الفلم بنرده في السيارة ولامن شاف ولامن درا
مبارك : انزين عيدوا الشريط من الأول بسير اصلي الساعه 6.30
سار مبارك يصلي .. وبعدين رد يكمل الفلم وياهم ويلسوا يعلقون ويضحكون ..


الساعه 8 الصبح ..
البنات يالسات في الصالة يلعبن سوني .. تدخل ام منصور ..
ام منصور : الرييييم
الريم مندمجه في اللعب ( يالسات يلعين كرش سيارات ) : ........
ام منصور : ريموووه
الريم مندمجه في اللعب : شووووو
ام منصور عصبت منها تمسك المخده وتفرها على الريم
الريم : أأخ امايه بلاج
ام منصور : حشاا ماتسمعين انت
الريم : خير امايه بغيتي شي مني
ام منصور : سيري زقري اخوج وقوليلهم ريوق
الريم وهيه تتأفففف : انشالله
تمط الريم فطوم وياها ويسيرون عند الشباب ..
الريم ادق الباب بس محد يرد عليها .. الشباب مندمجين في الفلم الهندي
تبطل فيطوم الباب وتوقف الريم وفطوم يطالعن الشباب منسدحين عند التلفزيون ويطالعون فلمهن
فطوم تلف صوب الريم ويهااا احمر من القفطة ومن الغيظ : كيف وصل عندهم
الريم وهيه بتنفجر من حركتهم السخيفة : كان في السيارة
فطوم تلف صوبهم بعدهم الشباب محد حاس فيهن بان واقفات عند الباب ويشفونهم
الريم وهيه ازاعج بصوت عاااالي : لاااااااااااا
سعيد حركة لا إردايا من سمع الحس ينقز عند التلفزيون ويمجع الكاميرا منه
منصور يقوم ويلف صوبهن .. مبارك من شافهن محمرات ومعصبات نقع ضحك : ههههههههه
منصور يضرب مبارك عشان يسكت
سعيد وخاطره يضحك بس مب قارد الموقف كان صعب ماتوقع انهن يدشن عليهم
الريم تسير تمجع الكاميرا والوايرات واتشوف سعيد من فوق اللي تحت ودها تصفعه بويهه
سعيد : الرييييييم
الريم لفت عنه
منصور وقف يشوف فطوم ويقول في خاطره لااااا ما وحالي اراضيها ترد تزعل مني لا حرااام مااقدر انا ماصدقت ترضا
فطوم تشوف منصور وكلها حقد وكره على حركته السخيفة ..
توقف الريم عدال فطوم . ويطلعن برع وترضخ فطوم بالباب بالقووووووو

سعيد من صوت الباب نقز : خييييييبه
مبارك : لا شو سوينا
منصور يلف صوب سعيد : الحين شووو بنسوي
سعيد : مااصدق طحنا فيها
منصور يلس يذكر فطوم ونظراتها : امممممممم.............؟؟؟
مبارك : هههههه انت لييييش مكبرين السالفه خلوهن عااادي طااااف
سعيد يذكر الريم بس حب ضرابة البنات يموت فيها : خلاااااص بنطنش
منصور مستحييييل يتنازل عن كبريائه : هههههه خلاص يالله خلونا نطلع نتريق


في جهة الصالة .. فطوم كانت من صوب تتأفف والريم تنااااافخ من الجهة الثانية
ميروه اطالع الريم وفطوم : حوووووو بلاكن جذيه معصبات
فطوم : خلاص من اليوم بتبدأ المعركة ضد الشباب
يزوي من سمعة طاري المعركة فرت السوني ونقزت : عجيييييييييب
الريم تخبرهن السالفة وشووو صار بس قبل ماتكلم يطلعون الشباب من الحجرة ..
منصور يطالع سعيد ويضحكوون بصووت عالي بس عشان يقهرونهن : هههههههههههههههاااااي
فطوم صدق معصبة ويها احمر طماط صاير اطالعهم بنظرات غضب .......
طبعا الشباب اكبر طااااف .. سعيد يغايظ بالريم ويلكم منصور اونه : اوني انا بطل الفلم هههههههاااااي
الريم ودها تقوم تصفعه وتبرد قلبها ..
بعد مااطنزوا الشباب شوي طلعوا برع ..

ترد الريم تكمل السالفه ويلسن يفكرن شوو بسون عشان يبردن قلوبهن فيهم ..................................... حل السكوت والتفكير بدأ والمعركة في البداية ومنو بينتصر فيها ؟؟؟؟؟؟
يزوي : هههههه حصلتها
الريم : شوووووو
يزوي : قومن وياي
سارن حجرة الشباب ويلسن يدورن تلفوناتهم .. الريم تشل تلفون سعيد وفطوم تلفون منصور ودوم تلفون مبارك ويمسحن كل الأرقام والمسجات والخرابيط اللي في التلفون ( خلنه جديد )
ميروه : هههههههههااااي يستاهلون
فطوم : يالله خلونا نطلع عندهم عشان نغايظهم ونبرد قلوبنا فيهم
الريم تلف صوب البنات : مااوصييييكم بالإبتسامه الحلووه وعرض الأسنان
يزوي : لاتوصين حريص لازم اكشخ واضحك من الخاطر بعرض تقويمي
الكل : هههههههههه ((( على فكره يزوي راعية سواااالف )))

المهم يطلعن البنات برع وايلسن يضحكن ويسولف ولاجنه صاير شي ..
الشباب يطالعون بعض
سعيد بصوت خفيف : اكييييد سون شي
منصور حس فيهن وبنظرات فطوم وضحاتها وتذكر مقلب التلفون قبل ويلس يتهيس مخباته يدور تلفون : اقووول انسير نيب تلفوناتنا
سعيد : صح اكيييد سونها

ساروا الشباب واجيكون على التلفونات
مبارك : لاااااااااااااااااااا
سعيد : بمووووووت حرااااام قويه الصراحه
منصور مب مصدق ارقام ربعه اللي بفرنسا كلهن امتسحن :............
سعيد : حركة سخيييييييفة والله لردها بأقوى منها
مبارك يلس يفكر كيف ننتقم منهن :.........؟؟؟؟؟
منصور وده يقوم يصفعهن وحده وحده بس مايقدر يسويهااااااا...

البنات بعد ماخلص انطعاز ( ريوق ) سارن يلعبن دراجات ويا الأولاد الصغارية

يسيرون الشباب صوبهن .
سعيد : يالله البيت ماعندنا بنات يسوقن دراجات
بس الريم حبة تغايظة جان تاخذلها دراجه وتركبها وتلف صوبة : مايخصك
سعيد معصب منها : جب انا ريلج فهمتي
الريم طااااااف شغلت الدراجه وسارت صوب ابوها عشان محد يرمسها .

فطوم اتشوف منصور بنظرات حقد عليه وعليه حركته .. منصور حس بنظراتها يلس يضحك بس عشان يغايظها .
سارن البنات عند الريم والشباب يلسوا يسوقون الدراجات وكل واحد منهم يفكر كيف بينتقم منهن ..

سارن البنات البيت يكملن خططهن ويسولفن ..
يزوي : اقووول شو رايكم اليوم نطبخ
ميروه تلف صوب اختها وجنها مش مستوعبه اللي تسمعه : شوووووو يزوي ماسمعت أكين
الريم : هههههههههههه
فطوم : صدقها يزوي فكره حلوه شوو رايكم نطبخ
ودوم تفكر : شوو بطبخن
الريم : ...............
يزوي : بسوي كيك شو رايكم
فطوم تلف صوب يزوي : كيك وبسكوت
الريم : هههههههه
ميروه : اوكيه انا اعرف اسوي كيكة البرتقال
يزوي : انا بعد اعرف اسوي
الريم بعد ماحست انهن صدق يرمسن وافقت على الفكرة ..وقررن انهن يدشن المطبخ بعد صلاة الظهر


الساعه 1.25

عند الغدا بعد ماخلصن بنات اكل يلسن يشربن جاي ويخططن كل وحدة شوو بتسوي .. بعد تخطيط سارن المطبخ يعابلن

ام سيف : ووووين بتسيرن
فطوم تلف صوب امها واطييح عينها بعين منصور بس طنشته : بنسير انسوي كيك وبسكوت
مبارك نقع ضحك : هههههههههااااااااي
سعيد يضرب مبارك على ريوله ويلف صوب منصور : منصور دق حق الأسعاف عشان اذا حد تسمم ننقذه
منصور يطلع تلفونه واونه يرمس : الأسعاف نقذونه في عصابة يبون يسممونه بأكلهم
ام منصور : منصوووووووور
الشباب صخووووو ..
فطوم اطالعهم وخاطرها تصفعهم ولفت صوب امها : امايه تبين شي
ام سيف : لا فديتج بس خلونا انذوق أكلكن
فطوم : انشالله ماطلبتي

سارن يعابل في المطبخ .. الأوضاع عجيبة عندهن كل وحده تضحك على شكل الثانية شو يالسه اتسوي ..
فطوم : ميروه بنسوي 3 كيكات
ميروه : منو بياكله
فطوم : غياظ حق الشباب ولايهمج بياكلونه
يزوي : انزين بعد بنسوي صحنين بسكوت
الريم : اوكيه يالله خلونا نخلص

الساعه 4.30
الجووووو روعه والشباب يالسين يلعبون كورة قدم وكلهم يلعبون حتى الشواب
بعد دقايق يتغير الجوووو وينزل مطر خفيف ( نفاف ) الكل ارتبش ويلس يناقز ..
دخلوا كلهم البيت يوم حسو ان المطر بدأ يزيد
البنات مرتبشات يريدن يطلعن ويالسات يناقزن عند الدريشة
يزوي : يوم بخلص المطر بنطلع بسرعه نحجز الدراجات
فطوم : هههههههه اكيييييييييييد

من الجهة الثانية منصور يالس يعابل بتلفونه ويلف يطالع الدريشه والجوو برع ويطرش لطفوم مسج : ((مبروك عليكم المطر .. غسل الله به أحزانكم واستجاب دعاءكم ))
فطوم يلست تضحك عليه ولاردت عليه ...
منصور يرد يطرش : (( ودي بجلسة فوق عرقوب ممطور وتهبه الهبايب وانتي معي ونقصر الدوب وقت المسا والجو طايب أنت الذي للقلب مطلوب وللغير مايحسب حسايب انته بصوب وغيرك بصوب يالزين ياأعز الحبايب ))

فطوم يلست تقرأ وخاطرها تضحك واااايد يحلم الريال وترد اطرشله : (( ههههههه ضحكتني .. وبعدين جانك تريد تيلس على العرقوب سير محد يودك .. بس لاتفكر فيني لأنك وايد تحلم هههههههااااي ))
منصور عصب من المسج وده يكسر التلفون .. جان يسير يسجل رقمها بتلفونه بإسم ))) جارح قلبي ((( ...

من جهة البنات كانن يالسات في المطبخ يخلصن يرتبن البسكوت في الصحن .. وخلن الكيك على الطاولة عشان بعدين يقطعنهن .. بعد ماخلصن طلعن سارن الصاله كان الكل يالس في الصالة ..

يلسن البنات على طرف يطالعن التلفزيون ..
بعد شوي لفت الريم تريد تشوف سعيد وتشوفه منسدح على الكرسي ويالس يسولف مع ابوها .. يضحك من الخاطر ولاجنه صاير شي .. حست بكلمته (( جب انا ريلج فهمتي )) وكيف جازته وطنشته ولاعبرته جدام كل اللي كان واقف .. سعيد حس ان الريم اطالعه جان يلف صوبها وجاف عيونها ولف مرة ثانيه الصوب الثاني .. الريم جنه حد صفعها حست بضيج انه زعلان عليها وماخذ على خاطره منها ..
الريم : اقوووول بسير وبرد
فطوم : ووووين
الريم : بسير اشوف الكيك برد

سارت الريم المطبخ ويلست على الكرسي تفكر كيف بتراضي سعيد مهما يصير بتم الغالي على قلبها ..
تشل تلفونها وادقله ....
سعيد كان يالس في الصالة ومن شاف الرقم فز من مكانه والكل لاحظ ان سعيد اعتفس ويهه وطلع عنهم برع يرمس ..
سعيد : الوووووو
الريم : .............
سعيد : احم احم شووو تبين
الريم : سعيد أسفه
سعيد : .............
الريم : سعيد والله ماكان قصدي اسمحلي ادري انك زعلان
سعيد : ......................
الريم : سعيد خلاص قلت لك أسفه والله ماتهون عليه ازعلك
سعيد وهو يضحك : لييييش مااهون تراني هنت عليج تقفطيني
الريم : والله ماكان قصدي كنت معصبة عليك ليييييش تشوفون الفلم
سعيد تذكر الفلم ويلس يضحك : هههههه كنت روعه في الفلم
الريم مستحيه منه وحبت تغير السالفه : انزين انت زعلان الحين
سعيد : اممممممم اذا قلت لج زعلان بتراضيني
الريم وهيه تتأفف : اكيييييييد براضيك لو ماراضيت سعيد براضي منووووو
سعيد : والله انا غالي عندج
الريم : اكييييييد غالي لو مب غالي جان ماتبرعت بدمي عشانك
سعيد : يالله فديت الدم اللي يجري في عروقي
الريم حبت بسرعه تسكر : خلاص عيل بسكر
سعيد : ...........
الريم : يالله باي
سعيد : الله وياج

سعيد من سكر عن الريم يلس يفكر فيها وبكل لحظه طافت في حياته وهو بعيد عنها .. ويطرش لها مسج : (( لو طالت الأيام ماني بناسيك لو طالت المده وطول دهرها أبيع كل الناس يا شيخ وأشريك والناس لأجلك مستعد أخسرها .. يفز قلبي كل مامر طاريك ومشاعري تعلن لدارك سفرها .. يا كثر ما أحبك يا كثر ما أغليك .. تراك يا الغالي عيوني ونظرها ))

الريم استانست على المسج .. بس ماردت عليه ..


عقب ماخلص المطر بسرعه يطلعن البنات يلعبن بالدراجات ..
والشباب ساروا صوب المطبخ ..
منصور : أأأأخ ريحه أكل حلوووه
سعيد يلف صوب الطاولة ويشوف الكيك والبسكوت : أكل البنات
مبارك : ههههههه دخيلكم مافينا نتسمم
منصور شل صحن الكيك وطلع ميرندا من الثلاجه ويلس ياكل ويشرب ..
منصور : لذييييييييييذ
مبارك يلف صوب سعيد : .............
سعيد سار صوب الثلاجه وطلع سفن آب ويلس عدال منصور ويلس ياكل بعدين سار مبارك يشاركهم في الأكل .. ماحسوا بأعمارهم وهم ياكلون خلصوا صحن كامل كيك ..
عقب ماخلصوا اكل .. حب منصور ينتقم منهن قطع صحن الكيك واحد وحطه في الصحن وشلن صحن بسكوت واحد بوديه حق الشواب برع ..
منصور : سعيد ييب روب ولبن من الثلاجه
سعيد : شوو تباه الروب واللبن
منصور : انت ييب وخلاص
سار منصور وصب اللبن على صحن البسكوت وخلى الروب فوق الكيك ..خخخخخخخ

وشل صحن الكيك اللي قطعه وصحن البسكوت .. وداه عند الشواب برع .. وخلى صحن الكيك واحد اللي عليه الروب وصحن البسكوت اللي فيه اللبن في المطبخ حق البنات ..

طلعوا برع عند الشواب يسولفون ..
البنات شافن الأكل مالهن .. كل وحده تشوف الثانية .. ويلفن صوب الشباب .. بس طاااااف مارمسوا ..

سارن البنات يترابعن المطبخ ويشوفن الكيكه عليها روب والبسكوت فيه لبن عصبن من الخاطر
الريم : لاااااااا من ثلاث ساعات ونحن نعابل واخر شي يضيييع تعبنا
فطوم : ....................
يزوي : سبلان والله مايستحون نعمة هذي
ودوم : ...............................
ميروه : لازم انفكر كيف بنردها
فطوم : كيف بتردنها خلاص الحين بنرد البيت وكل واحد يروح في حال سبيله يعني قوم الريم بردون بوظبي وانت بتروحن بيتكم ودوم بيتهم وانا بيتنا يعني مانقدر انردها
ودوم : خلاص انشالله المرة الثانية بنفكر كيييييف بنردها حقهم
يزوي : ماعليه الصاع صاعين بنرده

الساعه 6
طلعوا من العزبة وكل واحد شل عياله وسار بيته ..

في بيت بو سيف ..
تسير فطوم تتسبح من التراب والغبار .. بعد ماخلصت يعني على الساعه 7.30 ادق حق ربيعتها اسوم
اسوم : الوووووووو
فطوم : مرحبا مرحبا الساع مرحبا بأسوم الغالية
اسوم : ههههههه هلا والله هلا بفطامي اشحالج فديتج
فطوم : بخير وسهاله اشحالج انت واخبارج
اسوم : الحمدلله هااا وينج وين منخشه
فطوم : ههههههههه وين منخشه بعد إلا في العين ماطلعت برع الحدود
اسوم : في العين وتلفونكم محد يرد عليه
فطوم : كلنا في العزبة وليييش مااتصلتي على تلفوني
اسوم : دقيت وحصلته مغلق
فطوم : اهاااا .. تصدقين حلو الجو اليوم
اسوم : صح والله حلو وايد انزين وين سرتي بعد
فطوم : مارحت مكان امس كنا في المزرعة وبعدين سرنا العزبة نبات فيها والحين رادين منها
اسوم : ياحيج والله مب انا مخليني حارس الدولة السنه
فطوم : ههههه افاااا لييييييش
اسوم : ماطلعت مكان إلا من السوق أللين البيت بس
فطوم : ههههه انا بعد ماسرنا مكان إلا صلالة وبوظبي والمزرعة والعزبة بس
اسوم : لا بعد ماسرنا مكان المهم اطلعين تستانسين
فطوم : بسم الله لاتحسديني بعد من باجر مابيلس في البيت شو رايج
اسوم : ليييييييييش وين بتسافرين
فطوم : ههههههه لا بسير ازهب ويا الريم حق العرس
اسوم : بتعرس متى ..؟؟؟؟
فطوم : على اخر شهر 8
اسوم : ماشي باقي إلا شهرين يالله يالله عيل يكفنها
فطوم : قلت إلها قالت ليييش مستعيلين
اسوم : ههههههه حليلها والله عيل بخليج الغالية بنات عموتي وصلن
فطوم : اوكيه فداعه الله
اسوم : مع السلامه


الساعه 9
في بوظبي ... طلع منصور من البيت بسير يتمشا على البحر ..
منصور وهو يتمشا يصيح تلفونه وكان سعيد اللي داق ..
منصور : الوووووو
سعيد : منصور
منصور : خييييييير
سعيد : ياخي أحبك
منصو : هههههههههههه والله قلت شي عندك الحين
سعيد : مالت عليك مب راقد يالس افكر فيك
منصور : ههههه فيني ولا في ....
سعيد : لا والله صدق منصور والله احبك
منصور : عيل انا مااحبك
سعيد : أفااااااا
منصور : إلا أموووت فيك
سعيد : ههههههه فديتك يا الغالي انزين وين انت
منصور : على البحر اتمشا
سعيد : يا حيك والله عيل برايك بسير ارقد
منصور : ههههه بس عشان جيه انت داق
سعيد : هههههههه يالله فمان الله
منصور : الله وياك الغالي

منصور يلس شوي على البحر بعدين سار البيت بيرقد ..
ياي يحطي راسه على المخده خطرت فطوم فباله وشاف الساعه 10.40
منصور شل تلفونه ودقلها بس محد يرد .. لأن فطوم كانت ياله في الصاله اطالع التلفزيون ..

وعلى الساعه 11 فطوم سارت حجرتها وشافت منصور داق 3 مرات
فطوم : لييييييش داق لا يكون شي صاير
وادقه ..
منصور : الوووووو
فطوم : هلاااااااا
منصور : هلا والله اشحالج
فطوم بلا نفس : بخير نعم دقيت شفت رقمك
منصور : هههههه داق اسمع صوتج
فطوم : ههههههه عيل يالله اجلب ويهك
منصور : لحظه قبل لا أجلب ويهي فطوم أسف عشان خربت أكلكن بس انتن ماقصرتن ماخليتن رقم في التلفون
فطوم : ههههه تستاهل
منصور : تصدقن ماشي ولا رقم في تلفوني إلا رقمج
فطوم : هههه انزين امسحه
منصور : ههههههه شو قالولج مينون
فطوم : انزين انا بسير ارقد شي في خاطرك
منصور : امممممم اول زعلانه
فطوم : لا مب زعلانه ارتاح
منصور : الحمدلله ارتحت
فطوم : زين عيل بعد شي في خاطرك
منصور : اممم هيه
فطوم : خييييييير بعد
منصور : أحبج يالله باي .. وبسرعه يبند الخط

فطوم يسلت تضحك : هههههه فديته ياربي ماادري كيف بعيش بلاه ..

طبعا منصور ماغطت عينه ولاقدر يرقد يلس يفكر أنه بيخطب فطوم .. ويلس يفكر بتوافق ولا لاه . وعلى طول الوقت وهو يفكر فيها ..

الساعه 4.30 نزل منصور وسار المسيد وقرر انه يرمس ابوه ويسير اليوم يخطبها له ..

منصور : ابويه بغيتك في سالفه
بو منصور : خير شو بغيت
منصور : نويت اعرس
بو منصور : هههههه قول حق امك تخطب لك اللي محطيه عينها عليها
منصور : لا مااريد انا اريد اللي في بالي
بو منصور : ههههه ومنو اللي في بالك
منصور : بنت عموه فطوم
بو منصور : هذي الساعه المباركه زين مااخترت
منصور : انزين عيل اليوم تخطبها حقي
بو منصور : وين اليوم امس يايين من العين
منصور يلس يصر انهم يسيرون اليوم يخطبونها .. وطبعا وافق بو منصور ..


الساعه 7.30
ساروا صوب العين يخطبون فطوم .. طبعا فطوم ماعندها علم انهم يايين يخطبونها ..
بعد ماعرفت فطوم في السالفه عصبت منه وفرحت في نفس الوقت ..

بعد ماخلصوا بو منصور ومنصور من عند بو سيف ردوا بوظبي ..


الساعه 9.30
اطرش فطوم لمنصور مسج : (( كلمة اخيره : اللي يودك حطه بعينك وخبيه واللي ما يحبك ابعد عنه ))
منصور انصدم من المسج شو قصدها فيه وطرش : (( هااا سمعتي الخبر ،، طمنيني موافقه ولا لاه ))
فطوم : (( تعال عند ابويه واسمع الخبر بنفسك ))
منصور : ههههه اكيد وافقت فديتها يا ربي واخيرا يتحقق حلمي
فطوم ترد أطرش : (( أأأأسفه بس عااافك الخاطر ))
منصور قرأ المسج ألف مرة مب مصدق اللي جدامه لاااا شوو قصدها لااااا ياربي لاااا فطوم ادخيييلج احبج احبج لااااا وافقي علي ...


ياترى فطوم بتوافق على منصور ولا لاه ؟؟؟

[بليا روح]

منصور كان في صدمة قووووويه مستحيييييل فطوم ترفضة مستحيل ..
منصور : لااااااا اكيييييد تمزح لا مستحيل ترفضني فطوم فطوم تحبني ..
يرد يتصل فيها بس ماترد عليه ..
منصور : اكيييييد رافضتني اكييييييد لا لييش يافطوم تعذبيني حرام عليج والله حرام مااقدر اشوفج لواحد غيري لامستحيييل مستحييييل .. يقاطع كلامه الحزين صوت الباب ..
منصور يلف صوب الباب : منوووووو
ام منصور : منصور
منصور قام وسار صوب الباب وفج الباب : خيييير امايه بغيتي شيء
ام منصور : هيه الغالي بغيتك توديني بيت عمتك في العين
منصور في خاطره يقول لاااا مايريد يسير صوب العين : لييييييييش عشان سالفة العرس
ام منصور : هيه ياوليدي بسير اطالعهم
منصور : امايه لاترمسينهم هم بردونا جواب جانهم موافقين علي
ام منصور : يالله بستر ليش مايوافقون
منصور : امايه لاتعذبيني انا بوديج صوب العين بس ماتفتحين سالفة العرس وياهم .
ام منصور : لييش هم مايبونك
منصور نزل راسه ورد رفعه : ماادري بس كل شيء جايز بس المهم متى تبيني اوديج
ام منصور : بعد الغدا انشالله
منصور : خلاص تم يا ام منصور


في العين .. الساعه 1.30
تتصل الريم بفطوم بعد ماسمعت على الغدا خطبة منصور حق فطوم وهيه للين الحين مب مصدقة انه خطبها وفطوم ماخبرتها بسالفه لا خيانه ..

فطوم : الووو
الريم : هلا والله بالعروس
فطوم : ههههه أي عروس
الريم : جب جب انا اخر من يعلم صدق مافيج مذهب
فطوم : هههه لييييش ماتعرفين ان منصور يا وخطبني لا مستحيل مع انج وياه في نفس البيت
الريم : لا ماادري بس ماعليج هزبته منصورو السبال صدق مايستحي من وراي
فطوم : والحين داقه تهزبيني حرم سعيد
الريم : لو سمحتي الشيخ سعيد فهمتي
فطوم : هههه شيخ في عينج محد عندنا شيخ غير الشيخ زايد
الريم : المهم شوو متى العرس
فطوم : حوووو أي عرس منو قالج اني موافقه
الريم : نعم نعم ماسمعت شووو مش موافقه كيفج هووو
فطوم (( بدلع )) : والله كيفي لأن هذي حياتي وانا حره
الريم : فطووووم عن الدلع ادري انج تحبينه .. وتقاطعها فطوم
فطوم وهيه معصبة : كنت احبه
الريم : والحين
فطوم : عادي عندي مثل اخوي مااقدر اتصور بكون ريلي وبعيش معاه مااقدر على مغايظه ومقالبه
الريم : فطووووم اكيييد شاربه شي
فطوم : الريم فهميني منصور غير عن سعيد منصور مب ويهه عرس منصور مايحاتي شيء كثر الدوام والدراسه وسفراته بس
الريم : حبيبتي اخوي يأمن مستقبله يريد يكون مهندس كبيييير
فطوم : حتى ولو مارريده
الريم : فطوم اكيييييد هذا واحد من مقالبج
فطوم : ريمووه تبين الصدق
الريم: اكييييييييييييد..
فطوم : انا معصبة عليه ليييييش مايقول انه بيي يخطبني خلاني جدام الأمر الواقع حتى مايعرف اذا موافقه عليه ولا لاه
الريم : هههههه كان واثق من موافقتج
فطوم : هههههه مشكلته والله
الريم : المهم فطوم هالله هالله بمنصور ترى هذا اخوي مالي غيره
فطوم : ههههه عندج حمدان
الريم : حتى ولو منصور غييييير
فطوم : هههه المهم بخليج الغالية شي في خاطرج
الريم : تسلمين الغالية .. بس نسيت اقولج المعرس المجروح ياي صوب العين ومعاه الوالده
فطوم جنه حد صب عليها ماي بارد اكيييد يايه خالوه تعرف ردي بسالفه ياويلي شو اقول ..
فطوم : حلفي ولييييش مايتي وياهم
الريم : مااريد سعيد يشوفني اللين العرس
فطوم : والله انج سالفه اوكيه يالله باي


بعد ماسكرت فطوم من الريم يلست تفكر بمنصور : الحين خالوه يايه تسمع ردي بسالفه العرس لو قلت لهم اني رافضة اكيييييد بتستوي مشاكل في العايلة وخالي بيزعل وامايه بتعصب بس ابويه مستحييييل يجبرني على العرس ابويه ريال فاهم ودارس يعرف الصح من الخطأ مستحيييل يخليني اعيش عند واحد مب مقتنعه فيه .. بس امايه اكييييد بتقول منصور مافيه عيب منصور ريال والكل يشهد بأخلاقه عمره ماغازل وعمره ماتحرش ببنات مايخصة بسوالف الشباب هالأيام ريال سوالف ومقالب وحبووووب يفكر بمستقبله ويحب يكون نفسه بنفسه .. بس انا مااريده لا شو مااريده هذا هو الشخص اللي حبيته بكل مافيني .. بس لييييش انا رافضة ليييييش اكيد فيه سبب يمكن اريد ارد حركته انه خطبني بدون مايقول حقي بس هذا مب سبب بس انا ....... لا مستحيل خله شوي يعرف قيمتي سبال ههههه فديته حرام علي خله يستاهل بس ماعليه حصلت حل .. يوم تسألني خالوه بقولها بعدني مااستخرت اكيد مابتقول شي وبعدين بتصرف وياه بطريقتي الخاصة ..

أما من جهة الريم كانت ملااااانه يالسه تلعب لعبه في الكمبيوتر ومصرة تقيمها مئة مرة عادت اللعبة وكل مرة تخسر .. وهيه مندمجه في اللعبة ماباقي شيء وتقيم يقاطع لعبتها صوت مسج .. نقزت في مكانها وخسرت في اللعبة عصبت وردت تعيد اللعبة من البداية ويوصل المسج الثاني .. قامت سارت اطالع من منو المسجات ..

المسج الأول : (( احترامك في محله والمعزة والقدر بس أقول إني أحبك أعترف ماني بقادر !!؟؟)) من سعيد

المسج الثاني : ((محشش يسأل أمه لو أنتي ماولدتيني وشفتيني عند ناس بتعرفيني هههههههههااااي )) فطوم

الريم : ههههههه الله يخسج يا فطووووم صدق فايجه ..
بس شو اسوي مابرد على مسج سعيد انا مقررة اني ماارمسه ولامسج ولايشوفني اللين العرس .. خله يولي برايه يعفن يترياني ..


الساعه 4.45
يوصل منصور العين .. ينزل امه بيت عمته وسار عند سعيد في الكوفي يترياه ..

في الكوفي ..
سعيد كان يالس يتريا منصور يوصل ويالس بروحه ماسك له جريده يقراها للين مايوصل منصور .. رفع سعيد راسه من الجريدة ويشوف منصور ياي صوبه وقف عشان يسلم عليه .
سعيد : مرحبااا مرحبااا الساع
منصور يخاشم سعيد : مرحبا فيك اشحالك
سعيد : بخيييييير وسهاله اشحالك انت واخبارك
منصور : والله تمام
يلس منصور ويلس سعيد وياه ..
منصور : هاااا بوعسكور اخبار الدوام مابتحول بوظبي
سعيد : لالالالالاحشااااا مافيني
منصور : هههههه مافيك ولاعشان العروس في بوظبي
سعيد : هههههه هيه والله اشحالها هيه
منصور يطالعه بطرف عينه : امممممم بخير تشقح
سعيد : المهم انت شو سويت عشان الدورة
منصور : ياخي بخذها وبسافر
سعيد : افااا لييييييييش والعرس
منصور : أأأأأأخ يابوعسكور لوتدري شو في داخلي
سعيد خل الجريده على الطاولة ولف صوب منصور : خييييير شو صاير
منصور نزل راسه وتنهدددددد :
يالخوي بشكي لك الحالي من هموم الوقت وظروفه
مارحمني غث لي بالي لافني من قبل ما الوفه
ذلني من بعد ماسالي والمذله دروبها عوفه
ضاق صدري وزاد غربالي بعد راحه من قبل شوفه
ياسعيد انظر باحوالي قبل ماتغديبي حتوفه
قاصدنك بين لرجالي يافهيم الشعر ووصوفه
أنت ذيب مرقبك عالي ياشجاع حاسمه سيوفه
لك بنوف المجد واقوالي وحاشا مثلك يخذل ضيوفه
وقتيه ياسعيد سلالي بالتحدي رد بصلوفه
هد حيلي زاد غربالي والقدر فزاته معروفه
عاد بي عود ميالي لي تعدى يديله ردوفه
بوعيون سود وكحالي والصدر متشاسعه اكتوفه
هز قلبي ومر يختالي ولا اخذني بحسن وروفه
هذا قولي وتمت امثالي والعذر في آخر حروفه

سعيد يسمع وهو ساكت ولانطق .. يوم خلص منصور كلامه رفع سعيد عينه بعين منصور وقال : لاصد عنك من توده وجافاك .. خله وجازه بلجفا مثل صده .. خلك عزيز النفس والعز مأواك .. وكلن عطه تفصيل ثوبه بقده ..خص الرفيق اللي إذا جيت حياك وأن غبت عنه ياصلك بالموده ..

منصور مافاهم شي شو قصده سعيد انا ياي عشان يخفف عني وهو يرد يزيدني هم وغم ..
منصور : سعيييييد شو قصدك اطنش
سعيد : هيه عيل خلك عزيز النفس منصور لاتذل نفسك عشانها اذا هيه تباك وتعزك جان ماسوت جيه فيك
منصور : مافهمت فمهني
سعيد : اسمع يا منصور خلها تولي لاتسأل عنها واذا شفتها خلك عادي ولاجنه شي صاير لاتهتم فيها ولاتتخبر عنها خلك على هالموال اسبوع وشوف اذا هيه تحبك وتعزك بتسأل عنك .. صدقني يامنصور اسمع كلامي وشوف
منصور يفكر برمسه سعيد : .............
سعيد يريد يغير الموضوع عشان يهدي على منصور : يالله منصور خلنا نسير السينما
منصور وهو يفكر شوي : اوكيه يالله


في بيت قوم فطوم ...
ام منصور وام سيف وحرمة يرانهم كانت عندهم يالسن في ميلس الحريم ..
اما فطوم كانت في حجرتها بعد ماتسبحت يالسه تنشف شعرها وتلفها بسرعه وهو مبلول ولبست شيلتها ونزلت عند الحريم تسلم ..
فطوم : السلام عليييييييكم ..
الحريم : وعليكم السلام
بعد السلام والخرابيط سارت فطوم صوب حرمة يرانهم بتشل بنتها الصغيره اللي عمرها اربع شهور اسمها هنوده ..
تشل فطوم هنوده وترفعها فوق وتحبها : فديييييتها تشبهني
ام هنوده : ههههههه لا بنتي احلى
فطوم : هههه لو تشبهني بسها شو تبا بعد
ام منصور : هيه والله لو تشبه فطوم بتطلع حلوه وماعليها كلام
فطوم حست ان حرمة خالها بدش بسالفه العرس وقالت بطلع بسرعه قبل لاتتكلم بالموضوع ..
فطوم شاله هنوده : صدقج خالوه .. اوكيه عيل انا بشلها داخل في الصاله براويها منصورور
ام سيف : منصور محد سار بيت عمه ويا سيف وشمه
فطوم : والله اوكيه انا بشلها داخل
ام هنوده : برايج



ادش فطوم الصاله وتشغل التلفزيون .. وتيلس وتخلي هنوده في ثبانها .ويالسه تلاعبها ويصيح تلفون البيت ..
فطوم : الووووو
ميروه : هلا والله
فطوم : هلا ميروه اشحالج اشحال يزوي
ميروه : يسرج الحال اشحالج انت
فطوم : بخييييير وسهاله
ميروه : وينج ماادقين مامسوده الويهه
فطوم : ههههههه والله شو اقولج ياميروه تعرفين بعد انا إمرأة اعمال يعني كله مشغوله وكله سفرات
ميروه مخليه سبيكر عدالها يزوي ..
يزوي : اقول حضرة مديرة الأعمال خليني سكرتيرتج الخاصة
فطوم : لالالا انت ماتنفعين لهاي المناصب
يزوي : ويا كشتج سباله
فطوم : ههههههه يزويه تعالي عندي شو رايج
يزوي : مااريد
في هالوقت تصيح هنوده .. ايهي ايهي ايهي ايهي
يزوي : فديتها منو هالنونوه
فطوم تسكت هنوده : بنتي فديتها
يزوي : يالله فطوم بنت منو
فطوم : تبين الصدق بس لاتخبرين حد
ميروه : انا وياكن بالسر
فطوم : الله يخسكن سمعن السالفه الله يسلمج عند الغدا دش علينا ابويه ومعاه حرمه وبنت عمرها اربع شهور وولد عمره سنتين وبكل ثقة وقوة قال هاي حرمته وعيالي
يزوي : حلفي وبعدين شو صار
فطوم : عادي بعد شو
ميروه : وخالوه شو سوت
فطوم : عادي امايه فرحت وشلت البنت وحبتها وسلمت على حرمة ابويه
يزوي : فطوم صدق ولااجذبين علينا
فطوم : ههههه شو اجذب صدق مااقص عليج لو تشوفين حرمة ابويه حلوووووه
ميروه : ووووع ليش يزوج على خالوتي
فطوم : ههههههههههاااي اقص عليكن يا الغبيات هاي بنت يرانا
يزوي : فقتج صدقت
ميروه : سباله عند امج
ترد اتصييييييح هنوده ايهي ايهي ايهي ايهي ايهي
فطوم : اوكييييييه برايكن هنوده تصييييح باي وسلمي على خالوتي
ميروه : انشالله وحبيلي هنوده
فطوم : اوكيه .
.

ابتلشت فطوم بهنوده تصييييح ماطاعت تسكت
فطوم : حبيبي بس فدييييتج ..
شغلت التلفزيون وخلت نجوم كانت غنية يامودي . طولت على التلفزيون ورفعت هنوده فوق ادورها وترقصها عشان تسكت ..فطوم مب حاسه بعمرها عادي ..


في نفس اللحظه يدش منصور الصاله كان داش بسلم على عمته ويشل امه وكانت الساعه تشير للساعه 5.30
دش الصاله يتحسب الحريم يالسات داخل وقف عند الباب يشوف خبال فطوم وهيه تناقز وترقص هنوده .. وهنوده بعدها تصييييح ماطاعت تسكت ..
منصور خاطره يضحكككككككك ....هههههههههاااااااي
يسير صوب فطوم ويوقف جدامها يريد يشل هنوده من ايدها .. فطوم من شافت منصور تيبست في مكانها تمت اطالعا خاطها تصفعها لييييييش جيه داش عليها .. منصور حب هنوده على خدها
منصور : حبيبتي فديتج انت حلوه ويقرص هنوده على خدها .. جان تضحك هنوده .
فطوم بعدها ساكته تريد ترفع قصتها من عيونها وتعدل شيلتها . بس ماب قادره هنوده في ايدينها .. منصور يلف صوبها وخاطره يشوف عيونها بس شعرها المبلول على ويها .. منصور يرفع ايده ويشل شعرها من عيونها حس ان ايده ترتجف .. بس فطوم متيبسه في مكانها مانطقت ولا كلمة ..
منصور ساكت بعد مارمس .. جان يرد يحب هنوده ويطلع .. عنها
فطوم وهيه خاطرها تصيييييح : سبال اكرهكككك
منصور وهو بعده عند الباب سمعها يوم قالت سبال اكرهك .. جان يلف صوبها
منصور : فديت السبال انا ..


طلع منصور وسار ميلس الحريم يسلم على عمته ..
فطوم خاطرها تصيح ترتجف وهنوده تصييح في ايدنها .. سارت ميلس الحريم تعطيها امها ..


وهيه عند باب الميلس كانت خايفة وترتجف ويها احمرررررر .
فطوم تحدر الميلس : السلام علييييكم ..


منصور منزل راسها من سمعها تقول اكرهككك .. ولارد عليها السلام .. جان تتقرب فطوم من ام هنوده كانت يالسه ومنصور يالس على الكرسي اللي عدالها ..
فطوم معصبه ليييييش مايرد السلام يا الفضيحه بأمها وحرمة يرانهم وام منصور ..


منصور رفع راسها ويت عينها بعينها .. وخاطره يضحك عليها ويها احمر ..جان يبتسم في ويها .. جان يقول في خاطره : يحسبني يوم سلم ماسمعته سامعنه بس بتغلى عليه قلت أثقل بس ثقلي ما استطعته وابتسمت وجيت لمعانق ايديه يحسب إني يو مارديت بعته مادرى بكل عمري مشتريه والصراحه يوم سلم ماسمعته كنت افكر كيف أنا اسلم عليه ..


ترخص منصور وامه وساروا صوب بوظبي .. وبعد ترخصت حرمة يرانهم وسارت بيتهم ..

اما فطوم سارت حجرتها وتعق عمرها على الشبريه وهيه تصيح : اكرهككككك .. ليييييش جيه يعاملني قفطني جدامهم ليش مارد السلام ليييييش .. لايكون باعني خلاص يعني مايريدني بس انا احبه فقته مايستاهل ايهي ايهي ايهي .. لا مااقدر اتحمل ؟؟ بس اخرتها بيي يسأل عني واذا اريده ولا لاه .. بس لييش خالوه اليوم مارمست في العرس ولايابت طاريه لايكون منصور قالها انه مايباني خلاص غير رايه .. ...



من باجر الساعه 6المغرب
سعيد منسدح في حجرتها ويفكر : اقوووول حق الريم ولا لاه بس لازم تدري .. بس لو درى منصور اكيييييد بيزعل علي بس انا مااريد حد يستهم علي بس انا لازم اقول حق الريم هذي بتصير بعد كمن شهر حرمته ولازم تعرف الحين .. يشل تلفونه ويتصل فيها بس الريم ماترد عليه .. ويرد يتصل بس الريم ماترد ..

اما الريم اطالع تلفونها وتقول : لااااا قلبي لاتخوني لاتحاول مابرد عليه ..
بس سعيد اتصل ثلاث مرات .. والمرة الرابعه الريم حست انه شيء صاير جان ترد
سعيد : الوووووو
الريم : هلا
سعيد : هلا والله اشحالج
الريم : بخير اشحالك انت
سعيد : الحمدلله
الريم : خييييير سعيد شو صاير
سعيد : الريم بغيتج بسالفه خاصة وضرورية .
الريم : خير قول
سعيد : بس يتم سر بيني وبينج موافقه
الريم وهيه مستهمة : سعيد قول طيحت قلبي شيء فيك شيء يعورك
سعيد : سمعي .. طبعا يوم صار الحادث تأثرت وايد فيه وللين الحين ومثل مالاحظتي أثار الحادث امبينه .. ومن الحادث تأثر العمود الفقري عندي طبعا مب وايد بس شوي تأثر والدكتور قال لازم اتلاحق عليه واسوي عملية قبل مايأثر علي وبعدين بيتأثر العمود الفقري كامل .. يعني قررت انشالله بعد العرس مباشرة بنسافر وبسوي العملية
الريم : وليش ماقلت لي من قبل
سعيد : ماحبيت اغثكم
الريم : شو تغثنا ياسعيد انت صرت شيء مهم في حياتي
سعيد : خلاص يا الغالية لاتستهمين انشالله بعد العرس بنسافر وبنسوي العملية
الريم : وليش تتريا للين بعد العرس سافر الحين وسوها
سعيد : ماينفع لازم تكونين وياي وانا اجلتها لأخر شهر 8
الريم : ..................
سعيد : المهم الريم أمانه لاتقولين لحد حتى منصور .. محد يدري بسالفه غيرج حتى اهلية مايدرون
الريم : انشالله بس طمني عليك
سعيد : انشالله تامرين امر بس لاتستهمين مب خطيرة العملية
الريم : انشالله
سعيد : اوكيه بخليج الحين شي في خاطرج
الريم : تسلم الغالي يالله فمان الله
سعيد : مع السلامه


من جهة فطوم .. كانت داشه النت اتجيك على ايميلها ..
جان يدش منصور (( أللين الحين احبها ولاني قادر انساها ))
فطوم طبعا مادشت عليه حتى منصور قال بشوفها بدش عليه ولا لاه ..
بعد خمس دقايق الكل يتريا الثاني يدش بس محد تنازل ودش على الثاني ..

جان يدش منصور : بابتعد لو يسعدك بعدي .. بهجرك والقلب زعلان بهجر ديار بها سعدي .. وبترك ديار اللي صد واجفاني .. مايروف بعشق المودي .. ولايحس بقلب ولهاني .. الهجر ماييب ويودي والصدود يورث أمحاني .. الوفا والحب مايجدي .. دامه المزيون بطراني ..

فطوم خاطرها تصيح بس ميوده عمرها ماردت عليه ..
منصور : أنا حبيت بس مره وخان الحب ظني فيه .. وقلبي انكسر مرة ولين اليوم أجمع فيه .. وتبت وتاب أحساسي وصرت أقسى من القاسي ..
فطوم : مسموح أبعد عن هواي ما أقدر أجامل وأخدعك .. تسمحلني لو تلقى سواي غيري ترى مابينفعك ..
منصور : لاتحسب إني عقبكم في ندامه ..ماني على حب المقفين ندمان .. من باعنا بالرخص نرخص مقامه .. نشطب عليه ونتركه دون عنوان ودعت حبك بالغلا بالسلامه .. مالي بحبك دامك إنسان خوان .. والقلب بدل عن غرامك غرامه .. من حب مثلك لازم يعيش خسران .
فطوم : ......................................
منصور : روح في دربك وأنا في دربي .. روح وأبعد يحفظك ربي .. يالله يعوضني بغيرك .. مات حبك والبقى براسك ..
فطوم : حرام تجهل حب صادق يراعيك .. من يت في حبك يافريد الملاحه .. جان الغلط فيني وصار الغلط فيك ..هذاك ربي مد كف السماحه ..

أما منصور حب انه يخلي للسالفه حد للين هنيه وخلاص يا كل شي ينتهي أو انها توافق على العرس ..
منصور : فطوم بجد وبدون مزح ومغايظ ومقالب وسوالف .. السالفه فيها حياتي وحياتج .. خلاص خلي الدلع على صوب وخلج جديه في رمستج .. فطوم انا شاريج وابيج على سنه الله ورسوله .. اذا كنت تبيني قولي عشان اني ونخطبج رسمي واذا ماتبيني ومالي نصيب فيج قولي عشان اسحب ملافاتي وابعد عنج ولا اقطع نصيبج لأن الكل يقول انج لي .. فطوم قولي الصدق ولاتكسرين قلب تعذب في هواج ..
فطوم ماتعرف شو ترد او شو تقول ؟؟؟؟
منصور : شو قررتي الحين ؟؟
فطوم : اممممممم خلاص تعال عند ابويه وهو بقولك ردي
منصور : انشالله تكونين موافقه يالله فمان الله
فطوم : الله وياك


الساعه 10 فليل ...

فطوم نزلت الصاله وحصلت ابوها يطالع الأخبار ويلست اطالع وتفكر كيف بتفتح السالفه لبوها .. بعد ماخلصت الأخبار لف بو سيف صوب بنته ..
بو سيف : اقول فطوم ؟؟
فطوم حست قلبها يدق : شوووو
بوسيف : ماعطيتني جواب على العرس
فطوم نزلت راسها : ..........................
بوسيف : يابنيتي اذا ماتبينه قولي
فطوم : لا لا ابويه منصور ريال وماعليه قصور بس الشور شورك اذا يصلحلي انا موافقه عليه
بوسيف : بارك الله فيج يا الغالية منصور ريال ماعليه كلام وانا موافق عليه مابتحصلين واحد احسن عنه
فطوم ويها طمااطه سارت حبة راس ابوها : الله يخليك
بوسيف : مبروووك فديتج
فطوم : الله يبارك فيك ..

مر هاليوم حلووووووو على فطوم بتحقق حلمها مع منصور ... اما منصور كان مستهم يحس بساعات انها بتوافق وساعات انها بترفض بس مع هذا كان متفائل ...


من باجر .. منصور يالس في الدوام على مكتبة ويتصفح بالجريده .. يدخل عليه زميله في الشغل ..
حميد : السلام علييييييكم
منصور : وعليكم السلام هلا والله بو عبدالله
حمدي : اشحالك منصور
منصور : بخير وسهاله تفضل
حميد فج الملف جدام منصور يتناقش وياه بالمشروع ..
منصور : حميد انت تولى المشروع انا بعد شهرين بسافر
حميد : يعني خلاص عزمت على الدورة
منصور : هيه
حميد : منو بخاويك
منصور : ماادري بس يمكن أحمد ياخذ الدورة بعد
حميد : اهاااا ،،، انزين انت تفهم اكثر عني انا مافهمت هذي النقطة (( يأشر عليها في الملف ))
منصور : هذي الله يسلمك مش مهمة هذي النقطة تخص المالك انت عليك التخطط للمشروع بس
حميد : يعني مش مهمة انفذها
منصور : لا بس يكون لك خلفية عنها بس ..... ويصيح تلفون منصور
انصدم يوم شاف رقم بو سيف ؟؟؟؟؟؟
منصور : لحظه شوي حميد
منصور : الوووووو
بوسيف : السلام عليييييكم
منصور : وعليكم السلام والرحمه هلا هلا عمي اشحالك
بوسيف : بخير وسهاله اشحال اهلك عساهم بخير
منصور : كلهم بخير والحمدلله
بوسيف :زين عيل ياوليدي انا داق عشان الموضوع
منصور زايغ من الخاطر لايكون رفضته فطوم : هاه بشر ياعمي
بوسيف : مبروك يامنصور
منصور مب مصدق قلبه يطبل من الفرحه : الله يبارك فيك عمي
بوسيف : مااوصيك يا منصور على فطوم
منصور : لاتحاتي ياعمي بخليها في عيوني
بوسيف : تسلم عيونك يالله عيل انا اترخص عنك
منصور : اقول عمي شو رايك الاسبوع الياي نملج ونعرس مع سعيد والريم
بوسيف : هههههههه اللي تشوفه
منصور : خلاص عيل الاسبوع الياي نحن في العين
بوسيف : حياكم الله ،، وسلم على الأهل فمان الله
منصور : انشالله يوصل وفمان كريم

منصور بند التلفون والفرحه شاقه الويهه
حميد : خييييييييير
منصور : هههههههه باركلي بعرس
حميد : صدق مبروك
منصور : الله يبارك فيك عقبالك
حميد : لا لا لا عندي حرمه وساده
منصور : عادي خذ الثانية
حميد : لا مافيني ياخوي جنك ناوي تسفرني الحرمه
منصور : هههههههه انزين خلنا نرجع للمشروع
حميد : احسن اخافك تقنعني بالعرس واعرس
منصور : هههههههههههههههههه


من جهة فطوم .........
ادق فطوم بالريم تبشرها بأنها وافقت على منصور
الريم: الوووووووو
فطوم : شحالج ريموه
الريم : بخير اشحالج انت
فطوم : تمام الله يسلمج
الريم : غرييييييبه ليييييش داقه من الصبح
فطوم : امممممم داقه ابشرج
الريم : بشوووو تبشريني
فطوم : وافقت على منصور
الريم : والله زييييين والله مبروووووووووك
فطوم : الله يبارك فيج
الريم ياها خط سعيد ....
الريم : فطوم برايج عندي خط
فطوم : اوكيه باي

ترد الريم على سعيد
سعيد : الووووو
الريم : اهلين
سعيد : اشحالج
الريم : بخير اشحالك انت
سعيد : تمام والله
الريم : ياحيك
سعيد : اقول الريم
الريم : خييييييير
سعيد : أسف عشان دقيت وادري انه هذا غلط بس لازم تعرفين مااباج تسافرين وياي
الريم : لييييييييييييش
سعيد : عشان الجامعه
الريم : نفادها الجامعه مب لازم اكمل
سعيد : ليييش بتودرينها
الريم : لا مابودرها بس بطنش هالكورس
سعيد : لاحرااااام
الريم : عادي كله بس عشانك
سعيد : تسلمين خلاص عيل ريحتيني بكلامج تامريني بشي لازم اسكر لأنها مب حلوووه في حقج ادق
الريم : سلامتك الله يحفظك
سعيد : مع السلامه


بعد مرور اسبوع .......
قبل ملجة منصور على فطوم ..
في بيت بومنصور في بوظبي .. يصيح تلفون البيت ويرد منصور على التلفون ..
منصور : الووووووووووو
فطوم ليش يرد منصور محد غيره في البيت ..
منصور : الووووووووو
فطوم : السلام عليييييييكم
منصور متشقق صوت فطوم : وعلييييييييكم السلام والرحمه مرحبااا ملايين ولايسدن
فطوم : لو سمحت ممكن الريم
منصور : شوووو هالأدب بعد لو سمحت ..
فطوم : ....................
منصور : انزين مايصير منصور
فطوم : لو سمحت اخوي اريد الريم
منصور : هههههههههااي انزين اتخبري عني وعن اخباري يا الظالمة من اسبوع ولالج خبر
فطوم خاطرها تصفعه : انزين اشحالك عساك بخير
منصور : بخير وسهاله اشحالج انت
فطوم : الحمدلله تمام اوكيه يالله عطني الريم
منصور : مابعطيج
فطوم : يالله عاد اريدها ضروري
منصور : الريم محد سارت السوق
فطوم : ولييييييش ماترد على تلفونها
منصور : مااعرف اشدراني
فطوم : اممممممم اوكيه يالله باي
منصور : وين صبري اريد اقولج شيء
فطوم : خييييييير
منصور : ليييييش رفضتي نسوي ملجه عودة مثل ملجة سعيد
فطوم : بس اصلا انا مااريد اشوفك في الملجة
منصور : نعممممممممم شو كيفج هو
فطوم : هيه كيفي ماتشوفني للين العرس بالفستان الأبيض
منصور : لاااااااااا لييييش سعيد يشوف الريم
فطوم : سعيد والريم غير وفاطمة ومنصور غيييير
منصور : لا مايخصني بدش وبصور بعد
فطوم : ماشي تصوير في الملجة ومابدش علي فهمت
منصور في خاطره بدش غصبا عنج ...
فطوم : حووووو
منصور : منصور لو سمحتي ..
فطوم : ههههههههههه
منصور : خلاص مابدش في الملجة بس العرس بدش بدش تبين ولا ماتبين ضربي راسج في اليدار
فطوم : ماعندنا يدرا في البيت
منصور : ههههههههههه
فطوم : انزين سلم على الريم وقولها تتصل ضروري اوكيه
منصور : حاضر فديتج
فطوم أأأأأأخ محلاة كلمة فديتج على لسانه..
منصور : بعد تامرين بشيء
فطوم : سلامتك وخل بالك على نفسك
منصور : انشالله يالله عيل فمان الله وردي السلام
فطوم : انشالله فمان كريم


في يوم الملجة ...
في بيت بو سيف كانت الملجة صغيرة على قد العايلة بس واللي هم عائلة بومبارك وعائلة بو سعيد وعائلة بوسيف وعائلة بو منصور ويرانهم ..

بعد ماخلصوا العرب العشا .. يلسن البنات في الصالة الصغيرة اللي تحت ..
ميروه : فطوم متى بكون العرس
الريم : انا وفطوم بنسوي عرس جماعي
علياء : هيه انتن كيفكن
الريم : هههههههه عليوه انا سمعة سلوم ريلج يقول بنسوي عرسي وعرسج وعرس فطوم في يوم واحد
يزوي : الله كشخه بنزف ثلاث عرايس
علياء تمسك الريم من اذنها : منو عليوه وسلوم
الريم :أأأأأأخ منو غيرج انت وريلج
علياء : عيب انا حرمة عمج وهذا سلوم يستوي عمج
الريم : خلااااص بطلي اذني يا حرمة عمي
فطوم : ههههههههههه علياء بطليها بروحها اذنها كبيرة ماناقصين
الريم : فقتج سباله

ادش ام سيف ..
ام سيف : فطوووووووم
فطوم : نعم امايه
ام سيف : تعالي الميلس اللي برع خوالج بيسلمون عليج
فطوم : انشالله
تسير فطوم الصالة وياها الريم ويدشن ويلسن في اخر الميلس .. دقايق ويدش بو سيف وبو منصور وسالم ومنصور .
منصور داش والابتسامه شاقه ويهه .. فطوم من شافت منصور عصبت هيه قايلة لايدش في الملجة والله انه سباااااااال ..
تسلم فطوم على خوالها .. تيلس فطوم عدالها منصور والريم من جهة سالم وبو سيف عدال بومنصور ..
سالم : ها يامنصور مانوصيك على فطيم
منصور يطالع فطوم ويلف صوب عمه : لاتوصي ياعمي هذا بنت عمتي وفي عيوني
بوسيف : الله يهنيكم ..
الكل : أمين
ترخص بوسيف وبومنصور وطلعوا .. يلس سالم والريم وفطوم ومنصور ..
فطوم معصبة من الخاطر .. منصور كان يالس عداله .. بس تريد اطلع حرتها فيه عشان يتأدب .. جان تقوم تقرصة على ريله .. منصور عورته القرصة جان يصرخ : أأأأأأأي
سالم : اشفيك
فطوم في خاطرها تضحك :كككككككككككككك
منصور لف صوب فطوم وهو يضحك . هههههههه
الريم : بلاااااك
منصور : لاماشي بس شي قرصني في ريلي
الريم : هههههههههه اكيد سمسوم
سالم : ههههههه انزين الريم قومي وياي
فطوم خاطرها تقول لا يلسوا ويانا ..
طلع سالم والريم .. فضا المكان ..
فطوم قامت وسارت يلست على كرسي غير وجان ترفع رساها : سباااااال
منصور مخلي ايده مكان قرصتها : أخ عورتيني هب سمسومه عثرج
فطوم : احسن تستاهل انا شو قلت لك امس ماادش في الملجه
منصور : ههههههه شو اسوي ابوج قال قوم ويانا
فطوم : عادي قول مااريد ادش
منصور وخاطرها انا اباها من الله : افااااا فضيحه ارد عمي
فطوم وهيه تقلده : فضيحه ارد عمي
منصور : انزين انت لييييييييش معصبة
فطوم : سلامتك مش معصبة بس ممكن تشل عمرك وتطلع
منصور : لا مش ممكن انا لو اريد اشلج وياي الحين بيتنا لأنج استويتي حرمته خلاص
فطوم : مااريد وبعدين مب كيفك
منصور : هانت يا بنت خلفان مابجي شي الا شهرين يالله عاد زهبي عمرج حق العرس وانا كل يوم بطيح في العين عشانج
فطوم : لا ارتاح في بيتكم تحلم تشوفني او ترمسني للين العرس
منصور : ههههههه عادي تحملت طول هالمدة بتحمل شهرين عشان خاطر عيونج
فطوم قامت تريد تتطلع وسارت صوب الباب .. : اوكيه اسمحلي
منصور وقف وسار صوبها : صبري
وقفت فطوم في مكانها وتقرب منصور منها ..
فطوم تبتسم : نعم بغيت شي
منصور مسك ايدها ورص عليها قووووووووووو حتى من قوتها احمرت ايدها
فطوم تريد تسحب ايده بس مب قادر : أخ ايدي
منصور شل ايده فوق وحبها وطلع عنها ..
فطوم تيبست في مكانها أأخ ايدي تعورني حمااار ...

عدا يوم الملجة على خير وكلن سار بيته وهو مرتاح . خاصة منصور .. ارتاح من هم شاله فترة طويلة . خلاص هانت وكل شي بتحقق بعد عناه وتعذيب وهم وزعل ..



ياترى شو بصير في الحلقة الأخيرة (( من شفتها وقلبي ويااااها ))
هل من أحداث جديدة تغير مسار حياتهم ؟؟؟
هل حد منهم بتعرض لشيء ..؟؟؟
شووووووووووووووووو بصير في العرس ؟؟؟

[بليا روح]

•.¸¸.•°° .. يوم العرس .. °°`•.¸¸.•°°

... 27 / 8 ...


هذا هو اليوم المنتظر .. منصور في هذا اليوم طاير من الفرحه وده يطيير فوق فوق .. وسعيد حالته اخس عن منصور كان مرتبش والفرحه مافارقت ويهه .. أما سالم يالس يحسب الدقايق والثواني عشان يدخلونه على حرمته ويشلها معاه ..
في هذا اليوم كان الكل مرتبش مثل ماتعرفون بنزف ثلاث معاريس .. معاريس والكل يشهد على أخلاقهم ..

طبعا على الساعه 2 الظهر
تطلع الزفية من بوظبي لصوووب دار الزين .. (( موقع الحدث )) ..

كانت في مقدمة مسيرة العرس سيارة منصور ...
منصور من فرحته مركب سماعتين كبااار في مأخرة السيارة .. ومسوي شريط خاااص للزفية .. هيه عبارة عن غنية وحده وتكرر كذا مرة في الشريط ..

تبدأ السيارات تاخذ مكانها في خط بوظبي لصوووب العين ..
كان موقف رووووعه السيارت والهرانات والحشرة ..

منصور مشغل المسجل ومطوول عليه أخر شيء وطااار الشارع بالصوت ..
والغنية اللي تقووول كلماتها ..


هل الفرح وأنواره بأهل الوفا والزين ...
والسعد زف بشاره في بوظبي والعين ...
لين الهنا وأقماره جامع وفا قلبين ..
عسى الزمن وأقداره يسعدهم هم الأثنين ..

°°`•.¸¸.•°°`•.¸¸.•°°`•.¸¸.•°°

سعد العمر يهديهم شمس وقمر ونجوم ...
والحب ساكن فيهم بكل وقت ويوم ...
ياربنا اتهنيهم أهل الليالي دوم ...
وإلنا عسى تخليهم ياربنا أأأمين ...

°°`•.¸¸.•°°`•.¸¸.•°°`•.¸¸.•°°

داري بكم تتباها ياعاليين الشان ...
واليوم يامحلاها بأفراحكم تزداد ...
زفت صادق غلاها بالورد والريحان ...
هنتكم وهناها كل الحلا والزين ...

°°`•.¸¸.•°°`•.¸¸.•°°`•.¸¸.•°°

هل الفرح وأنواره بأهل الوفا والزين ...
والسعد زف بشاره في بوظبي والعين ...
لين الهنا وأقماره جامع وفا قلبين ..
عسى الزمن وأقداره يسعدهم هم الأثنين ..

°°`•.¸¸.•°°`•.¸¸.•°°`•.¸¸.•°°°°`•.¸¸.•°°`•.¸¸.•°°` •.¸¸.•°°


على الساعه 4 توصل الزفية لدار الزين ....

بعد مااجتمعوا أهل بوظبي في بيت بوسيف .. ساروا الرياييل لصلاة العصر في المسيد .. والحريم سارن بعد يصلن ..

بعد الصلاة يتيمعن الحريم في بيت أهل فطوم ..

والرييال ساروا صوب الخيمة لأن بدوا العربان ايون العرس ...
تمضي الدقايق بسررعه والثواني أسرع ..

من جهة البنات ..
على الساعه 7 خلصن تعديل وكل شيء ..
كانن كل وحده أحلى من الثانية ..

الخوووف والتوتر يبين على ملامح ويهه عرايسنا . كلهن كانن خايفات إلا علياء شوي مقويه من شخصيتها وتحاول تهدي في الريم وفطوووم شوووي ..


نرووووح لمعاريسنا ..
بعد ماخلصوا يوله وسوالف ..
جلس منصور على طرف بروحه .. يتقرب منه هزاع ربيعه ..

هزاع يظرب جتف منصور : هااا معرسنا وين بشتك

منصور والإبتسامه على ويهه : ههههههه أي بشت الله يخليك .. لالا مااقدر البسه اخااف منه ماادري ليييييش .. ماادري عمي والله انه كاشخ فيه وماعليه من حد .. بس انا ماادري مااريد ارتز فيه لالا شووو اباه

هزاع : ههههههه المهم مبرووك وانشالله يدومها لكم من فرحه وعقبال مانزف عيالك في عرسهم

منصور : الله يبارك فيك وعقبالك

هزاع : هههههه خلني أحصل بنت الحلال بعدين يصير خيييير

منصور : كل هالبنات اللي عندك ولاوحده دشت مزاجك

هزاع : شوو لايكون تريدني أخذ وحده من هالبنات اللي ارمسهن لا حبيبي انا اريد وحده محتشمه مب وحده خااايسه

منصور وقف : عيل لييش تقص عليهن مب حرام عليك ياريال حصن عمرك وخل هالخرابيط وصدقني مابنفعنك هالبنات

هزاع وقف : الصراااحه ماادري شوو اقوول بس انشالله يصير خير


على الساااعه 8.30
يدخلووون عليا الخيمة ..

تدخل عيا برقتها وحياها وخجلها .. يمسكها محمد اخوها من ايدها يوصلها للين الكوشه ...

•°° الله يازين اللي احضرت •°°
•°° غطت على كل الحضور •°°
•°° طلت علينا وانورت •°°
•°° ماعقب هذا النور نور •°°
•°° فلت جذايلها وسرت •°°
•°° وصفقنا حيل بلاشعور •°°
•°° هي هي بس اللي اقدرت •°°
•°° تجني على كل الحضور •°°

بعد ماوصلت علايه الكوشه وعرضت عرض عجيب على الحضور جلست على الكرسي .. تنتظر الفارس يوصل وياخذها على حصانه الأبيض ..

بعد ماجلست عليا تبدأ المصورة تصور .. وتأذي علايه وياها ..

تسير أم سيف وأم منصور وأم سعيد وأمها يسلمن عليها ويباركن لها ... وامها تحاول تخفف من خوف علايه ..

بعد نص ساعه يدش سالم الخيمة بلاهود ولاهدا ..
يدش وهو راااافع راااسه فوووق فووووق ونظرته سيده صوب عروسته اللي تنتظره .. يبتسم لها من بعيد ..
يسلم سالم على الحريم ..

يسير سيد صوب الكوشه وهوووو كاشخ بالبشت والعصا بيده ..
يتقرب سالم من عليا .. توقف عليا لريلها .. يتقرب سالم منها ويشل الطرحه ويبوسها على راسها ..

سالم : مبررروك الغالية

علايه مستحيه تنزل راسها ..

ايلس سالم علاية ويرفع فستانها عشان اييلس حذالها ..

طبعا تبدأ الربشه في الخيمة ..
بعد ربع ساعه يدش بومنصور ومنصور وبو علايه ومحمد اخوها الخيمة عشان يسلمون على المعاريس .. يغطوم علايه بالعباه ..

تبدأ الفرقة اطرب ..

•°° كلولولولولولولولولولولولولولولولولولوش •°°
الليلة ليلة فرح مامثلها ليلة عليا وسالم .. لاطله يكفونه
ياسالم جيناه نباركله ونغنيله من كثر ماحنا نحبه لاتلووومونه ...

•°° كلولولولولولولولولولولولولولولولولولوش •°°
يابنات ارقصوا يالله اغموا الشيلة .. إحنا نغني بكم وإنت تغنوله
عبروا عن فرحكم غنوله الليلة .. وارقصوا وافرحوا ياناس ورونا ...

•°° كلولولولولولولولولولولولولولولولولولوش •°°


بومنصور : بالمبارك ياسالم بالمبارك اخوووي

سالم يخاشم اخوه : الله يباك فيك يالله عقبالك

بومنصور : هههههه لالا عندي حرمه وتكفي

منصور : مبرووك عمي انشالله انشووف عيالكم

سالم : الله يبارك فيك ومبرووك لك بعد

منصور : تسلم

بعد ماخذوا صورة تذكارية .. للمعاريس والعايلة
يمسك سالم ايد عليا .. بشلها وبطعون برع الخيمة .. عشان ادش الريم بعدها ..


بعد ربع ساعه ادش الريم بصوت الفرقة ..


•.¸¸.• مرحبا بأجمل عروس في الوجود •.¸¸.•
•.¸¸.• مرحبا بالزين كله والجمال •.¸¸.•
•.¸¸.• نال قلبي وردة من أحلى الورود •.¸¸.•
•.¸¸.• كله أعذب من وأكثر من دلال •.¸¸.•

تدخل ريموه وكل الأنظار ترقب خطواتها البطيئة .. الريم كانت تمشي وهيه ترتجف كانت زااايغه لأن الحضووور كان وااايد ..

ادش الريم وبسرعه تيلسها امها على الكوشه ..
دقايق ويسيرن ربيعاتها يباركن لها بالعرس ..

بعد نص ساعه يدش سعيد مع ابو منصور

سعيد بروحه كاان خايف لأن الحريم مايخلن الواحد بحاله ؟؟؟ يتقرب سعيد من الريم وهو مبتسم لها .. توقف الريم احتراما لزوجها وتقديرا له .. يتقرب سعيد منها ويبوسها في يبهتها .
.
سعيد : مبروووووك الغالية

الريم تبسم : الله يبارك فيك ..

يوقف بومنصور عدال بنته ويحبها على راسها .. ويصور وياهم ويطلع برع الخيمة ..

سعيد يتقرب من الريم ويمسك ايدها وحس ان ايدين الريم ترتجف وحااااره من الخووووف

سعيد خاطره يضحك بس مايلومها الحريم وعيونهن مايرحمن ..

سعيد : ريموه فديتج اشفيج ايدينج حااااره

الريم تلف صوبه وهيه ويها احمر : ماشيء بس خايفة وبطني يعورني

سعيد : صبري شوووي بعد نص ساعه بطلعج من الخيمة

بعد خمس دقايق .. يدش منصور عشان يسلم على المعاريس ..

يمسك سعيد الريم من ايدينها عشان توقف تسلم على اخوها ..

منصور : بالمبااارك بالمبااارك يامعاريسنا

سعيد يخاشمه : الله يبارك فيك يا الغالي

يتقرب منصور من اخته ويبوسها على راسها

منصور : ههههههه بلاج ريموه شكلج زايغه

الريم : بطني يعورني من الخووووف

منصور : ههههههههههه شعووور عادي ..

يسير منصور صوب الفرقة ويشل الميكروفون ..
منصور : احم احم (( يجرب الميكروفون ))

منصور : هالقصيدة اهديها لمعاريسنا ويأشر على الريم وسعيد .. واقوول لهم بالمبااارك عليهم .. والله يهنيهم انشالله

الكل يطالع منصور ومنصدم منه الريم وسعيد يطالعون والريم اطالع اخوها كيف يته الشجاعه بقصد جدام هالوفد من الحريم ..


منصور :
°°`•.¸¸ اليوم يا سعيد لفيناك .. واجمل بيوت الشعر نهديك.¸¸.•°°
°°`•.¸¸. ونقول يعل السعد يحضاك .. ويعل الفرح دايم يلاقيك.¸¸.•°°
°°`•.¸¸. كل لفى عرسك وهناك .. شيوخ وقروم تهنيك .¸¸.•°°
°°`•.¸¸. يا سعيد اللي الطيب مبداك .. يرتاح لك كل من يخاويك .¸¸.•°°
°°`•.¸¸. يابوعسكور من عرفناك .. وانت التواضع من مباديك .¸¸.•°°
°°`•.¸¸. يسلم يلي على الخير رباك .. وعساه رب العرش يحميك .¸¸.•°°
°°`•.¸¸. ويعل الذي يشبك بيمناك .. بالود يملاها لياليك .¸¸.•°°
°°`•.¸¸. ويعيش طول العمر وياك .. عساك تهنا به ويهنيك .¸¸.•°°

°°`•.¸¸. اخترت انا اشهد بأنك اخترت .. بنت العرب لي كلهم طيب .¸¸.•°°
°°`•.¸¸. انا اشهد انك قد توفقت .. يا عارف اصول المواجيب .¸¸.•°°
°°`•.¸¸. مبروك في ما اليوم دبرت .. عداك يا بوعسكور العيب .¸¸.•°°
°°`•.¸¸. طيبك يا سعيد منه احترت .. حتى الطفل من طيبك يشيب .¸¸.•°°
°°`•.¸¸. اليوم نص الدين كملت .. ماشي وقف في دربك صعيب .¸¸.•°°
°°`•.¸¸. مبروك لك بالعرس باركت .. اخوي لك بدي المواجيب .¸¸.•°°
°°`•.¸¸. هذا ولك من شعري أبدعت .. واسمح إذا يتك العذاريب .¸¸.•°°

..........:::: وسواااااااااالم ::::..........

ختم منصور الشعر وسار صوب اخته الريم يسلم عليها عشان بيطلع .. تقرب منصور من الريم اللي غلبتها دمعتها ونزلت على خدها ..

منصور يمسح دمعة الريم : ريموووه لاتصيحين .. بعدين سعيد بقووول شينه بيخترب مكياجج

سعيد : ههههههه الريم بمكياج وبدون مكياج فديتهاااا حلووووه

الريم : .................................

منصور : يالله الريم مااريد اشووف هالدمعه ؟؟

يرفع منصور ايده ويوجها لسعيد

منصور : خل الريم في عيونك وهالله هالله عليها هااي الريم شيخة الحريم

سعيد يمسك ايد الريم : ماتوصي الريم في عيووووني بدير بالي عليها اكثر ماادير بالي على عمري

منصور : خلاااص الريم اذا سعيد ضايقج قولي وانا براوج شغل الله فيه

طلع منصور من الخيمة ..
بعد دقايق تطلع الريم مع سعيد من الخيمة ويشل سعيد الريم للمجهوووووول ؟؟؟؟

بعد ربع ساعه يدشوووون فطوم الخيمة .. فطوم كانت مميزة غير عن كل العرايس اللي دشن فطوووم فيه شيء تخلي الواحد ينجذب لها .. كانت حلوووه تجننننننن ...
ادش فطوم الخيمة واخوها سيف (( 3 اعدادي )) ماسك المسجبة ويرزف جدامها .. وشمه 6 ابتدائي وسلامه 2 ابتدائي واقفات عدالها .. كانت شمامي وسلامي لابسات نفس الشيء حلواااات ..
تدخل فطوم على صوت الفرقه

عند باب الخيمة توقف فطوم ... وفجأة يطلع منصور من وراء الكوشة ويوقف على الكوشه ويشل الميكروفون ..

ويوجه نظره لفطوم اللي داشه الخيمة .. والكل وجه نظره على منصور بعد ماكانوا يطالعون فطوم وهيه داشه ..

منصور : السموووحه منكم ..

ويقصد لفطوم .. لأن واعدنها يسوي شيء في عرسها ؟؟؟

°°`•.¸¸.•°° يا هلا باللي على الموعد لفت °°`•.¸¸.•°°
°°`•.¸¸.•°° يا هلا بك يا هلا نور العيان °°`•.¸¸.•°°
°°`•.¸¸.•°° يا هلا باخت الغزال اللي مشت °°`•.¸¸.•°°
°°`•.¸¸.•°° صوبيه ابكل رقه واتزان °°`•.¸¸.•°°
°°`•.¸¸.•°° كن شمس أشرقت أو انورت °°`•.¸¸.•°°
°°`•.¸¸.•°° في الدجى والليل نور المكان °°`•.¸¸.•°°

فطوم تيبست في مكانها ماتقدر تمسك عمرها .. شوي ودمعتها بتنزل على خدها حاولت تمسكها ...

منصور قال القصيده وطلع من وراء الكوشه ..

بعد ماقال منصور القصيده .. تسير فطوم صوب الكوشه بكل خووووف
تجلس فطوم على الكوشه وشوي وإلا الحريم يقومن يسلمن عليها ويباركن لها ...

بعد ماخفت شوي الخيمة يدش منصور وأبوه وعمه (( بوسيف ))

تبدأا الفرقة اطرب ..

.¸¸. بالفرح يا أهل الطرب غنو لها ياعروس الحسن يازين المها .¸¸.
.¸¸. ومنصور المعرس آآه يازين الرجال بالسعادة خطوته في دربها .¸¸.
.¸¸. والعروس اللي خذت كل الجمال يحفظ الله هالجمال وحسنها .¸¸.
.¸¸. والعريس اللي حوا زين الخصال صار يستاهل سواد عيونها .¸¸.
.¸¸. والعيون أوساع والرموش نطال والخشم سيف على العالم زها .¸¸.
.¸¸. نظرت عيون المها ومشي الغزال والخدود أورود يسبي عطرها .¸¸.
.¸¸. بالحسن ياربي مايبقى مكان تنكسر عين الحسود وبشرها .¸¸.
.¸¸. بالفرح يا أهل الطرب غنو لها ياعروس الحسن يازين المها .¸¸.

يدش منصور ويحب فطوم على راسها ويوقف حذالها عشان ابوه وعمه بيتصورون وياهم ..

بعد ماتصور بوسيف وبومنصور وام سيف وام منصور نزلوا من الكوشه وخلوا المعاريس بروحهم ..

يتقرب منصور من فطوم ويهمس لها ..
((( والله وتحقق منايه شوفوا حبيبي معاي .. يا أهل الحسد والوشايه سعادة قلبي وياها )))

على الساعه 2.20 فليل
يوقف منصور وفطوم عشان ينزلون من الكوشه ..

منصور يرمس فطوم : أنا أحمد الله ليه جمعنا بعد حين .. واللي وهبني في حياتي ملالي .. واللي مقدرني أكمل بج الدين .. في دنيتي يا دنيتي يا دلالي ..

فطوم تلف صوبه وهيه ماسكه ايده : الله جمعنا على الوفا نحن الأثنين .. والله غرس فينا الغلا والوصالي .. أنا أحمده وأشكره وبفضله أديم .. تراه جمعني في العمر بك يا غالي ...

يشل منصور حرمته ويطلعون برع الخيمة ..
وكلوووووووولووووولوووووولووووش بالمبااارك لمعاريسنا ...

[:: PreTTy GiRl ::]

السلااامـ علليكمـ ..^____^

ثااانكس بليا روووح على القصة

انا ماقريتها كلها بس شكلهااا حلوووة

نرقب يدديج .....:winner_second_h4h_a